Hozáya 6:1 - Bokyi Bible

¹ Banet ḿbé Ézerel ba/raa ba/fu, bâ n̂g byi-bwa esim byi-kâm Óburúkpâbí. Nyǐ oo/némê bě, nké o-man n bě eju byinêm ámbyi. Nyǐ oo/némê bě, nké o/chi o-bwá bě byinêm ámbyi.

Hozáya 6:1 Iomraidhean Croise

2 Korónyíkil 30:6

Banet-kyitwóm ba-byí ké kángkáng Júda ne Ézerel wǎ eringe Otu Hezekyâ ne banet-ashí-bǎmkpóngé emen ba/kye busa, ba-da-kó banet ba/fu, banet-Ézerel, ben baa/fem ké abwô nyí batu ḿbé Asyírya. Bírî n̂g kántîk ba-kâm Osówo Óburúkpâbí mú Ébarahâm ne Ázik ne Jekôp, ne nyǐ o/chi o-bírî o-kâm běn.

JÔP MBWÔP KASHÚ-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 16:9

Osówo ké kafâ esa oo/jâa mě ké byirî ké byirî. Nyǐ mu o-tún n mě achi ne kafâ esa.

JÔP MBWÔP KASHÚ-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 22:23

Bwa ne byiko eyên kyísí] a-bwa esim a-kâm Osówo, a-man kángkáng byibî ḿbyí mbyi ké kyise eyên.

JÔP MBWÔP KASHÚ-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 34:29

 Osówo o/fu, nyǐ oo*chi nang chwǒm* onet o*fí mú oda ǎ eman ebîn*.  o/rôo bushú emen, banet baa*ri to ochwâp*.

JÔP MBWÔP KASHÚ-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 5:18

Osówo mu o-némê e banet, nké nyǐ mu o-bwá ng byinêm ámbyi. Nyǐ mu o-díp ng banet, nké abwô emen nyi a-man n bubân.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 30:7

Óburúkpâbí, wo a/mû kanong ne me. Wo a/ku mě wǎ kaku ńké shwaneshwane. Nké nang kyi/mû éné, wo a/rôo mě byiko eyên ne bushî bu/róng mě.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 6:2

Ô Óburúkpâbí, ri mě bafip, ké nǎ, me n/firi kyeekyee. [Kye mě busa,] ké nǎ, me asa aa/man mě kángkáng.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 71:20

Wo aa/twóm mě afaníkong ne busông, nké wo a/chi a-bwa ne busa ejí a-kye mě. Wo aa*mîng mě n-nung ké dyikun*.

Ekyilyizátes 3:3

o-tî ng nkéré mú onet eju ne nkéré mú onet echi o-nyange, o-tî ng nkéré mú badabú ne mú badabi,

Azáya 17:7

Nkéré mú dyicí ándyi dii/fyi, banet ba/chi ba-bírî ba-kâm Osówo mú onong mú Ézerel, mú o/chi kámbé ba/fu, ochwáp kámbé.

Azáya 2:3

ne banet ebe ba/chi ba-raa ba/fu, bâ n̂g byi-yú kaku ńké Óburúkpâbí byi-wâa ké kiǐtí-kyise-kyifen echi ńkyí Osówo mú Ézerel. Nyǐ o/chi o-tángê bě ńkyí mu o-ryuu ng o/fu, byichi. Byi/chi byi-cen ké kiǐfáng ńkyí nyǐ oo/cá, ké nǎ, ńkyí Óburúkpâbí mu o-tángê e nkyi kyi-fím m ké Jerúsélem. Mu o-bwom m ké Záyon o-pem m ne banet emen.

Azáya 30:22

Ben ba/chi ba-yip erím-bakye enen nyí ba/cít kányí syílyíba ne nyí ba/cít kányí gûl ba-pwó kú wǎ banunut-byěm ba-raa ba/fu, *da n̂g bě echîbwom ké bushú*.

Azáya 30:26

Otukáku o/chi o-kûsan jangjang wǎ óbyísû, ne óbyísû o/chi o-kûsan kampén bujam o-shwôm eringe nyí o/mû o-san n, wǎ kiinwángé ńkyí ací bujam kyidasan ké dyicí dyibónge. Ńkyín kyi/chi kyi-chi ké nkéré mú Óburúkpâbí oo/bwá byinêm ḿbyí o/kye banet emen byi-kpú.

Azáya 55:7

Byibî-banet byimîng akwóp-dyikpen ebe, ba-yángê bukwóp ḿbú mbe ba-kabe ng byěm. Babírî ba-kâm Óburúkpâbí mú mu Osówo eten. Nyǐ o-ri ng banet bafip, ne kyibî kii*sóng ǎ epwoo*.

Jeryimáya 3:22

Ben kángkáng mú ba/bírî Óburúkpâbí esim, bwa n̂g esim. Nyǐ o/chi o-chi běn ba-kûfé dyityém enen ne nyǐ. Ben bamu ba-bángê e ba/fu, âa, be byimu byi-bâ byi-kâm Óburúkpâbí, ké nǎ, nyǐ nké mu Osówo eten.

