Hozáya 4:1 - Bokyi Bible

¹ Óburúkpâbí mu ne dyibîn ńdyí o/chi o-bîn banet ḿbé mbe ba-kyú u ké esí ńnyín. Fwôo n̂g atông, ǎ Ézerel, ba-jwo ńkyí mu o-sét ng. Mu o-sét ng o/fu, dyityém etî nang kyijé byi*fí ké esí ńnyín* ne banet ba*fí ba-nyît ng mě wǎ Osówo*.

Hozáya 4:1 Iomraidhean Croise

1 Kyîng 22:19

Makáya o-chîraa o-ca kashú o/fu, kántîk, fwôo atông a-jwo ńkyí Óburúkpâbí mu o-raa ng. Me n/ri Óburúkpâbí me ké kakyúng-butu emen kyíbóng, ne kángkáng barím emen ḿbé banong ké ba/bwom ǎ ké bakô.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 81:9

Ben baa*man ba-kye osówo okíri ofê*.

Azáya 1:10

Jerúsélem, batu eyên ne banet eyên mbe wǎ ḿbé Sódom ne Gomóra. Fwôo atông a-jwo ńkyí Óburúkpâbí mu o-sét ng ǒ. Tî atông a-jwo ńkyí mu o-tángê e ǒ.

Azáya 1:18

Óburúkpâbí o/raa o/fu, mîng n̂g byi-tóbê chwǒm ńkyín kántîk. Byibî bii/jîi běn, [nké me n/chi n-soo běn ba-cé wǎ asháng. Nang ké babat enen ba/jang ejê, ben ba/chi ba-kûcé wǎ okpówo.]

Azáya 28:14

Ben bantông byiko-banet ḿbé bamu ba-tún n oshê nyín ké Jerúsélem, fwôo n̂g atông kántîk ba-jwo ńkyí Óburúkpâbí mu o-sét ng.

Azáya 34:1

Banet ḿbé ké ejíí emúmú, bâ n̂g. Bwom m̂ kyikit kyibónge ba-fwôo atông. Ejíí emúmú ne kángkáng byěm ḿbyí mbyi ké nyǐ ebâ nyín e-ba-fwôo atông e-jwo.

Azáya 34:8

Nyín nkéré mú Óburúkpâbí o/chi o-nyii Záyon, o-só banet-bushwôn emen ewa.

Azáya 5:3

Ké bubwô ámbu, ocín ejí mu o-raa ng kántîk o/fu, ben banet ḿbé bamu ba-kyú u ké Jerúsélem ne ké Júda, kabe n̂g kyi-kim ne kyifát ejí ne me.

Azáya 59:4

Bamu ba-câ esuk, nké ba*fí ba-sét ng ntûntû*. Bamu ba-sét ng byisédéng eringe nyí mpan oda běn enwa. Bamu ba-chi i okabe enen mú ba/fu, ba-bên n banet bakíri.

Azáya 59:8

ne â ben bamu ké kyikit, nang onet oo*fem*. Kángkáng byěm ḿbyí bamu ba-chi i mbyi ne acît eryí. Ba-cen n ké kiǐfáng ńkyí kyi*fí dángdáng* ne nang yeě mú o/cen ké kiǐfáng ánkyi oo*ri bunyîn-dyityém*.

Azáya 66:5

Jwo n̂g ejá nyí Óburúkpâbí, ben mú bamu ba-tím m banê ké ejá emen. Bwǎn-bané enen ḿbé bamu ba-sa ng kámbé kafâ ne mbe ba-ró ng běn ké bubwô ḿbú dyizîn ejí baa/raa ba/fu, mîng n̂g Óburúkpâbí o-tông busa emen eringe nyí be byi/chi byi-ri bunyîn-dyityém enen. Nké mbé nké ba/chi ba-wuri kámbé éshwân.

Jeryimáya 11:7

Ké nkéré mú n/fîm banchí ebe ḿbé kpákpá ba-byí ké Éjip, me n/kuri kámbé ekó kanong kanong n/fu, bafé mě, ne mu n-kuri ng kámbé ekó n-câ kashú tete dyicí ńdyí kurún.

Jeryimáya 19:3

Óburúkpâbí o/sét mě o/fu, me nsét něen n/fu, batu ḿbé Júda ne banet ḿbé Jerúsélem, fwôo n̂g atông ba-jwo ńkyí me Osówo Óburúkpâbí mú Ézerel mú o/rêe o-shwôm, mu m-bâ ebasét. Me n/chi m-bâ ne busông ké kyikit ńkyín ḿbú nang yeě nké o/jwo kyi-kim ne mbú o/chi o-waa ocím ké dyishí fúú.

