Hozáya 2:3 - Bokyi Bible

³ Â o*da/mîng* n/chi n-két ǎ osíndyíbang o-firi wǎ dyicí ńdyí ba/mû ba/fwon ǎ. N/chi n-chi ǎ o-firi wǎ kiǐjínjwóm-esí ńkyí kii*bát byiryíng* ne o/chi o-kpú kyijé-omu.

Hozáya 2:3 Iomraidhean Croise

Ézódos 17:3

Nké omu o/mû o-jang ng ejê kámbé o-shwôm mú ba*da/mîng Músis afaníkong ekye*. Ba-raa ba/fu, ebóng wo a/fîm bě byi-byí ké Éjip. A/fu, a-bâ ng bě echi ne bwǎn eten ne byitú eten byi-kpú kyijé-omu?

Azáya 33:9

Baa/mîng esí e-waa dyikáá. Byizinge ḿbyí Lebánon bii/kpú, kiibet ńkyí Sháron ńkyí kyidabát byiryíng kyi/firi wǎ kyikit ńkyí omu o*fí* ne ké Báshan ne ké kaku ńké Kámel eshǎan e-kú e-roo ng ké byichí.

Azáya 47:3

Banet ba/chi ba-ri ǒ osíndyíbang. Ba/chi ba-ri ké aa/firi kyísí kyísí ne éshwân. Me n/chi n-só ǒ ewa, ne onet o*fí mú oda mě eku*.

Azáya 64:10

Eshê-ociring eyên e/firi wǎ kyikim-dyikán. Jerúsélem o/firi kyikit ńkyí kii/shí banet ba-mîng kánkyí,

Jeryimáya 12:10

Batu chwóó ḿbé eshê ekíri baa/bên kyifát ejí. Mbé baa/bên byiryíng ejí. Baa/chi esí ejí nyí enong enong e-bírî kyikim-dyikán.

Jeryimáya 13:22

 ben ba/bí ba/fu, ebóng byěm ḿbyín kángkáng byi/chi běn, ebóng ńkyí ba/ját běn byídí ba-firi osíndyíbang, nkyi něen, ké nǎ, byibî enen byi/jang ejap.

Jeryimáya 13:26

Óburúkpâbí oyén o/chi o-két běn esínábang, o-fé běn éshwân.

Jeryimáya 14:3

Banfang-banet mbe ba-twóm m bǎmgbán ebe ba/fu, bada-tó omu. Bǎmgbán ámbe ba-dim ba-wâa ké buce, nké ba*da/ri omu*. Ba-bwa esim ne butí kafâ dyikáá. Ké nkéré mú ba*fí to ba-nyît ng ńkyí badachîchi* ba-rôo bashú ebe.

Jeryimáya 17:6

Onet ámu mu wǎ kyichí ńkyí nkyi ké kyikim-dyikán, ńkyí nkyi kyi-kán n ké kyikim-dyikán ńkyí omu o*fí* ńkyí nkyi kyi-kán n ké kyikit ńkyí esí ee*nwa* nyí chwǒm kyikíri kyi*fí ké nyǐ*. Onet ámu oo*ba/chi o-já chwǒm ńkyí kyinong*.

Jeryimáya 2:31

Banet ḿbé Ézerel, fwôo n̂g atông ba-jwo ńkyí mu n-sét ng. Me mu běn wǎ kyikim-dyikán? wǎ kyibî-esí nyí nyi kyifip kyífip? Ebóng kâng ben bamu ba-raa ng ba/fu, ben ba-chi i eringe nyí kyi/nyîn běn. Ba/fu, ben ne banyá baa*bwa to esim ba-kâm mě*.

Jeryimáya 2:6

Mbé ba*da/kérê kyi-kim ne me* nang ké n/nyii kámbé ké abwô nyí banet-Éjip*. N-tông kámbé bukwóp ba-nyáng kyikim-dyikán, kyikim-dyikán ńkyí nkyi ne azu-éshíshě ne kiǐjínjwóm ne kyibî-esí ńkyí onet o*fí o-kyú u* ne ńkyí onet nang obónge oo*ba/chi o-cen ké nkyí*.

Jeryimáya 22:6

Ké bushú ḿbú ejí, kyibám-butu ńkyí Júda nkyi kyi-nwa ng jangjang wǎ esí nyí Gyílet ne wǎ eku nyí Lebánon. Nké n/chi n-chi kánkyí kyi-firi kyikit ńkyí onet oo*kyú to*.

Jeryimáya 4:26

N/tún achi n-ri esí nyí e/mû ne byirim-byichí ké ee/bírî kyikim-dyikán, ne ké kángkáng eshê ee/shí ké bushú ḿbú Óburúkpâbí, ké bubwô-kiǐtí-busa-dyityém emen. [

Jeryimáya 51:43

Eshê emen ee/bírî byikit ḿbyí bii*nwa to eri* ne e/firi wǎ kyikim-dyikán ńkyí omu o*fí* ńkyí onet o*fí o-kyú u* nang onet o*fí o-cen n ké nkyí*.

Jeryimáya 51:5

Me Osówo Óburúkpâbí mú o/rêe o-shwôm n*da/mîng ne Ézerel ne Júda* nang ké baa/chi kyibî ké bushú ejí* mú Osówo mú onong mú Ézerel*.

Ezékyel 16:22

Ké nkéré-kiinunut-dyikpen eyên ńdyí akpara, wo a*da/zîim nang kabónge kyi-kim ne dyikpen eyên ńdyí ne bubwásíng* ké nkéré a/mû osíndyíbang a-nyibi ng ké baróng eyên*.

Ezékyel 19:13

Kántîk, ba/kwón kánkyí ké kyikim-dyikán, ké kiǐjínjwóm-esí nyí e*fí ne omu*.

Hozáya 13:15

Nang Ézerel e-bwa e-byet [wǎ biǐbyâa,] me n/chi n-twóp kiǐsínsóng-bufú ńkyí kyidafím ké kiǐjínjwóm-kyikim-dyikán kyi-ba-núng buce ne abíng-omu ebe. Kyi/chi kyi-kúng nang ebóng chwǒm ńkyí nkyi kámbé kiǐtí.

Hozáya 2:10

N/chi n-két ǎ osíndyíbang ké bushú-bákyî emen ne onet o*fí mú o/chi o-man ǎ enyii ké abwô ejí*.

Revelíshon 17:16

Etwóm ányi diǐkpú nyí a/ri ne kyibî-enyam ánkyi byi/chi byi-kûsa kafâ ne onyinyi-akpara ámu. Byi/chi byi-koo ǎ kángkáng byěm byi-mîng ǎ osíndyíbang. Byi/chi byi-ryí ǎ enyam-byiko, ne byi-shí ǎ ké okwâ.

Jójis 15:18

Omu o-kpet ejê kâng Sámsin kanong kanong, o-raa kâng o-kó Óburúkpâbí o/fu, wo nké a/chi mě ne m-kpógê dyikpóge ńdyín ńdyí dii*nwa esét*. Kántîk kâng, me mkpú kyijé-omu dí, banshâng bakye-banet ḿbén bakám mě dí.