Hozáya 4:12 - Bokyi Bible

¹² Mbé mbe ba-kúng ng kyikim-kyichí ba-sô ng epé. Kyikim-kyichí ńkyí nsô epé nké nkyi kyi-sét ng kámbé ńkyí mbé mbe ba-ryuu ng ba/fu, mbé ba-nyît ng. Mbé baa/mîng mě. Baa/yip byiko ebe ba-kye esówo ekíri wǎ onyi mú o/bírî o-kpet eryí akpara.

Hozáya 4:12 Iomraidhean Croise

2 Kyîng 17:7

Samérya o/róng, ké nǎ, banet ḿbé Ézerel ba/chi kyibî ké bushú ḿbú Óburúkpâbí mú mu Osówo ebe, mú o/nyii kámbé ké abwô nyí otu mú Éjip, o-fîm kámbé ba-byí ké Éjip. Mbé ba/fé esówo ekíri,

2 Korónyíkil 21:13

Wo a/bwa a-kúng kyiká-bucen ńkyí batu ḿbé Ézerel, ne aa/chi banet ḿbé Júda ne Jerúsélem ba-mîng dyityém efé ne Osówo, wǎ eringe nyí Otu Éhap ne batu ḿbé ba/kúng kyikit emen ba/chi banet-Ézerel ba-mîng efé dyityém ne Osówo. Wo a/ju ne bwǎn-bané eyên ḿbé banyinchéng, ḿbé ba/mû kanong ba-shwôm ǒ.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 106:39

Mbé baa/bên byiko ebe ké ńkyí ba/chi éné, ne ba*da/fé dyityém ne Osówo*.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 73:27

Ké nǎ, banet ḿbé ba/bírî ǒ esim ba/chi ba-tánê ké ntûntû. Wo a/chi a-man ne banet ḿbé ba*fí ba-fâ atyém ebe ne wo*.

Jeryimáya 10:8

Mbé kángkáng mbe enyam, ba*fí ne bubong*. [Ba-kwâa ng ebóng ne erím-bakye nyí ba/sím ké byichí.]

Jeryimáya 2:27

Osówo o/chi o-wuri běn ashí amúmú éshwân, ben mú ba/fu, bonchí enen ányi dyisín-kyichí, boné enen ányi buká. Ńkyín kyi/chi kyi-chi, ké nǎ, ben ba/bírî mě esim, ńkyí ba/mû ba/chi ba-bírî ba-kâm mě. Nké ké nkéré baa/nung ké afaníkong, ba-bí ng mě ba/fu, me nnyii běn.

Jeryimáya 23:13

Me nn/ri kyibî ńkyí bamkpábé ḿbé badasét byiraa ejí, ḿbé mbe ké Samérya mbe ba-chi i. Mbé baa/raa byiraa ké dyizîn ńdyí Bâl ne baa/nîm banet ejí.

Ezékyel 20:32

Ben baa/tî okabe ba/fu, ben bamu ba-ryuu ng ba/fu, bakyú wǎ eshê nyí áku, ne wǎ banet ḿbé mbe ba-kyú u ké eshê nyí áku, ba-kye byichí ne aká ofê. Nké nkyí kii*bwa kyi-chi*.

Ezékyel 21:21

Otu mú Bábyílon mu o-bwom m cip ké ekap nyí ba/sáng ba-tî ké akam-akwóp ányi. Eringe nyí nyǐ o/chi o-ri bukwóp ḿbú nyǐ odacen, nyǐ o/twóp dyímám ké abán eninge o-bí erím-bakye emen, ne o/kpúrî dyityém ńdyí enyam nyí ba/chi kyifen.

Hozáya 14:3

Asyírya aa*man bě enyii* ne bubyî-orá-byití boo*man bě eku*. Ne banyá, bii*man to echîsét byi/fu, erím-bakye eten e-chi i Osówo eten*. Ô Óburúkpâbí, wo a-ri ng bafip ne banet ḿbé ba*fí ne onet okíri mú badabírî ba-kâm ǎ*.

Hozáya 5:4

Byibî ḿbyí banet ḿbé Ézerel baa/chi mbyi byi-ku ng kámbé esim ebwa ba-kâm Osówo ebe. Bakye esháng baa/koo kámbé busa ne ba*fí to ba-nyît ng Óburúkpâbí*.

Hozáya 6:10

Me nn/ri kiinkaa byiko-chwǒm ké Ézerel. Banet ejí baa/bên byiko ebe ké banunut-ofê mú mbe ba-kyâ erím-bakye.

Hozáya 9:1

Banet ḿbé Ézerel, mîng n̂g ajî-byifen enen echi wǎ banshâng bakye. Ben baa/bírî Osówo enen esim ne ba*da/fé dyityém ne nyǐ*. Ké esí enen emúmú, ben baa/kúng byiko enen ba-shee orím-bukye-Bâl wǎ banet-akpara, ne byiryíng ḿbyí ben ba/kabe ba/fu, o/kpê běn mbyi byi-jê ng běn.

Lyívyítyíkus 17:7

Banet-Ézerel ba-man ba-fé dyityém ebe ne Óburúkpâbí kǎnchí, baa*ju to byitú ebe ké akán* ba-chi byifen ba-kye byibî-barím*. Banet ḿbé Ézerel ba-man ba-tî kyije ńkyín ké kángkáng bankéré ḿbé mbe ba-bâ.

Lyívyítyíkus 20:5

me oyén m-bírî ng onet ámu esim, ne kyikû-banet emen kángkáng ne kángkáng banet ḿbé ba/cibi ne nyǐ ba-kye Mólok ofê, ba-mîng efé dyityém ne me. Mm*ba/chi n-chîkúng kámbé wǎ banet ejí*.

Máka 2:11

Banet ḿbén mbe ba-ryuu ng mkpábé mú odasét byiraa ejí, mú odayêe ké byikit o-sét ng byisédéng, o-nîm m banet o/fu, me nn/ri n/fu, ben ba/chi ba-já bato chwóó.

Habákuk 2:19

Ben ba/firi ké busông. Ben bamu ba-sét ng kyikim-kyichí ba/fu, bûu nensang, ba/fu, kyirim-buká, bûu a-bwom cip. Orím-bukye o-man n ejwo kyiraa ne Osówo o-sét běn dí. Nang ba-cít kámú syílyíba ne gûl, o*fí ne dyikpen*.

Nómba 15:39

Byirim ámbyi byi/chi byi-bwom běn wǎ chwǒm ńkyí dyizíím, ne nang ké nkéré orá nké ba/ri kámbyí, ben ba/chi ba-zîim kángkáng byije ejí ba-chi eringe byi/sét, ne ben kâng baa*ba/chi ba-bírî mě esim* ba-chi ńkyí okabe enen mu o-ryuu ng*.

Dyitórónómyi 31:16

Óburúkpâbí o-sét Músis o/fu, kaa*bwon to ne a-kpú* ne ké nkéré mú aa/kpú, banet-Ézerel baa*ba/chi ba-chîfé dyityém ne me* ne ba/chi ba-bên ocím mú me n/ryí ne mbé. Mbé ba/chi ba-mîng mě ba-kpet efé esówo nyí e*fí ké kafâ* nyí ké esí nyí mbé ba-kú ba-bâ enung ké nyǐ.

Jójis 18:5

Mbé ba-faa ǎ ba/fu, kamgbe, bí Osówo â bucen eten bu/chi bu-nwa.