Hozáya 4:8 - Bokyi Bible

⁸ Ben bamu ba-já ng esang ké bubwô-byibî ḿbyí banet ejí, ne ké bubwô ámbu, bamu ba-ryuu ng ba/fu, mbé ba-chî ng echi byibî ba-câ kashú.

Hozáya 4:8 Iomraidhean Croise

2 Kyîng 12:16

Akpuga nyí ba/kye ké byifen ḿbyí afwá eré ne nyí byifen ḿbyí byibî efîm ba/mû ba*da/fé ké mkpukpu ámu*. Nyí ányi a/já banchi kyifen-Osówo.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 24:4

Onet mú mu kpárám ké édúú ne ké dyityém, ne o*fí [o-fâ erím-bakye*] o-ryí nang ocím mú o*fí ké kafâ*.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 25:1

Ô Óburúkpâbí, wo nké mu n-fâ nshwam ejí n-kyâ ǒ.

Azáya 56:11

Mbe wǎ bubyî ḿbú boo*ryí bu-zût*. Banet-ashí ḿbén baa*nyît chwǒm*. Nang yeě nang yeě mu o-chi i ńkyí kyi/nyîn ǎ ne ńkyí kyi/chi kyi-chi ǎ nyǐ kanong.

Ezékyel 14:3

o/fu, wǎn-onet, banet ḿbén baa/kye erím-bakye atyém ebe, ne mbé mbe ba-mîng ng erím-bakye e-chi kámbé ba-chi byibî. Mbé mbe ba-kabe ng ba/fu, me n-faa ng kámbé ojá dí.

Ezékyel 14:7

Nang nkéré orá nké onet-Ézerel obónge, nang ocinónet obónge mú mu o-kyú u ké oshê-Ézerel o/bírî mě esim, o-kpet erím-bakye esháng, ne o-bwa edabí mkpábé mú odasét byiraa ejí, me Óburúkpâbí n/chi n-faa ojá.

Hozáya 10:13

Nké ben ba/bwa ba-kwón kyibî, ba-fuu busông ḿbú kyidakye. Ben baa/ryí byirim-byichí ḿbyí byisédéng enen mbyi byi-zím m. Ké nǎ, ben ba/fé atyém enen ké [bamútu enen ḿbé bubyî-orá budatut,] ne ké bujê-basúja ḿbé bamu ne mbé,

Hozáya 12:8

Mbé ba-raa ng ba/fu, be bii/fang kanong kanong. Onet o*fí mú oda bě esét o/fu, be byi/já akpuga ké bukwóp ḿbú boo*nwa*.

Hozáya 14:1

Hozáya o/fu, banet ḿbé Ézerel, bwa n̂g esim ba-kâm Osówo Óburúkpâbí enen. Kyibî enen kii/chi běn ba-kpán dyícíring ba-myii.

Lyívyítyíkus 6:22

Ké kángkáng bankéré ḿbé mbe ba-bâ, wǎn-Éron nang orá mú mu o-chi i bǎmkpóngé wǎ otu-nchi kyifen-Osówo, ochi kyifen ńkyín. Bashí kánkyí kángkáng wǎ kyifen ńkyí badachi ba-kye Óburúkpâbí.

Lyívyítyíkus 6:26

Nchi kyifen-Osówo mú odakúng enyam ányi o-chi kyifen, o-ryí i kányí ké kyikit-ociring, ké kafâ-kabám-mpyep mú Óburúkpâbí odakyú.

Máka 3:11

Batu-oshê mbe ba-koo ng bangu ne ba-tún oshê. Banchi kyifen-Osówo mbe ba-tángê e banet Byije-Músis ba-koo ng akpuga. Bamkpábé ḿbé badasét byiraa-Osówo mbe ba-sét ng byiraa-Osówo ba-koo ng akpuga. Ne mbé ashí kángkáng mbe ba-sét ng ba/fu, Óburúkpâbí mu ne mbé. Mbe ba-raa ng ba/fu, busông boo*ba/chi bu-ta bě* ké nǎ, Óburúkpâbí mu ne be.

Máláka 1:10

Óburúkpâbí mú o/rêe o-shwôm mu o-raa ng o/fu, kyi/mû kyi/chi kyi-nyîn mě â onet enen obónge o/mû o/cít afyi nyí kiǐtí-kyise-kyifen ejí echi eringe nyí baa*ba/chi ba-chîman emee ekwâ nyí e*da/byí ké chwǒm* ké kyikit-kyifen ejí echi. Kyi*fí kyi-nyîn n mě ne ben*. Mm*ba/chi n-koo byifen ḿbyí bamu ba-chi i ba-kyâ mě*.

Rúman 16:18

Ké ebóng, banet ḿbé mbe ba-chi i azong-byěm ányi ba*fí ba-fâ Karâs, Otu Kyítá eten* nké mbe ba-kabe ng kyi-kim ne ńkyí mbé badaryí ne ńkyí baa*ryí*. Ké bunyîn-ejá ebe ne ké bǎmpém ebe ḿbé badabyiryi banet mbé mbe ba-nîm m banet ḿbé ba*fí ba-nyît ng kyi-kim ne byibî ḿbyín*.

Tátus 1:11

Kyi-nwa ng ńkyí adachi kámbé ba-mîng byiraa ebe ámbyi eraa. Ké ebóng, mbé mbe ba-bên n byikû-abóng byikíri ké byěm etángê ḿbyí ba/mû baa*ba/chi ba-tángê* eringe nyí mbé badachi akpuga ńkyí nkyi chwǒm-éshwân.

2 Pyíta 2:3

Ké emiríng ebe, bantánge byěm ámbe ba/chi ba-ryí mpún ké osêt mú mbé mbe ba-sét ng běn biǐshwô ḿbyí mbé ba/rim ké kakim ebe. Onet mú o/chi o-pan kámbé mpan oo/kpá byiko nyáá, ne onet mú odaju kámbé mu achi fúú.

1 Sámwel 2:29

Ebóng kâng ne ben [bamu ne bashú ḿbé byěm eshwam] ké byifen ne eyáré ḿbyí me n/fu, banet ejí bakye mě. Élyi, ebóng kâng ne wo amu a-kyâ bwǎn eyên ofê o-shwôm mú wo amu a-kyâ mě, ké omîng mú amu a-mîng ng kámbé ba-sú ké byiko ké oryî mú mbe ba-ryí i byipang-byěm ḿbyí byinong byinong ḿbyí kángkáng byifen ḿbyí banet ejí mbe ba-chi i ba-kyâ mě.