Jeryimáya 30:12

Óburúkpâbí o/raa ne banet emen o/fu, byibáp enen bii*kpú* baa*soo byinêm enen byi-kpú*.

Jeryimáya 30:17

N/chi n-chî běn echi ba-nyange. N/chi n-chi byinêm enen byi-kpú, nang ké banet-bushwôn enen mbe ba-raa ng ba/fu, Záyon o*fí to ké chwǒm*. Onet o*fí mú mu o-tún n kámú*. Me Óburúkpâbí nké n/raa.

Jeryimáya 33:6

Nké n/chi n-chi oshê mún o-nyange ne banet emen, n-chi orwôm ebe o-man. N/chi n-tông kámbé dyikpen ńdyí degere ekyú ne bunyîn-dyityém chwóó.

Jeryimáya 50:4

Óburúkpâbí o/sét o/fu, â nkéré ámu o/fyi, banet ḿbé Ézerel ne ḿbé Júda ba/chi ba-kpet etii ba-kyé ng mě me Osówo ebe ba-bâ.

Jeryimáya 50:5

Ba/chi ba-bí bukwóp ḿbú mbu bu-jâ Záyon, ba-dim kyicê ánkyi. Ba/chi ba-ryí ocím ne me mú baa*bên to* ba-sem Óburúkpâbí.

Lamantéshan 3:11

Nyǐ o/nwa ne me n-tánê kiǐfáng, o-ját mě byicê byicê o-dim o-mîng mě.

Hozáya 11:10

Banet ejí ba/chi ba-bâ ne me ké kyikû ké nkéré n-kú n-fém m ne banet-bushwôn ebe wǎ ekpang. Mbé ba/chi ba-fím ké kyicê ńkyí esû nyi e-ríbî ng e-jâ, ba-zóngê ba-kâm mě.

Hozáya 12:6

Ké bubwô ámbu kántîk, ǎ kyikû-banet ńkyí Jekôp, fé n̂g dyityém ké Osówo enen, ba-bwa esim ba-kâm ǎ. Tông n̂g dyityém ecángê, baa*ryí acît* ba-bám degere ba-mîng Osówo enen o-chi ńkyí o/fu, nyǐ o-chi i.

Hozáya 14:1

Hozáya o/fu, banet ḿbé Ézerel, bwa n̂g esim ba-kâm Osówo Óburúkpâbí enen. Kyibî enen kii/chi běn ba-kpán dyícíring ba-myii.

Hozáya 14:4

Óburúkpâbí o/raa o/fu, me n/chi m-kpî banet ejí ba-bwa esim ba-kâm mě. Mbé ba/chi ba-jê mě ne dyityém ejí kángkáng. Me n*fí to n-sa ng kafâ ne mbé*.

Hozáya 3:5

Nké nkéré mu o-bâ mú banet ḿbé Ézerel ba/chi ba-chîbírî ba-kâm Óburúkpâbí mú mu Osówo ebe, ba-kâm to onet-kyikû-banet ńkyí Otu Dívit. Mbé kâng ba/chi ba-shî Óburúkpâbí ne ba/chi ba-koo eyáré emen nyí enong.

Lyívyítyíkus 14:48

 ké nkéré mú nchi kyifen-Osówo oo/batún kyise ánkyi, byibît byi*da/chîbyí* ké nkéré baa/bwât kyise ánkyi ba-kwa* o/chi o-sét banet o/fu, kyise ánkyi kyi/firi kyikit ńkyí baa*ciring to* ké nǎ, baa/fîm byibît ámbyi kángkáng.

Zefanyâ 2:1

Zefanyâ o/fu, ben banet ejí ḿbé ba*fí ne éshwân* nyît n̂g eringe nyí ben ba/bwom

Dyitórónómyi 32:39

Me kǎnchí nké mu Osówo, osówo okíri o*fí to mú mu ké kafâ*. Me mu n-ju ng banet n-kyâ kámbé dyikpen, n-némê ng banet, n-chi i kámbé ba-nyange e. Onet o*fí mú odané ńkyí ndachi*.

1 Sámwel 2:6

Óburúkpâbí mu o-ju ng banet o-chi kámbé ba-chîfiri ké dyikpen. Nyǐ mu o-twóm m banet ba-jâ ké oshê-bakúsí, o-chîchi kámbé ba-bwa ké dyikpen.

1 Sámwel 7:3

Sámwel o-raa ne mbé o/fu, â ben bamu ba-bwa ng esim ba-kâm Óburúkpâbí ne dyityém enen kángkáng, ben ba-man ba-zú abwô ké kángkáng bakye ḿbé áku esháng, ba-zú to abwô ké erím-bakye nyí badakó Asatáte. Kúng n̂g byiko enen byimúmú ba-kye Óburúkpâbí, ba-kû ǎ ekye nyǐ to ofê kǎnchí, ne nyǐ o/chi o-chi běn ba-fem ké abwô nyí banet-Fyilíta.