Hozáya 4:10 - Bokyi Bible

¹⁰ Ben ba/chi ba-ryí byiryíng-kyifen echi ḿbyí byi/já běn, nké esong e-chî ng běn enwa. Ben ba/chi ba-fé esówo nyí edakye bufwon, nké baa*ba/chi ba-ri bwǎn* ké nǎ, ben baa/mîng mě, ba-firi ké kyijé ne esówo ekíri.

Hozáya 4:10 Iomraidhean Croise

2 Korónyíkil 24:17

Nké ńdyí Jehóyáda oo/kpú, banet-ashí ḿbé Júda ba/tírîng Otu Jówashi ba/fu, obwa o-kûjwo kámbé.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 125:5

Nké ké nkéré mú a-kú a-kyâ bambên atyém busông, kye to banet ḿbé mbe ba-né ng akwóp eyên busông. Bunyîn-dyityém bukyú ne Ézerel.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 36:3

Byiraa emen bii*nwa* ne mbyi byisédéng byísedeng. Nyǐ o*fí to o-chi i ńkyí nkyi ne bubong* ne ńkyí nkyi kanong*.

Póróvep 13:25

Banet ḿbé mbe ba-chi i kanong ba-já ng ńkyí badaryí, nké kángkáng nkéré esong e-nwa ng bambên atyém.

Jeryimáya 34:15

Ké boǒnyín-ací ḿbú bu/shwôm ké esim, ben ba/chi ńkyí kyi/nyîn mě. Ben ba/bángê ba/fu, ben ba-zú ng bánen-banet-Ézerel ḿbé ben ba/tî wǎ básóng abwô ba-firi ké byiko ebe, ne ben ba/ryí ocím ké bushú ejí, ké kiǐtí-kyise-kyifen ejí echi, ńkyí bamu ba-fâ mě.

Jeryimáya 9:12

Me m/bí Óburúkpâbí n/fu, ebóng esí ee/waa éné dyikáá e-jwóm wǎ kyikim-dyikán ńkyí onet o*fí to o-man n ecen ké nkyí*. Yeě mu ne bubong ḿbú odanyît eringe nyí ńkyín kyi/byí. Yeě wo a/sét ǎ eringe nyí kyi/byí eringe nyí odasét banet bakíri.

Ezékyel 18:24

Nké â onet mú mu o-chi i kanong o/mîng kanong echi o-kpet echi kángkáng byibî, ne byibî-byěm ḿbyí onet-byibî odachi, nyǐ o-kpen o-ca kashú dí. Aa*wááng*. Me mm*ba/chi n-chîzîim kanong emen nang kabónge*. Nyǐ o/chi o-kpú ké bubwô ḿbú o*da/fé dyityém ne me* ne ḿbú byibî emen.

Ezékyel 22:9

Banet eyên bakíri ba-sét ng byisédéng kyi-kim ne banet bakíri eringe badaju kámbé. Banet eyên bakíri mbe ba-ryí i byiryíng-byifen ḿbyí ba/chi ba-kye erím-bakye. Banet bakíri mbe ba-câ kashú ne babép ebe.

Hozáya 4:14

Nké mm*ba/chi n-kye kámbé busông ké ńkyí mbe ba-chi i něen* ké nǎ, ben bayén bamu ba-rí i ne akpara nyí nyi ké kyise ńkyí bamu ba-fâ esówo ekíri, ne bamu ba-cibi ng ne mbé ba-sháng ng bakye. Wǎ eringe nyí dyitím-ekan dyi/fu, ba-ju ng banet ḿbé ba*fí ne bubong*.

Hozáya 7:4

Mbé kángkáng ba-chi i bannîm banet ne ba*fí ne ofê*. Kafâ esa ebe ne banet nke ka-sóng ng wǎ okwâ mú badachi berêt, mú baa*wóngê kámú* tete nkéré o-fyi mú badatwôom berêt ké mǔ.

Lyívyítyíkus 26:26

N/chi n-chi byiryíng enen byi-man, ḿbyí byi/chi byi-chi banyinyi ashí diǐkpú ba-kyú ne akúrúng-okwâ abónge nké nke nyí badachi kángkáng berêt mú mbe ne mǔ. Ba/chi ba-kyii kámú boǒnyín boǒnyín, ne ké nkéré mú baa/ryí kámbú, esong e-chî ng běn echîkpet enwa.

Máka 6:14

Ben ba/chi ba-ryí byiryíng, nké baa*ba/chi ba-zût*. Ké ntûntû, esong e-chî ng běn ekpet enwa. Ben ba/chi ba-fuu byiryíng, nké baa*ba/chi ba-man enyii kámbyí byi-waa ḿbyí enen*. Nang ebóng chwǒm ńkyí ben badanyii ba-koo, m-bên n kánkyí ké byití.

Zefanyâ 1:6

ne banet ḿbé baa/mîng ecen ne me ké kyikû, ḿbé ba*fí ba-kyé ng mě* ba-fé nang nshwam ba-kye mě*.

Hágya 1:6

Ben baa/kwón esang-byichí chwóó, nké nyí e/zím e*da/jê*. Ben bamu ne byiryíng ḿbyí badaryí, nké byi*da/jê ḿbyí ben badazût*. Ben bamu ne bato ḿbé badajwáp, nké ba*da/jê ḿbé bada běn echi ba-bwóm*. Ben bamu ne byídí, nké byi*da/kwárê ḿbyí badacít ké dyibyi*. Onet mú mu o-chi i bǎmkpóngé o*fí o-ryí i akpuga-otukáku nyí ada ǎ ekwárê*.