Hozáya 14:3 - Bokyi Bible

³ Asyírya aa*man bě enyii* ne bubyî-orá-byití boo*man bě eku*. Ne banyá, bii*man to echîsét byi/fu, erím-bakye eten e-chi i Osówo eten*. Ô Óburúkpâbí, wo a-ri ng bafip ne banet ḿbé ba*fí ne onet okíri mú badabírî ba-kâm ǎ*.

Hozáya 14:3 Iomraidhean Croise

2 Korónyíkil 16:7

Ké nkéré ámu obónge, Hánanyi mú mkpábé mú odasét byiraa-Osówo o/dim o-kâm Otu Ása, o-sét ǎ o/fu, basúja ḿbé otu mú [Ézerel] baa/fem ǒ, ké nǎ, wo a/jêem esim ké otu mú Syírya, a-mîng ejêem esim ké Osówo Óburúkpâbí eyên.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 10:14

Nké wo amu a-ri ng. Wo amu a-ri ng kyi-kim ne busông ne afaníkong, ne aa/kpá byiko kángkáng nkéré ḿbyí adachwáp. Onet mú ochwâp o*fí ǎ* mu o-kyâ ǒ byiko emen. Wo kángkáng nkéré aa/chwáp onet mú o*fí ne bonchí*.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 146:3

*Datî dyityém eyên ne banet ḿbé mbe banet-ashí*. Onet oo*man ǒ enyii*.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 146:9

Nyǐ mu o-bám m bacinbánet ḿbé mbe ké esí eten. Nyǐ mu o-chwáp ng banyǐnkú ne bwǎn-byibén. Nké mu o-bên n byěm ḿbyí bambên dyityém mbe ba-nam m.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 33:17

Bubyî-orá ḿbú byití enwa boo*chwáp ké byití ekpógê*. Kiǐtí-busa ebe kii*man echwáp*.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 68:5

Osówo mú mu o-kyú u ké kyise emen ńkyí ociring mu o-tún n bwǎn-byibén, ne mu o-ku ng banyǐnkú ké afaníkong.

Azáya 1:29

Byiko byi/chi byi-kpú běn ké ofê mú ba/kye biinchéng-bakye ne byifát-ociring ḿbyí ba/kpang.

Azáya 2:20

Ké nkéré mú dyicí ándyi dii/fyi, ba/chi ba-pwó erím-bakye nyí mbé ba/chi ké gûl ne syílyíba, ba-mîng kányí ne enyam nyí edakyú ké bacim ne ké biǐbwô-byise.

Azáya 27:9

Nké o/chi o-pwoo byibî ḿbyí Ézerel, â ba/kwa aká nyí mbe ba-sháng ng bakye ké nyǐ a-firi wǎ mpén, ne ké nkéré mú byikit-burwan eshí ne erím-bakye nyí osówo-onyinyi mú badakó Ashéra byi*fí to*.

Azáya 30:16

Nké bamu ba-kabe ng ba/fu, â ben ba/yú ké bubyî-orá enen ḿbú budakwáng ochéé ben ba/chi ba-fem ké abwô nyí banet-bushwôn enen. Okabe enen mu kanong. Dyichêe nké ben ba/chi ba-chêe. Ben bamu ba-kabe ng ba/fu, bubyî-orá enen mbu bu-kwáng ng, nké banet ḿbé mbe ba-nwa ng ne ben ba-bâ ba/chi ba-kwáng ba-shwôm běn.

Azáya 30:2

Mbe ba-dim m ba-kâm m Éjip ba/fu, bachwáp kámbé, bacê ḿbé emen ba*da/bí*. Mbe ba-ryuu ng ba/fu, Éjip eku kámbé, ne ké bubwô ámbu, baa/yip dyityém ebe ba-fé ne otu mú Éjip.

Azáya 31:1

Banet ḿbé mbe ba-câ ba-kâm Éjip ba/fu, echwáp kámbé, mbe ké busông. Mbé mbe ba-jêem m esim ké busa-byití ḿbú Éjip, ké bubyî-orá ebe ne bamútu-byití ebe ne basúja ebe. Nké ba*da/jêem esim ne Osówo Óburúkpâbí mú onong mú Ézerel* ba-bí ǎ nang obî ba/fu, ochwáp kámbé*.

