Hozáya 3:4 - Bokyi Bible

⁴ Ké dyizong-bukwóp ḿbún, banet ḿbé Ézerel ba/chi ba-kyú ké kyikim-nkéré chwóó, baa*kyú ne batu nang banet-ashí* baa*ba/chi ba-chi byifen* ba-kyú nang ne aká-ociring* baa*ba/chi ba-kyú ne erím-bakye ne byěm ḿbyí badakúng ba-sô epé*.

Hozáya 3:4 Iomraidhean Croise

Jénésis 31:19

Lában o/mû oo/dim ebû emen eríp epwát, ne ńdyí o*fí ké kyise* Ríchel o/jii erím-bakye nyí bonchí emen.

Jénésis 31:34

Ríchel o/mû oo/yip erím-bakye ányi o-fé ké kiimbam ńkyí badatwôom kaanyam-atû ké esim o-kyú me ké nyǐ. Lában o-kyé ké mpyep omúmú o*da/ri kányí*.

Jénésis 49:10

Júda o/chi o-níbî ochí-butu, ne bwǎn emen kángkáng nkéré ba-kyú u batu. [Eshê e/chi e-bâ ne eyáré e-ba-kye ǎ,] e-tíngê kyísí e-fé ǎ.

2 Sámwel 6:14

Otu Dívit o-ne ane ne kángkáng busa emen eringe odakye Óburúkpâbí ofê, ne kaǎcê-okpówo nké nke ké busín.

2 Kyîng 23:24

Eringe nyí o/chi o-chi banet ba-tî byije ḿbyí ba/sáng ké nwet mú Hyíkya o/ri ké kafâ-kiǐtí-kyise-kyifen-Osówo echi, Otu Josáya o/fîm kángkáng bansô epé ne bampem ne bakúsí ba-byí ké Jerúsélem. O/fîm to erím-bakye ne kángkáng byěm byikíri ḿbyí byi/kim ne bakye esháng byi-byí.

2 Korónyíkil 15:2

ne nyǐ o-dim o-kâm Otu Ása. O-raa ne Otu Ása o/fu, fwôo n̂g atông ba-jwo mě, ǎ Otu Ása ne kángkáng banet ḿbé Júda ne Běnjámin. Óburúkpâbí mu ne ben ké kyikû â ben bamu ké nyǐ. Â ben bamu ba-kyé ng ba/fu, ba-ri ng ǎ, nyǐ o-mîng ng běn ba-ri ǎ. Nké â ben ba/bírî ǎ esim nyǐ o-mîng ng běn.

Ézódos 28:4

Sét kámbé ba-zim kiimbam-kakim ne kyídí-kakim ne ágbádá ne nkyû mú badatím byěm ké mǔ ne kyídí-dyishí ne kyicê-kyídí ńkyí badasît ké osín. Bazim byídí-banchi kyifen-Osówo ḿbyín ba-kye Éron ne bwǎn emen eringe nyí mbé badachi bǎmkpóngé ba-kye mě wǎ banchi kyifen ejí.

Ézódos 28:6

Bazim kyídí-kakim ké byídí-eríp-etám-ebû ḿbyí bulûbulu ne ḿbyí kpúúl ne ḿbyí shíshét ne ké okpówo ne bacat-gûl, ba-tím kánkyí.

Lamantéshan 2:9

Afyi-oshê aa/róng kyísí. Baa/sé biǐré ebe byicê byicê kántîk, otu ne biǐtí-banet ba/firi banet ḿbé ba/kúng kámbé ba-jâ eshê ekíri. Ba*fí to ba-tángê e byije ḿbyí Óburúkpâbí* ne Óburúkpâbí o*fí to o-tông ng bamkpábé ḿbé badasét byiraa emen byěm-akat*.

Ezékyel 19:14

Omím-kyichí ánkyi o/kám okwâ. Okwâ o/shí byire emen ne byirim. Byire-kyichí ánkyi bii*kyú to shwaneshwane* ne bii*kyú to echí nyí batu*. Okwan mú bafip nké mu něen. Baa/kwán kámú kampén kampén.

Ezékyel 20:32

Ben baa/tî okabe ba/fu, ben bamu ba-ryuu ng ba/fu, bakyú wǎ eshê nyí áku, ne wǎ banet ḿbé mbe ba-kyú u ké eshê nyí áku, ba-kye byichí ne aká ofê. Nké nkyí kii*bwa kyi-chi*.

Ezékyel 21:21

Otu mú Bábyílon mu o-bwom m cip ké ekap nyí ba/sáng ba-tî ké akam-akwóp ányi. Eringe nyí nyǐ o/chi o-ri bukwóp ḿbú nyǐ odacen, nyǐ o/twóp dyímám ké abán eninge o-bí erím-bakye emen, ne o/kpúrî dyityém ńdyí enyam nyí ba/chi kyifen.

