Hozáya 4:2 - Bokyi Bible

² Banet mbe ba-ryí i ecím, ba-bên n kányí. Mbe ba-sét ng byisédéng, ba-ju ng banet, ba-jii ng bujii, ba-chi i byinam. Byibî ḿbyí mbe ba-chi i mbyi byi-jê ng byi-câ, ba-ju ng banet ba-bírî ng.

Hozáya 4:2 Iomraidhean Croise

Jénésis 4:8

Kîin o-sét wǎn-boné emen Ébel o/fu, [byiwâa ké dyikán.] Ne ké nkéré mbe ké dyikán, Kîin o-ju Ébel.

Azáya 24:5

Banet baa/bên ejíí ké byije ḿbyí Osówo ḿbyí mbe ba-bên n, ne ké ocím ebên mú nyǐ o/ryí o/fu, o/chi o-waa ne banyá.

Azáya 48:1

Fwôo n̂g atông ba-jwo ńkyín, ben banet ḿbé Ézerel, ben mú ba/fím ké kyikû-banet ńkyí Júda. Ben bamu ba-sem m dyizîn ńdyí Óburúkpâbí, ba-sét ng ba/fu, ben bamu ba-fâ Osówo mú Ézerel, nké ben bamu ba-raa ng ké ejá éja.

Jeryimáya 51:5

Me Osówo Óburúkpâbí mú o/rêe o-shwôm n*da/mîng ne Ézerel ne Júda* nang ké baa/chi kyibî ké bushú ejí* mú Osówo mú onong mú Ézerel*.

Jeryimáya 6:7

Eringe nyí dyibíng-omu ndyi dyi-byí i omu mú okpó kángkáng nkéré, éné to nké Jerúsélem mu o-chi i byibî kángkáng nkéré. Me mu n-jwo ng anwa enwa ne byěm ebên ké kafâ-oshê, byirwóm ne byinêm nké nke mu n-ri ng.

Lamantéshan 4:13

Nké ńkyín kyi/chi, ké nǎ, bamkpábé emen ḿbé badasét byiraa-Osówo ba/chi byibî, ne banchi kyifen-Osówo emen ba/chi kyibî ńkyí ba/cen ne bukyû ḿbú banet ḿbé ba*da/chi chwǒm*.

Ezékyel 7:23

Kángkáng byěm byi/firi yógeyóge.] Esí ee/sú ne banju banet, ne eshê ee/sú ne anwa.

Hozáya 10:13

Nké ben ba/bwa ba-kwón kyibî, ba-fuu busông ḿbú kyidakye. Ben baa/ryí byirim-byichí ḿbyí byisédéng enen mbyi byi-zím m. Ké nǎ, ben ba/fé atyém enen ké [bamútu enen ḿbé bubyî-orá budatut,] ne ké bujê-basúja ḿbé bamu ne mbé,

Hozáya 10:4

Mbé mbe ba-raa ng byiraa ḿbyí byi*da/byí chwǒm* ba-ryí i ocím mú baa*tî* ba-chi kyikwáré ńkyí kyi*da/byí chwǒm*. Baa/bírî ntûntû o-firi acît eryí, ne nyi a-kán n a-câ kashú wǎ byibî-biǐbyâa ḿbyí byidabyí ké kyifát ńkyí baa/kpang.

Hozáya 11:12

Óburúkpâbí o/raa o/fu, banet ḿbé Ézerel baa/yip byisédéng ne kaǎnínǐm ba-wáp mě ba-fé ké kafâ, ne banet ḿbé Júda ba/tôong ba-bírî ng bunwa ne me mú mu Osówo mú mu kanong ne mú odatî ocím emen mú odaryí.

Hozáya 12:14

Banet ḿbé Ézerel baa/chi Óburúkpâbí o-kú o-sa ng kafâ kanong kanong. Kyi/kwárê ńkyí badakpú ké kyibî ebe ńkyí ba/chi. Óburúkpâbí o/chi o-kye kámbé busông ké éshwân nyí baa/fé ǎ.

Hozáya 5:2

ba-firi [kiǐríbíríbí-dyibíng ké oshê mú Akákya,] ne n/chi n-kye běn ashí amúmú busông.

Hozáya 6:8

Gyílet o-chi i oshê mú oo/sú ne byibî-banet ne banju banet.

Hozáya 6:9

Banchi kyifen ejí mbe wǎ dyibóng-banet-kajii ḿbé badaját onet ké bukwóp. Nang ké bukwóp ḿbú mbu bu-jâ ké kyikit-ociring ńkyí ké Shékem, mbé mbe ba-ju ng banet. Ne mbe ba-tigi ng ne ba-chi biǐtí-byibî ḿbyín.

Hozáya 7:1

Nang nkéré orá nké mu n-ryuu ng n/fu, n-chi i banet ejí ḿbé Ézerel ba-nyange, ba-chîkpet ejá byěm, kángkáng ńkyí ndari kyi*da/shwôm dyityém ebe ebên* ne byibî-byěm ḿbyí mbe ba-chi i*. Ba-ryí i barî bampún, ba-sé ng byise ba-nung ng ba-wuri ng byěm. Ba-jii ng banet byěm ké byiká-oshê.