Jeryimáya 2:4

Ben banet-kyikû-banet ńkyí Jekôp ne kyikû-banet ńkyí Ézerel, fwôo n̂g atông ba-jwo kyitwóm ńkyí Óburúkpâbí.

Jeryimáya 2:9

Ké bubwô ḿbún, me Óburúkpâbí n/chi n-chîsét kyiraa ejí ńkyí mu ne banet ejí. N/chi n-sét byěm ḿbyí bwǎn ebe ba/chi mě.

Jeryimáya 25:31

ne ejá emen e/chi e-ribi ké byikit-ejíí byimúmú. Óburúkpâbí mu ne mpan ne eshê nyí ké ejíí. O/chi o-pan kángkáng banet mpan, o-ju bambên atyém. Óburúkpâbí nké o/raa.

Jeryimáya 34:4

Otu Zedekyâ, fwôo atông a-jwo ńkyí mu n-sét ng kyi-kim ne wo. Baa*ba/chi ba-ju ǒ ké byití*.

Jeryimáya 4:22

Óburúkpâbí o/raa o/fu, banet ejí mbe enyam. Mbé baa*nyît mě*. Mbe wǎ enyam-bwǎsíng, baa*nyît chwǒm*. Mbé ba-nyît ng kanong kanong eringe nyí badachi kyibî, nké baa*man echi ńkyí nkyi kanong*.

Jeryimáya 4:28

Ké bubwô ḿbún, ejíí e/chi e-ta dyikán ne bubóng bu/chi bu-firi kyifip kyífip. Ké nǎ, me Óburúkpâbí nn/raa. Me n/kabe ne n-chi. Me mm*ba/chi n-yángê okabe ejí* ne mm*ba/chi m-mîng ńkyí n/fu, n-chi i*.

Jeryimáya 5:4

Ne n-raa kâng n/fu, ḿbén banet-byikpu mbé mbe, ashí a*fí kámbé* ké nǎ, mbé ba*fí ba-nyît ng kiǐfáng ńkyí Óburúkpâbí*. Ba*fí ba-nyît ng byije ḿbyí Osówo ebe*.

Jeryimáya 51:5

Me Osówo Óburúkpâbí mú o/rêe o-shwôm n*da/mîng ne Ézerel ne Júda* nang ké baa/chi kyibî ké bushú ejí* mú Osówo mú onong mú Ézerel*.

Jeryimáya 6:13

Kángkáng banet, ḿbé biǐtí ne ḿbé ba*fí biǐtí* mbe ba-kyé ng akpuga ké bukwóp ḿbú boo*nwa*. Nang bamkpábé ḿbé badasét byiraa ejí ne banchi kyifen ejí mbe ba-ryí i banet bampún.

Jeryimáya 7:28

A/chi a-sét kámbé a/fu, oshê ebe o*fí o-chi i ńkyí me Osówo Óburúkpâbí ebe n/sét kámú* ba-bwa ba-já nang dyishí ké busông ḿbú nn/kye kámbé*. Dyityém etî ne me dii/kpú. Nang ozîim óziim ba*fí to ba-zîim m kyi-kim ne ndyí*.

Jeryimáya 9:20

Me Jeryimáya n-raa ne mbé n/fu, fwôo n̂g atông, ǎ banyinyi, ba-jwo Óburúkpâbí, ba-jwo byiraa ḿbyí mu o-sét ng běn. Tángê ê bwǎn-banyinyi enen eringe nyí badata dyikán, ba-tángê bacín enen eringe nyí badafé ochwan-bukyû.

Jeryimáya 9:3

Mbé ba-fút ng bubyíbabang ebe wǎ báre. Byisédéng esét bii/koo esí ńnyín, ntûntû o*fí to*. Ké nǎ, mbé mbe ba-fím m ké kyibî kyibónge ba-nung ké kyikíri, ne ba*fí ba-nyît ng mě wǎ Osówo ebe*. Óburúkpâbí nké o/raa.

Jeryimáya 9:7

Ké bubwô ḿbún, Óburúkpâbí mú o/rêe o-shwôm o/raa o/fu, n/chi m-bwât banet ejí n-chi wǎ eringe nyí nree bure odabwât kiǐré, n-kan kámbé n-ri. Banet ejí baa/chi kyibî. Me n-chî ng echi ebóng ne mbé.

Ezékyel 16:35

Kántîk kâng, ǎ Jerúsélem mú nryî akpara, jwo ńkyí Óburúkpâbí mu o-raa ng.

