Hozáya 3:2 - Bokyi Bible

² Ké bubwô ámbu, me n/kye akpuga-syílyíba onyiryiká ne bajam-bakyílogaram-esang-byichí káchâtkányi esim diǐkpú ne n-ré ǎ.

Hozáya 3:2 Iomraidhean Croise

Jénésis 31:41

Kyi/mû éné ké aje bujam nyí n/kyú ne wo. Me n/chi bǎmkpóngé ké aje diǐkpú ne anyii ké dyishí-bwǎn eyên ne aje nyâchât ké bubwô-byitú eyên. Nang ké kyi/mû éné, a/yángê akpuga-otukáku nyí a/mû a-kyâ mě kampén diǐkpú.

Jénésis 34:12

Sét n̂g mě eyáré nyí bamu ba-ryuu ng. Ba-man n ekét ocím-kasî-onyi nang orá mú o/nyîn běn. Me n-kyâ běn nang ebóng ńkyí bamu ba-ryuu ng, â ba/chi ba-bángê mě m-bé ǎ.

Ézódos 22:17

 bonchí o/né o/fu, nyǐ oo*táng ǎ onyinchéng ámu* onyinchéng ámu o-man o-kye bonchí-wǎn ámu akpuga nyí adakwárê ne nyí badabé wǎn-onyinyi mú ba*da/rí ne ne nyǐ*.

Azáya 5:10

Byichí ḿbyí mbyi byi-zím m ké kiimbâng-kyifát byi/chi byi-kye běn balyíta-bato nyíryinyi nké nke. Bujê-esang-byichí nyí badakwón e/chi e-kye běn kaǎnyín-esang-byichí nké nke.

Ezékyel 45:11

Chwǒm ńkyí badakó éfa, nyí badakan byěm ḿbyí jwómjwóm ekyú eringe ebónge ne chwǒm ńkyí badakó bât, mú badakan byěm ḿbyí mbyi wǎ bakút. Ochíchí-chwǒm-byěm ekan ba-kó ng kámú hóme. Byěm ekan byibyí něen, hóme obónge obyí éfa diǐkpú. Éfa diǐkpú ebyí bât diǐkpú.

Hozáya 3:3

Me n/sét ǎ n/fu, o/chi o-kyú ké kyikim-nkéré chwóó o-bám mě. O*dachi o-ryí akpara* o-chi nang kyinam* ne ké kyikim-nkéré ánkyi, me to n/chi m-bám ǎ.

Lyívyítyíkus 27:16

 onet o/kúng kyicê-esí emen o-kye Óburúkpâbí, ba-fâ kasî ńké kadatyeem ne esang-byichí nyí badakó bályi, nyí edakwárê ne ba-kwón ké esí ányi, ké akpuga-syílyíba diǐkpú ké bakyílogaram-esang-byichí bujam.

Nkyi to ké Rût 4:10

Cibicibi to ne Rût mú o/fím Mówep, mú onyǐnkú-Málon, mú o/firi onyi ejí. Ńkyín kyi/chi kyi-chi byěm ámbyi byi-waa ké kyikû-dyibóng-onet mú oo/kpú, ne kyikû-banet emen kyi/chi kyi-waa kyi-ca kashú ne banet emen ne ké oshê emen to. Ben baa/ri ńkyín ké dyicí ńdyí kurún.

1 Sámwel 18:25

Otu Sôl o-sét kámbé o/fu, basét Dívit ba/fu, ńkyí Otu Sôl mu o-ryuu ng o/fu, wo akye ǎ wǎ ocím-akpuga mú dyibé, nkyi něen, bajam-batî-banet-Fyilíta batánge ḿbé baa/kpú, wǎ ewa esó nyí banet-bushwôn emen. Éné nké Otu Sôl o/mû o/tî okabe o/fu, banet-Fyilíta baju Dívit.