Ezékyel 21:31

Ben ba/chi ba-ri kafâ esa ejí ké nkéré ka/kpet emang wǎ okwâ. Ne me n/chi n-kúng běn n-kye byibî-banet ḿbé baa/kpí byěm ebên.

Dányel 11:31

Basúja emen bakíri ba/chi ba-bên kiǐtí-kyise-kyifen-Osówo echi ké byibî-byěm echi ké nkyí. Mbé ba/chi ba-chi banet ba-mîng byifen echi ḿbyí kángkáng dyicí, ne ba/chi ba-tî kiinchi bushî-chwǒm-ociring ányi.

Dányel 12:11

Kyi-fím ké nkéré mú ba/chi ba-mîng byifen echi ḿbyí kángkáng dyicí, kyi-fím ké nkéré mú ba/tî kiinchi bushî-chwǒm-ociring ánkyi, égot-ací nyâchât ne bajam-ací banyii esim-ací diǐkpú a/chi a-shwôm.

Dányel 9:27

Kiǐtí-otu ánkyi o/chi o-ryí ocím mú shwaneshwane ne banet chwóó ké aje káchâtkányi. Ne ké nkéré jangjang kafee-nkéré ámu oo/fyi, nyǐ o/chi o-chi ba-mîng byifen echi ne eyáré ekye. Ba/chi ba-tî kiinchi bushî-chwǒm-ociring ké kyikit-kiǐtí-kyise-kyifen-Osówo echi ńkyí kyi/nyâam kyi-shwôm, ne kyi/chi kyi-waa ányi tete onet mú o/tî kánkyí ányi o-ri nkuli kyikû mú Osówo oo/chi o-tî ǎ.

Hozáya 13:10

Ben ba/bí mě ba/fu, me nkye běn otu ne banet-ashí, nké mbé ba-cen n nǎ ne ba-nyii oshê.]

Hozáya 13:11

Me nn/kye běn batu ké busa-dyityém, ne nn/fîm to kámbé ké busa-dyityém.

Hozáya 2:11

N/chi m-man kángkáng ajî-byifen emen, ajî emen ányi nyí kángkáng dyije ne nyí kángkáng otukáku ne nyí kángkáng ékwâbashi, nyí mu o-chi i, ne kángkáng ací-ociring emen nyí mu o-tî ng.

Lyívyítyíkus 8:7

O-kúng nkyû ne ágbádá o-fé Éron ké byiko, o-sît ǎ kyicê-kyídí ké osín. O-kúng kyídí-kakim o-fé ǎ, o-kúng emâp nyí ba/tím kanong kanong o-sît ǎ ké osín, e-sît kyídí-kakim ánkyi.

Zákaryâ 10:2

Banet mbe ba-da ng ebí erím-bakye ne bansô epé, nké ejá nyí mbe ba-koo ng nyi byisédéng byísedeng ne e*da/byí chwǒm*. Banet bakíri ba/fu, mbé ba-man n esét kyikû-burê ḿbú onet odari, nké banet ámbe mbe ba-nîm m běn. Dyityém ńdyí mbe ba-fâ běn dyi*da/byí chwǒm*. Ké bubwô ámbu, banet mbe ba-yêe ng ké byikit wǎ etám-ebû nyí ee/tánê. Mbé ba/firi ké afaníkong, ké nǎ, ba*fí ne onet-dyishí*.

Zákaryâ 13:2

Ké nkéré ámu, me n/chi n-fîm azîn nyí erím-bakye a-byí ké esí ebe, ne onet o*fí mú o/chi o-chîzîim kányí*. Me n/chi m-man ne nang yeě mú mu o-bwom m o/fu, nyǐ o-chi i mkpábé mú odasét byiraa ejí, ne n/chi n-fîm okabe mú banet badatî ba/fu, mbé ba-sháng ng bakye.

LÛK BǍMPÉM ḾBÉ BANONG KYI-KIM NE JISOS KARÂS ERINGE NYÍ LÛK O/SÁNG 21:24

Banet bakíri ba/chi ba-ju kámbé ké kashwám. Bakíri ba/chi ba-kúng kámbé wǎ bamgbokobá ba-jâ ké kángkáng eshê. Ne banet ḿbé ba*fí banet-Jûs* ba/chi ba-bên Jerúsélem kángkáng tete nkéré ebe o-man.

JǑN BǍMPÉM ḾBÉ BANONG KYI-KIM NE JISOS KARÂS ERINGE NYÍ JǑN O/SÁNG 19:15

Mbé ba-wonge ba/fu, ju ǎ, ju ǎ. Mán ǎ ké kyikwap. Pálet o-bí kámbé o/fu, ben bamu ba-ryuu ng ba/fu, me mmán otu enen ké kyikwap ńkyí badashwân onet dí. Batu-banchi kyifen-Osówo ba-faa ba/fu, otu mú be byimu ne mǔ kyi*da/shwôm otu mú Rûm*.

