Hozáya 2:4 - Bokyi Bible

^4-5 Mm*ba/chi n-ri bwǎn emen bafip*. Mbé ba-chi i [bwǎn ḿbé nryî akpara mú éshwân e*fí ǎ*.] Nyǐ oyén o/fu, n/chi n-dim n-kâm bákyî ejí. Mbé nké mbe ba-kyâ mě byiryíng ne omu ne byídí ḿbyí byinong byinong ne bakút ne bato.

Hozáya 2:4 Iomraidhean Croise

2 Kyîng 9:22

Otu Jóram o-bí ǎ o/fu, amu a-bâ ké bunyîn-dyityém dí. Otu Jéhu o-faa ǎ o/fu, bunyîn-dyityém bu-cen n nǎ ne bu-kyú mú be byi/tôong ne bací ne bakye esháng ḿbé Jézébel mú boné eyên o/kpet ne mbyí.

Azáya 27:11

Byire-byichí bii/kpú byi-byíryî, ne banyinyi ba-kú ba-sá ng ekwón ké mbyí, ké nǎ, banet ámbe ba*fí ba-nyît ng chwǒm*. Osówo mú o/chi kámbé oo*ba/chi o-ri kámbé bafip* nang byiko byi-kpú ǎ ne mbé*.

Azáya 50:1

Óburúkpâbí o/raa o/fu, ben bamu ba-kabe ng ba/fu, me n/ró banet ejí wǎ onyinchéng mú odaman dyibé ne onyi emen dí. Banwet ḿbé byi/chi byi/fu, dyibé dii/man mbe nyá kâng. Ben bamu ba-kabe ng ba/fu, me n/yip běn n-shee kyíjí wǎ onyinchéng mú odayip bwǎn o-shee ba-bírî básóng dí. Aa*wááng*. Ben ba/kám běn ba-dim ne ben ké bubwô-byibî enen. Ba/ró běn ké bubwô-byibî-byěm ḿbyí ba/chi.

Azáya 57:3

Ben banchi byibî, bâ n̂g nyín ba-pan běn mpan. Ben ba*da/cángê ba-shwôm bansô epé* ne banchi byinam* ne banryî akpara*.

Jeryimáya 13:14

Ne n/chi n-yip kámbé kâng n-díp ne barî n-sé kámbé wǎ etyu. N-sé ng kángkáng bakâa ne byisat. Bafip nang babónge ba*fí ḿbé ba/chi ba-chi mě ne m-mîng kámbé eju*.

Jeryimáya 16:5

*Dachi a-nung ké kyise ńkyí banet mbe ba-tii ng bukyû*. *Dachi a-tii onet nang obónge*. Me mm*ba/chi n-chîjware banet ejí ne bunyîn-dyityém* n-tông kámbé kyijé* n-ri nang kámbé bafip*.

Ezékyel 23:25

ké nǎ, me nkyi kyi-sa ng mě ne wo, me n/chi m-mîng kámbé ba-chi ǒ chwǒm ké dyityém esa ebe. Mbé ba/chi ba-két ǒ ozóng ne atông, ba-ju bwǎn eyên. Mbé ba/chi ba-koo ǒ bwǎn-banyinchéng ne ḿbé banyinyi ba-shí kámbé bakpó.

Ezékyel 8:18

Mbé ba/chi ba-ri kángkáng busa ḿbú kafâ esa ejí. Me mm*ba/chi m-mîng kámbé ba-fem* n-ri nang kámbé bafip*. Mbé ba/chi ba-wonge ké banshwam efé ba-kye mě ne ejá kyíbóng kyíbóng nké mm*ba/chi n-fwôo atông n-jwo kámbé*.

Ezékyel 9:10

Nké me mm*ba/chi n-ri kámbé bafip*. Me n-chi i kámbé ńkyí mbé ba/chi banet ḿbé áku.

Hozáya 1:2

Ké mbwôp kashú-nkéré mú Óburúkpâbí o/raa ne banet ḿbé Ézerel ké ocím mú Hozáya, nyǐ o/sét Hozáya o/fu, [dabé onyi. Onyi eyên ámu oo*ba/chi o-tî dyityém emen ne wo* ne bwǎn eyên to ba/chi ba-kyú wǎ nyǐ.] Ké bukwóp ámbu bubónge, banet ejí baa/mîng mě, ba*fí to ba-tî ng dyityém ebe ne me*.

Hozáya 1:6

Góma o-chîfwon nnyinyěng-wǎn, ntáng mún kyi/mû wǎn-onyinyi. Óburúkpâbí o-sét Hozáya o/fu, fé ǎ dyizîn ńdyí badakó Baa*tông ǎ Kyijé*. Ké nǎ, mm*ba/chi n-chîtông kyijé ne banet ḿbé Ézerel* nang opwoo to mm*pwoo to kámbé*.

Hozáya 5:7

Mbé ba*da/fé dyityém ebe ne Óburúkpâbí*. Bwǎn ebe baa*chi ḿbé emen*. Ké bubwô ámbu, kántîk, Osówo o/chi o-bên kámbé ne esí ebe.

Zákaryâ 1:12

Ne orím mú onong ámu o-raa o/fu, Óburúkpâbí mú o/rêe o-shwôm, wo kafâ kaa/sa ǒ ne Jerúsélem ne eshê nyí Júda ké bajam-aje bachât esim diǐkpú kántîk. Kyi-chî ng erí nǎ ne wo a-ri kámbé bafip.

JǑN BǍMPÉM ḾBÉ BANONG KYI-KIM NE JISOS KARÂS ERINGE NYÍ JǑN O/SÁNG 8:41

Ben bamu ba-chi i ńkyí bonchí enen o/chi. Mbé ba-faa ba/fu, Osówo oyén kǎnchí nké mu Bonchí mú be byimu ne mǔ. Be byi-chi i bachíchí-bwǎn emen.

Rúman 11:22

Nyín be byimu byi-ri ng eringe nyí Osówo o/cángê dyityém, ne eringe nyí odakét mpan o-bên onet, o-kye ǎ busông. Nyǐ mu o-kyâ banet ḿbé baa/róng busông, nké o/cángê dyityém ne ben, â ben bamu ba-câ kashú ne édúú nyí odacángê dyityém ne ben. Nké â ba*da/chi éné* o/chi o-két běn to o-twóp.

Rúman 9:18

Ké bubwô ḿbún kâng, Osówo mu o-ri ng bafip ne onet nang orá mú o/nyîn ǎ, o-chi onet nang orá mú kyi/nyîn ǎ o-firi nshwan dyishí.

Jêmsyi 2:13

Ké ebóng, Osówo oo*ba/chi o-ri onet bafip* mú nyǐ oo/pan ǎ mpan o-ri o/fu, onet ámu o*da/ri barî-banet bafip*. Nké onet mú oo/ri barî-banet bafip o*fí ne chwǒm ńkyí nyǐ odashî Osówo* mú mu o-két ng mpan*.