Hozáya 12:2

Óburúkpâbí mu ne kyibî-mpan ne banet ḿbé Júda ńkyí o/fu, nyǐ o-két ng kámbé. O/chi o-kye to banet ḿbé Ézerel busông ké édúú ebe nyí mbe ba-chi i. Nyǐ o/chi o-só kámbé ewa ké byěm ḿbyí baa/chi.

Hozáya 12:3

Jekôp mú bonchí ebe mú kpákpá o/nyii kyikit ne Éso mú wǎn-boné emen mú ba/fwon kámbé afúng, ké nkéré mú ba/mû ba/tôong ké kafâ-dyifít ńdyí boné ebe. Ké nkéré Jekôp o/kán, nyǐ o/nwa ne Osówo,

Hozáya 5:1

Fwôo n̂g atông ba-jwo ńkyín, ǎ banchi kyifen-Osówo. Fwôo n̂g atông, ǎ banet-Ézerel. Ben mú ba/fím ké kyikû-butu, fwôo n̂g atông ba-jwo. Ben ba/mû ba/chi ba-kûkét mpan mú baa*ryí acît* ké bubwô ámbu, mpan o/chi o-bên běn, ké nǎ, ba/firi kaǎtám ké Myízipa, ba/firi to kaǎsém ńké baa/táng ké kaku ńké Tábo,

Hozáya 5:4

Byibî ḿbyí banet ḿbé Ézerel baa/chi mbyi byi-ku ng kámbé esim ebwa ba-kâm Osówo ebe. Bakye esháng baa/koo kámbé busa ne ba*fí to ba-nyît ng Óburúkpâbí*.

Jówel 1:2

Fwôo n̂g atông ba-jwo, ben banet ḿbé bamu bakínkán. Nang yeě mú mu ké Júda ofwôo atông o-jwo. Dyizong-chwǒm wǎ ńdyín dyi/mû dii/chi ké nkéré mú enen? nang ké nkéré mú banchí enen?

Émos 3:1

Banet ḿbé Ézerel, fwôo n̂g atông ba-jwo kyitwóm ńkyín ńkyí Óburúkpâbí o/sét kyi-kim ne ben, ben oshê omúmú mú nyǐ o/fîm kámú o-byí ké Éjip.

Émos 7:16

Kántîk, fwôo atông a-jwo ńkyí Óburúkpâbí o/sét. Wo a/sét mě a/fu, me n*dachîsét byiraa-Osówo* a/fu, me n*dachîraa kyi-kim ne banet ḿbé Ézerel*.

Máka 6:2

Ben, ǎ ecím-eku nyí bamu byikû-ekpe ḿbyí ejíí ḿbyí bii*náng* fwôo n̂g atông ba-jwo mpan mú Óburúkpâbí. Óburúkpâbí mu ne mpan ne banet emen. O/chi o-sét banet ḿbé Ézerel kyibî ńkyí ba/chi.

JǑN BǍMPÉM ḾBÉ BANONG KYI-KIM NE JISOS KARÂS ERINGE NYÍ JǑN O/SÁNG 8:55

Ben ba*da ǎ enyît ne* nké me mu n-nyît ng ǎ. Â me mu n-sét ng n/fu, me n*fí n-nyît ng ǎ* me to n-firi ng kiinsêt kyisédéng wǎ ben. Nké me mu n-nyît ng ǎ, ne me mu n-chi i eringe nyí ejá emen e/sét.

Rúman 1:28

Ké bubwô ḿbú banet baa/né etî ké dyityém ńkyí mbé mbe ba-nyît ng ba/fu, nkyi ntûntû kyi-kim ne Osówo, Osówo oo/yip kámbé o-kye atyém nyí nyi a-kabe ng kyibî kyíbi, eringe nyí badachi byěm ḿbyí ba/mû baa*ba/chi ba-chi*.

1 Koríntyan 15:34

Kabe n̂g ne bubong enen kanong kanong, ba-mîng byibî-akwóp enen. Me mu n-raa ng ńkyín ké éshwân enen. Banet bakíri ké burwám enen ba*fí ba-fâ Osówo*.

Revelíshon 2:11

Nang yeě mú mu ne atông kâng ofwôo o-jwo ńkyí Busun-Osówo mbu bu-sét ng banet-ékwâbashi nyí Karâs bu/fu, banet ḿbé ba/kpógê, nnyinyěng-bukyû oo*ba/chi o-ta kámbé*.

Revelíshon 2:29

Nang yeě mú mu ne atông kâng ofwôo o-jwo ńkyí Busun-Osówo mbu bu-sét ng banet-ékwâbashi nyí Karâs.