Hozáya 4:16 - Bokyi Bible

¹⁶ Banet ḿbé Ézerel mbe ba-shwane e ashí wǎ boonyam-atû. Me n-cen n nǎ ne n-nen kámbé wǎ bwǎn-ebû ké kyikit ńkyí biǐbyâa mbyi kô chwóó. [

Hozáya 4:16 Iomraidhean Croise

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 78:8

Mbé baa*ba/chi ba-kyú wǎ banchí ebe ḿbé kpákpá* ḿbé ba/mû ba/bírî ba-nwa ne Osówo* ne banet ḿbé baa*chi ńkyí Osówo o/sét* ne dyityém ebe ńdyí ba/fé ké Osówo dyi/mû dyi*fí shwanshwan* ne ba*da/waa ké dyityém efé ne nyǐ*.

Azáya 22:18

O/chi o-yip ǒ wǎ kyirim-bôl o-twóp ǒ ké oshê mú o/rêe o-shwôm mún. Wo a/chi a-kpú áku ké kyikit kyibónge ne bamútu ḿbé bubyî-orá budatut, ḿbé a/mû a-jang ng etông byiko ké mbé. Wo amu chwǒm-éshwân ké kyise ńkyí bonchí eyên.

Azáya 30:23

Nang nkéré orá nké ba/kwón byíkwôn, Óburúkpâbí o/chi o-twóm omu o-chi kámbyí byi-kán ne o/chi o-chi kámbyí byi-bát, ne bampong enen ba/chi ba-já biǐbyâa chwóó ḿbyí badaryí.

Azáya 5:17

Ké biǐbwô-byise ámbyi, bwǎn-etám-ebû ba/chi ba-ryí biǐbyâa, ne bwǎn-ebûbǔu ba/chi ba-ri aro nyí badaryí.]

Jeryimáya 14:7

Banet ejí ba-kú ba-tii ng bukyû ba-kó ng mě ba/fu, nang ké byibî eten mbyi byi-tông ng bě be bayén wááng, chwáp bě, ǎ Óburúkpâbí, wǎ eringe nyí wo aa/ryí bě ocím. Be bii/bírî ǒ esim kampén chwóó. Be bii/chi byibî ké bushú eyên.

Jeryimáya 3:11

Ne Óburúkpâbí o-sét mě kâng o/fu, nang ké Ézerel ee/bírî ǎ esim, nyǐ oo/tông o/fu, nyǐ o/chi kanong o-shwôm Júda mú o*da/fé dyityém ne nyǐ*.

Jeryimáya 3:6

Ké nkéré mú Otu Josáya o/mû otu, Óburúkpâbí o/raa ne me o/fu, wo aa/ri ńkyí Ézerel, onyinyi ámu mú o*da/fé dyityém ne me* oo/chi? Nyǐ oo/bírî mě esim, ne oo/kyú wǎ onet-akpara ké kángkáng eku nyí nyáám ne ké kángkáng byichí ḿbyí mbyi byikpó.

Jeryimáya 3:8

Júda to o/ri o/fu, me m/man dyibé ne Ézerel, n-ró ǎ, ké nǎ, nyǐ o/né mě, o-bírî onet-akpara. Nké Júda mú wǎn-boné-onyinyi mú Ézerel, mú o*da/fé dyityém ne me* o*da/shî*. Júda to o/bírî onet-akpara,

Jeryimáya 31:18

Me n/jwo banet ḿbé Ézerel ké mbe ba-raa ng ké bafip ba/fu, Óburúkpâbí, be byi/mû wǎ enyam-dyikán, nké wo a/tángê bě eringe byidachi ńkyí wo ada bě esét. Bwa ne be esim. Be bii/kpá byiko ḿbyí byidabwa esim byi-kâm ǒ wo mú amu Osówo Óburúkpâbí eten.

Jeryimáya 5:6

Nkyí nké ekpang nyí nyi e-fím m ké kyizinge e/chi e-ju kámbé. Nyí nyi e-fím m ké kyikim-dyikán e/chi e-ját kámbé boǒcê boǒcê, e-kûcen e-wáp ng ké eshê ebe. Â banet ámbe ba/byí kyíjí, e/chi e-ját kámbé boǒcê boǒcê, ké nǎ, byibî ebe byi/jê, ne kángkáng nkéré mbe ba-bírî ng Osówo esim.

Jeryimáya 7:24

Nké ba*da/chi ńkyí n/sét kámbé* ba-fwôo nang atông ba-jwo mě*. Nké ba/chi ńkyí biinshunshwan ne byibî-atyém ebe byi/sét kámbé byi/fu, bachi, ne ba-bwa esim ésim, ńkyí ba/mû ba/chi ba-ca kashú.

Jeryimáya 8:5

Ebóng kâng ńkyí banet ejí baa/bírî mě esim, ba*fí to ba-bwa ng ba-kâm mě*. Baa/waa ké bakye esháng, ba-né esim ebwa ba-kâm mě.

Hozáya 10:11

Ézerel e/mû ké nkéré obónge wǎ kyisu-mpong ńkyí ba/tángê kánkyí byěm kanong kanong, ńkyí nang nkéré orá kyi/kpá byiko ḿbyí kyidacím esang-byichí kyi-pii biintaa emen. Nké me n/kabe n/fu, [n-fâ kyisu-mpong ánkyi byifóngé] ké kyitông emen ánkyi ńkyí kyinong kyinong, eringe nyí n/chi n-chi kánkyí kyi-chi bǎmkpóngé ḿbé badasóng ba-shwôm. Me n/chi banet ḿbé Júda ba-tut biǐré ḿbyí byidakpang esí, n-chi kángkáng banet ḿbé Ézerel ba-tut biǐré ḿbyí byidatare kányí.

Hozáya 11:6

Byití byi/chi byi-róng ké eshê ebe, byi-bên afyi-oshê ebe. Byi/chi byi-ju banet ejí, ké nǎ, mbé ba/chi ńkyí mbé ba/kabe ba/fu, kyi/nwa kyi-shwôm. [

Hozáya 11:7

Mbé ba/tú dyishí ba/fu, mbé ba-bírî ng mě esim. Mbé ba/chi ba-tii ké bubwô-busông ḿbú mbu kámbé ké byiko, ne onet o*fí mú o/chi o-fîm kámbé kámbú*.]

Lyívyítyíkus 26:33

N/chi m-bâ běn ne byití, m-pwó běn ba-jâ byiryibyiryi ké esí-bacinbánet. Esí enen e/chi e-waa kafâ dyikáá, ne eshê enen e/chi e-firi biǐbwô-oshê.

Zákaryâ 7:11

Nké banet ejí ba/tigi otigíng ba-né atông efwôo. Ba/cít atyém ebe,

1 Sámwel 15:11

byiko byi/kpú mě ńkyí n/kúng Otu Sôl butu. Nyǐ oo/bírî mě esim, ne o/né echi ńkyí me n/sét ǎ. Sámwel kafâ ka-sa ǎ, ne buchú ámbu bumúmú, nyǐ mu o-tîm m Óburúkpâbí arông.