Hozáya 5:3 - Bokyi Bible

³ Me mu n-nyît ng eringe nyí banet ḿbé Ézerel mbe. Mbé baa*man erem ké bushú ejí*. Mbé ba*da/tî dyityém ne me* ne ba*da/kwárê mú bada mě ekye ofê*.

Hozáya 5:3 Iomraidhean Croise

Azáya 7:16

Nang ne nkéré ámu o-kûfyi, esí nyí batu ámbe bafee, ḿbé mbe ba-kyâ ǒ afaníkong, banet ba/chi ba-jaa ké nyǐ.

Azáya 7:17

Óburúkpâbí o/chi o-yip ací-afaníkong nyí a/rêe a-shwôm nang ará nyí a/mû aa/bê kyi-fím ké nkéré mú banet ḿbé Ézerel ba/pap ne banet ḿbé Júda, o-tû ǒ ké dyishí ne banet eyên ne kángkáng kyikû-butu eyên. O/chi o-bâ ne otu mú Asyírya.

Azáya 7:5

Oshê mú Syírya cibicibi ne Ézerel ne otu ebe baa/nam chwǒm.

Hozáya 1:2

Ké mbwôp kashú-nkéré mú Óburúkpâbí o/raa ne banet ḿbé Ézerel ké ocím mú Hozáya, nyǐ o/sét Hozáya o/fu, [dabé onyi. Onyi eyên ámu oo*ba/chi o-tî dyityém emen ne wo* ne bwǎn eyên to ba/chi ba-kyú wǎ nyǐ.] Ké bukwóp ámbu bubónge, banet ejí baa/mîng mě, ba*fí to ba-tî ng dyityém ebe ne me*.

Hozáya 12:1

Kángkáng byěm ḿbyí banet ḿbé Ézerel mbe ba-chi i, kyi-fím ké dyicófóróng tete buchú bu-jí, byi*da/byí ké chwǒm* ne byi-cen n ne bukyû. Banet enîm ne byěm-anwa enwa mbyi byi-kán n byi-câ kashú ké burwám ebe. Mbé mbe ba-chi i kyikwáré ńkyí badachi byěm ne banet ḿbé Asyírya, ba-cen n kasî ne banet ḿbé Éjip.

Hozáya 13:1

Ké nkéré mú o/shwôm ké esim, â kyikû-banet ńkyí Éferem ba/raa kyiraa, bushî bu-róng ng byikû-banet-Ézerel ḿbyí áku. Mbé ba/kúng kyikû ńkyí Éferem wǎ kiǐtí-kyikû. Nké banet-Éferem ba/chi kyibî ńkyí ba/kye orím-bukye-Bâl ofê, ne ké bubwô ámbu, ba/chi ba-kpú.

Hozáya 13:5

Me n/nen běn ké kiǐjínjwóm-kyikim-dyikán.

Hozáya 5:11

Ézerel nyi e-ri ng busông ḿbú mbe ba-cít ng kányí. Esí nyí e/mû e/já kányí e*fí to nyí emen* ké nǎ, Ézerel e/tú dyishí e/fu, nyǐ e-da ng ekyé ochwâp ne [banet ḿbé ba*fí ne ochwâp mú badakye kányí*.]

Hozáya 5:13

Ké nkéré banet ḿbé Ézerel ba/ri eringe nyí mbé ba/mû ba-rwôm m, ne ké nkéré banet ḿbé Júda ba/ri byinêm ebe, nkéré ámu nké banet ḿbé Ézerel ba/dim ba-kâm Asyírya ba-da-bí kiǐtí-otu-oshê ámu ba/fu, ochwáp kámbé. Nké otu ámu o*da/man echi kámbé ba-nyange* o-ju byinêm ebe*.

Hozáya 5:9

Dyicí-busông ndyi dyi-bâ, ne Ézerel e/chi e-nung ké busông. Banet ḿbé Ézerel, ńkyín kyi-man kyi-chi.

Hozáya 6:10

Me nn/ri kiinkaa byiko-chwǒm ké Ézerel. Banet ejí baa/bên byiko ebe ké banunut-ofê mú mbe ba-kyâ erím-bakye.

Hozáya 6:4

Nké Óburúkpâbí o/raa o/fu, me n-chi i běn ebóng, ǎ banet ḿbé Ézerel ne Júda. Kyijé ńkyí ben bamu ne nkyí ne me nkyi kyi-rím m ochéé óchee wǎ ófíbí mú odatát ké dyicófóróng. Nkyi to wǎ kyibû ńkyí kyidarím ké dyicófóróng pirípirí.

Hozáya 8:11

 banet ḿbé Ézerel ba/fu, mbé ba-bi ng byikit-kyifen echi chwóó ḿbyí badafîm byibî, ányi mbe ba-já ng ojáng byikit chwóó ḿbyí badachi byibî.

Émos 3:2

Ké kángkáng eshê nyí nyi ké ejíí, ben kǎnchí nké n/nyît běn, ba-jê mě. Ńkyín nké nkyi kyi-chi i byibî enen byi-jang erángê ké bushú ejí, ne ké bubwô ámbu, n/chi m-man n-kye běn busông.

Émos 5:12

Me mu n-nyît ng eringe nyí byibî enen byi/rêe, ne bujê-byibî ḿbú ben baa/chi. Ben bamu ba-fâ banet ḿbé banong ké busông, ba-koo ng bangu, ne bamu ba-két ng mpan-acît eryí o-bên n banet-byikpu ké esuk.

Dyitórónómyi 33:17

Josêf mu ne busa ḿbú otyép-mpong ne etwóm nyí kiinyinyǎm. Etwóm emen e/bwom ké égot-banet-Manáse etánge, ne bajam-égot-banet-Éferem batánge. Mu o-kúng ng kányí o-tím eshê, o-tírîng kámbé o-da-tî ké bakô-ejíí.

Hyíburus 4:13

Chwǒm kyi*fí nang kyibónge ńkyí kyidanwa erôo ké bushú ḿbú Osówo*. Kángkáng byěm ḿbyí Osówo o/chi mbyi bâabâa ne kyíjí wááng ké achi nyí emen. Ké bushú emen to nké be kángkáng byi/chi byi-bwom byi-sét kángkáng byěm ḿbyí byi/chi ké dyikpen eten.

Revelíshon 3:15

Me mu n-nyît ng n/fu, wo a*fí a-kyâ mě ofê kerededet* onê to a*da mě ené*. Kyi-nyîn n mě kyi-shwôm ńkyí ada mě ekye ofê kerededet, nang ńkyí ada mě ené kángkáng.