Hozáya 7:3

Óburúkpâbí o/raa o/fu, banet mbe ba-nîm m otu ne banet-ashí-bǎmkpóngé emen ké byibî-byěm ebe ḿbyí mbe ba-nam m.

Hozáya 7:4

Mbé kángkáng ba-chi i bannîm banet ne ba*fí ne ofê*. Kafâ esa ebe ne banet nke ka-sóng ng wǎ okwâ mú badachi berêt, mú baa*wóngê kámú* tete nkéré o-fyi mú badatwôom berêt ké mǔ.

Máka 3:2

nké ńkyí nkyi kanong kyi-sa ng běn kafâ, kyibî kyi-nyîn n běn. Ben bamu ba-pwát ng banet ejí ekwop bakpó, ba-shâng kámbé enyam ké byikúú.

Máka 3:9

Fwôo n̂g atông ba-jwo mě, ben banet-ashí-Ézerel, ben mú ntûntû oda běn esa kafâ, ba-bírî ng kyinong kyi-firi kyibî.

Máka 6:10

Akpuga nyi ké byise ḿbyí byibî-banet, nyí ba/já ké bukwóp ḿbú boo*nwa*. Mbe ba-kúng ng byiféng ḿbyí badaryí banet mpún ba-kan n byěm. Chwǒm ánkyi kyi-sa ng mě kafâ.]

Máka 7:2

Onet mú odasét ntûntû o*fí to nang obónge mú o/waa ké oshê eten*. Onet o*fí mú mu o-chi i ńkyí Osówo mu o-sét ng*. Nang yeě mu o-kyé ng bukwóp ḿbú odaju onet. Nang yeě mu o-kyé ng onet-oshê emen mú oda ǎ echi kyibî.

Zefanyâ 3:1

Jerúsélem o/firi ké busông, oshê ámu mú o/bên dyityém, mú mu o-bírî ng bunwa ne Óburúkpâbí, o-cít ng banet ḿbé emen nyǐ oyén.

Zákaryâ 5:3

Ne orím ámu kâng o-sét mě o/fu, ké kiǐbáá-nwet ánkyi, ba/sáng kyishû ńkyí kyi/chi kyi-byí kyi-ta esí ńnyín emúmú. Esim-kiǐbáá-nwet ánkyi ebónge e/sét e/fu, ba/chi ba-fîm onet-kajii nang orá o-byí ké esí ńnyín. Esim nyí ebónge e/sét e/fu, nang yeě nké o/sét kyisédéng o-sem Osówo, ba-fîm m ǎ to o-byí ké esí ńnyín.

Zákaryâ 7:9

ké nkéré mú o/shwôm ké esim chwóó, me n/kye banet ejí byije ḿbyín n/fu, ben baa*man ba-kûryí acît* ne ba-man ba-kûcángê dyityém ne barî, ba-ri ng barî bafip.

Mátyuu 23:35

Ké bubwô ámbu, busông ḿbú ba/ju kángkáng banet ḿbé ba/kpú dyikáá bu/chi bu-shû běn ké byiko, kyi-fím ké Ébel mú ba/ju ǎ dyikáá tata kyi-ribi ké Zákaryâ mú wǎn-Barákya, mú ben ba/ju ǎ ké otyém ótyem mú kiǐtí-kyise-kyifen-Osówo echi ne kyikit-kyifen-Osówo echi.

ÂAK BǍMKPÓNGÉ ḾBÉ BANET-KYITWÓM-JISOS BA/CHI, ḾBÉ BADAKÓ ÂAK 7:52

Mkpábé mú odasét byiraa-Osówo o/mû kô nang obónge mú banchí enen ḿbé kpákpá ba*da ǎ eju*? Mbé ba/ju banet-kyitwóm-Osówo ḿbé ké nkéré mú o/shwôm ké esim chwóó, ba/sét kyi-kim ne obê mú ḿgbán-Osówo mú o/chi ńkyí kyi/mû kanong ké bushú ḿbú Osówo. Kántîk kâng, ben baa/chi ba-kám ǎ ba-ju.

Dyitórónómyi 5:11

*Da n̂g ezîim dyizîn ejí ké bukwóp ḿbú bu/kim ne kyibî* ké nǎ, me Óburúkpâbí mú mu Osówo enen n-kyâ nang yeě busông mú o/zîim dyizîn ejí ké bukwóp ḿbú boo*nwa*.

Dyitórónómyi 5:18

*Da n̂g echi kyinam*.

Dyitórónómyi 5:19

*Da n̂g ejii kajii*.

1 Tesalónyan 2:15

ḿbé ba/ju Jisos, Otu Kyítá ne bamkpábé ḿbé badasét byiraa-Osówo, ḿbé ba/kye bě to busông. Banet ámbe ba-sa ng Osówo kafâ kanong kanong. Ba/bên dyityém kanong kanong ne kángkáng banet.

Revelíshon 17:6

Ne n-ri n/fu, onyinyi ámu oo/jwáp baróng ḿbé banet-Osówo ne baróng ḿbé banet ḿbé ba/ju kámbé, o-kpet ebwóm, ké nǎ, mbé ba/mû ba-kyâ Jisos ofê. Ké nkéré mú n/ri ǎ, n/waa ocím ké dyishí fúú kanong kanong.