Hozáya 2:2 - Bokyi Bible

² Bwǎn ejí, tîm m̂ boné enen arông nang ké o*fí to onyi ejí* ne me to n*fí to otyép emen*. Tîm m̂ ǎ arông o-mîng byinam emen echi ne akpara eryí.

Hozáya 2:2 Iomraidhean Croise

Azáya 11:12

Óburúkpâbí o/chi o-tông eshê ekap o/fu, nyǐ mu o-chî ng ekpaa banet emen o-tî kyikit kyibónge, banet ḿbé Ézerel ne Júda ḿbé baa/pwó kámbé byiryibyiryi, o-bwa ne mbé esim ba-fím ké bakô-ejíí bamúmú.

Azáya 50:1

Óburúkpâbí o/raa o/fu, ben bamu ba-kabe ng ba/fu, me n/ró banet ejí wǎ onyinchéng mú odaman dyibé ne onyi emen dí. Banwet ḿbé byi/chi byi/fu, dyibé dii/man mbe nyá kâng. Ben bamu ba-kabe ng ba/fu, me n/yip běn n-shee kyíjí wǎ onyinchéng mú odayip bwǎn o-shee ba-bírî básóng dí. Aa*wááng*. Ben ba/kám běn ba-dim ne ben ké bubwô-byibî enen. Ba/ró běn ké bubwô-byibî-byěm ḿbyí ba/chi.

Azáya 58:1

Óburúkpâbí o/raa o/fu, wonge eringe nyí badaman ewonge kakân. Sét banet ejí ḿbé Ézerel kyi-kim ne byibî ebe.

Jeryimáya 19:3

Óburúkpâbí o/sét mě o/fu, me nsét něen n/fu, batu ḿbé Júda ne banet ḿbé Jerúsélem, fwôo n̂g atông ba-jwo ńkyí me Osówo Óburúkpâbí mú Ézerel mú o/rêe o-shwôm, mu m-bâ ebasét. Me n/chi m-bâ ne busông ké kyikit ńkyín ḿbú nang yeě nké o/jwo kyi-kim ne mbú o/chi o-waa ocím ké dyishí fúú.

Jeryimáya 2:2

o/fu, me nsét nang yeě nang yeě mú mu ké Jerúsélem kyitwóm ńkyín. O/fu, nyǐ mu o-zîim m eringe nyí ben ba/mû ba/fé dyityém ne nyǐ ké nkéré ben ba/mû ba/tôong boǒbwásíng, eringe nyí nyǐ o/mû o-jê ng běn ké nkéré ben ba/bé barî obê óbe. Ben ba/cen ne nyǐ ké kyikû ba-nyáng kyikim-dyikán, ba-nyáng esí nyí onet o/mû o*da/kwón ne chwǒm ké nyǐ*.

Jeryimáya 3:1

Óburúkpâbí o/raa o/fu, â onyinchéng o/man dyibé ne onyi emen, onyinyi ámu o-mîng ǎ o-da-bé onet okíri, otyép emen mú kashú oo*man to o-chîbé onyinyi ámu*. Â o/chî ǎ ebé, kyi-bên n oshê. Nké ben banet ḿbé Ézerel baa/ryí bákyî chwóó, ne kántîk ba-kú ba-ryuu ng ba/fu, ben ba-bwa ng esim ba-kâm mě.

Jeryimáya 3:13

Ben bángê ê obángé kâng ba/fu, ben baa/chi kyibî, ne baa/bwom bunwa ne Osówo Óburúkpâbí enen. Sét n̂g ba/fu, ben baa/bwom ké kyichí ńkyí kyikpó nang kyirá ba-yip kyijé enen ba-kye esówo nyí eshê ekíri, ne ben ba*da/chi ńkyí me n/sét běn*. Me Óburúkpâbí nké n/raa.

Jeryimáya 3:18

Ézerel e/chi e-cibi ne Júda, ne mbé ashí amúmú ba/chi ba-fím ké oshê mú bushûyû, mú mbé mbe ba-kyú u wǎ básóng, ba-fyi ké esí nyí n/kye banchí enen ḿbé kpákpá n/fu, ewaa nyí enen ne banyá.

Ezékyel 16:20

wo a/yip kâng bwǎn eyên ḿbé banyinchéng ne ḿbé banyinyi ḿbé a/fwon mě a-kye erím-bakye ké kyifen echi. Kyi/mû kyi*da/bên kyi-kwárê ńkyí a*fí a-fâ dyityém ne me*?

Ezékyel 16:25

Wo a/bên bunong eyên ké biǐntóng. Wo a/kúng byiko eyên a-kye nang yeě mú o/bê, ne kángkáng dyicí wo a/firi onet-akpara mú o/bên o-shwôm.

Ezékyel 20:4

Wǎn-onet, wa aa/kpá byiko ḿbyí adakét mpan o-bên kámbé dí. Chi éné kâng. Zîim kámbé kyi-kim ne biinunut-byěm ḿbyí banchí ebe ba/chi.

Ezékyel 23:43

Ne n-raa ne dyityém ejí n/fu, mbé mbe ba-kúng ng onyinyi mú byinam bii/ryí ǎ wǎ onet-akpara.]

Ezékyel 23:45

Banet ḿbé mbe ba-chi i kanong ba/chi ba-két mpan o-bên kámbé ké byinam ne banet eju, ké nǎ, mbé mbe ba-chi i byinam ne abwô ebe a/firi baróng bárong.

Hozáya 1:2

Ké mbwôp kashú-nkéré mú Óburúkpâbí o/raa ne banet ḿbé Ézerel ké ocím mú Hozáya, nyǐ o/sét Hozáya o/fu, [dabé onyi. Onyi eyên ámu oo*ba/chi o-tî dyityém emen ne wo* ne bwǎn eyên to ba/chi ba-kyú wǎ nyǐ.] Ké bukwóp ámbu bubónge, banet ejí baa/mîng mě, ba*fí to ba-tî ng dyityém ebe ne me*.

Hozáya 2:1

Ké bubwô ámbu, kó n̂g barî-banet eyên ḿbé Ézerel, Banet ḿbé Osówo ne Banet ḿbé mbe ba-jê ng Óburúkpâbí.

Hozáya 4:5

Buchú ne esû, ben bamu ba-chi i byibî ba-bírî ng, ne bamkpábé to ḿbé badasét byiraa ejí ba*da/cángê ba-shwôm běn*. N/chi m-bên Ézerel nyí nyi boné enen.

Máka 2:13

Osówo o/chi o-bâa bukwóp o-tî kámbé, o-tông kámbé kiǐfáng ba-byí ké oshê mú mbé ba/mû ba-kyú u wǎ básóng. Ba/chi ba-sé afyi-oshê ba-dim dyijê. Óburúkpâbí oyén mú mu Otu ebe nké o/chi o-tông kámbé kiǐfáng ba-byí.

2 Koríntyan 5:16

Be byi*fí to byi-pan n kâng banet mpan ké édúú nyí banet*. Â nang byi/mû byi/pan Karâs mpan ké édúú nyí banet, ké nkéré obónge, byi*fí to byi-chi i éné*.