Hyíburus 10:26

Ké ebóng, kyifen-Osówo kyi*fí to nang kyibónge ńkyí kyidafîm byibî* â byimu byi-tigi ng otigíng byi-chi i byibî byi-câ kashú ne ntûntû mú baa/chi bě byi-nyît*.

Jójis 17:5

Máka o/mû ne kyikit ńkyí emen ńkyí odafé Osówo. Nyǐ o/chi barím-bakye ne chwǒm-epé esô, o-cá wǎn emen mú onyinchéng o-tî o/fu, okyú wǎ nchi kyifen-Osówo.

Jójis 18:14

Banet ámbe ashí atánge, ḿbé ba/mû ba/ce kyikû edakyé kyi-kim ne eshê nyí e/fárâng ne Láshi, ba-bí kâng barî ba/fu, ben bamu ba-nyît ng ba/fu, ké burwám-byise ḿbyín, kyise kyibónge nkyi ányi ne orím-bukye mú ba/sím ké kyichí ba-mwane kámú ne syílyíba dí. Erím-bakye ekíri to nyi ányi ne chwǒm to ńkyí badasô epé. Ben ba/kabe ba/fu, byichi nǎ.

Jójis 8:27

Gyídyon o-yip gûl o-chi orím-bukye o-tî ké oshê emen mú Ófara. Banet-Ézerel kángkáng ba-né Osówo efé, ba-kûce áku ba-da ng efé orím-bukye ámu. Orím-bukye ámu o/mû kaǎtám ńké Gyídyon ne kyikû-banet emen.

1 Sámwel 14:3

Nchi kyifen-Osówo, mú o/mû mu o-kúng ng chwǒm ńkyí badasô epé, o/mû o-bángê e Ahíja, mú o/mû wǎn mú wǎn-boné-Ékabat, mú o/mû o-bángê e Ahítup, mú bonchí emen o/mû o-bángê e Fyinéhas, ne bonchí emen mú kánkán o/mû o-bángê e Élyi, mú o/mû nchi kyifen-Óburúkpâbí ké Shílo. Banet ámbe ba*da/nyît ba/fu, Jónátan oo/dim*.

1 Sámwel 15:23

Esim ebírî nyí onet oda ǎ ebírî e/bên wǎ bucí, ne byiko etông to byi-chi i kyibî-chwǒm wǎ bakye esháng. Ké nǎ, wo a/né echi ńkyí Óburúkpâbí o/sét ǒ, nyǐ oo/né to o/fu, wo a*dachîkyú otu*.

1 Sámwel 2:18

Ké nkéré ámu, Sámwel-wǎsíng mu o-chi i bǎmkpóngé o-câ kashú o-kyâ Óburúkpâbí, o-fâ okpówo-kyídí-bǎmkpóngé ńkyí ociring.

1 Sámwel 21:9

Ahyímélek o-faa ǎ o/fu, me mu ne kashwám ńké Golyât mú onet-Fyilíta mú wo a/ju ǎ ké ndege-esí mú Éla. Nke ányi ké esim-chwǒm-epé esô. Ba/ním kánké ké kyídí. Â amu a-ryuu ng a/fu, a-kúng ng kánké, a-kúng. Nké kǎnchí nké nke kyiyám-bunwa nyín. Dívit o-faa ǎ o/fu, kye mě kánké. Kashwám katô ka*fí to ńké ka/shwôm ńké ánke*.

1 Sámwel 22:18

Otu Sôl o-sét kâng Dôk o/fu, wo ju kámbé. Dôk o-ju kâng kámbé ashí kángkáng. Dyicí ándyi, nyǐ o/ju, bajam-banchi kyifen-Osówo banyii esim batánge, ḿbé ba/mû baa/kwárê ké bǎmkpóngé echi ḿbé chwǒm-epé esô ekúng.

1 Sámwel 23:6

Nkéré mú Abyǎta mú wǎn-Ahyímélek o/chêe o-kâm Dívit ké Kyíla, o/yip chwǒm-epé esô o-dim ne nkyí.

1 Sámwel 23:9

Nkéré mú Dívit o/jwo ba/fu, Otu Sôl mu o-pám m o/fu, nyǐ o-da ng ǎ ekye bunwa, o-sét Abyǎta mú nchi kyifen-Osówo o/fu, bâ kwán ne chwǒm-epé esô.

1 Sámwel 30:7

Dívit o-raa ne Abyǎta mú nchi kyifen-Osówo, mú wǎn-Ahímélek, o/fu, bâ mě ne chwǒm-epé esô. Abyǎta o-yip kánkyí o-ba-kye ǎ.