Azáya 31:3

Banet ḿbé Éjip baa*chi esówo* ba-chi i banet. Bubyî-orá ebe bu*fí ne busa ḿbú bu/shwôm enyam*. Ké nkéré Óburúkpâbí oo/fé abwô, oshê mú mu ne busa o/chi o-róng, ne oshê mú mu kyeekyee mú oshê-busa ámu mu o-chwáp ng kámú o/chi o-róng to. Ba/chi ba-bên eshê ányi efee.

Azáya 36:8

Me n/chi n-ryí ocím ne ben ké dyishí ńdyí otu mú Asyírya. Me n/chi n-kye běn égot-bubyî-orá diǐkpú â ben ba/chi ba-já bujê-banyinchéng ḿbé ba/jê éné ḿbé badayú kámbú.

Jeryimáya 49:11

Mîng n̂g mě ne bwǎn-byibén enen ne n/chi n-tî kámbé kanong. Banyǐnkú enen ba-man n ekyú ne me.

Ezékyel 36:25

Me n/chi m-myî běn omu mú cángénéné ké byiko n-chi běn ba-cé ké erím-bakye enen ne ké kángkáng byěm byikíri ḿbyí bii/bên běn byiko.

Ezékyel 37:23

Mbé baa*kúng to biinunut-erím-bakye ba-bên byiko ebe* ba-bên nang byiko ké byibî*. Me n/chi n-chi kámbé ba-fem ké kángkáng akwóp nyí mbé mbe ba-chi i byibî ba-né ng mě. Me n/chi n-chi kámbé ba-firi kpárám, ne mbé ba/chi ba-firi banet ejí, ne me n/chi n-firi Osówo ebe.

Hozáya 12:1

Kángkáng byěm ḿbyí banet ḿbé Ézerel mbe ba-chi i, kyi-fím ké dyicófóróng tete buchú bu-jí, byi*da/byí ké chwǒm* ne byi-cen n ne bukyû. Banet enîm ne byěm-anwa enwa mbyi byi-kán n byi-câ kashú ké burwám ebe. Mbé mbe ba-chi i kyikwáré ńkyí badachi byěm ne banet ḿbé Asyírya, ba-cen n kasî ne banet ḿbé Éjip.

Hozáya 13:2

Mbé ba/tôong ba-chi i byibî ba-câ kashú, ké ochi mú mbe ba-chi i erím-bakye-biǐré ba-kyâ kányí ofê, erím-bakye-syílyíba nyí ba/kúng bubong ne abwô nyí banet ne ba-chi. [Ne ba-raa kâng ba/fu, chi n̂g byifen ba-kye kányí. Banet ba-cen n nǎ ne ba-fé erím-bakye ányi ocím, nyí ba/chi wǎ bampong.]

Hozáya 14:8

Banet ḿbé Ézerel] baa*chi to chwǒm ne erím-bakye*. Me n/chi n-jwo banshwam ebe, n-tún kámbé kanong. Me n/chi n-ku kámbé wǎ kyichí ńkyí kii*roo eshǎan*. Kángkáng banjware ebe mbe ba-fím m ne me.

Hozáya 2:17

Mm*ba/chi n-chî ǎ ebángê o-kó dyizîn ńdyí Bâl*.

Hozáya 4:12

Mbé mbe ba-kúng ng kyikim-kyichí ba-sô ng epé. Kyikim-kyichí ńkyí nsô epé nké nkyi kyi-sét ng kámbé ńkyí mbé mbe ba-ryuu ng ba/fu, mbé ba-nyît ng. Mbé baa/mîng mě. Baa/yip byiko ebe ba-kye esówo ekíri wǎ onyi mú o/bírî o-kpet eryí akpara.

Hozáya 5:13

Ké nkéré banet ḿbé Ézerel ba/ri eringe nyí mbé ba/mû ba-rwôm m, ne ké nkéré banet ḿbé Júda ba/ri byinêm ebe, nkéré ámu nké banet ḿbé Ézerel ba/dim ba-kâm Asyírya ba-da-bí kiǐtí-otu-oshê ámu ba/fu, ochwáp kámbé. Nké otu ámu o*da/man echi kámbé ba-nyange* o-ju byinêm ebe*.

Hozáya 7:11

Ézerel nyi e-yêe ng wǎ kanurung ńké ka*fí ne dyishí*. Ké mbwôp kashú, banet emen mbe ba-kó ng Éjip ba/fu, echwáp kámbé, ké nnyinyěng, ba-zóngê ba-kâm Asyírya.

Hozáya 8:6

Nsîm byěm mú Ézerel nké o/sím orím-bukye, nké orím-bukye ámu oo*chi Osówo*. Ba/chi ba-sé mpong rugirugi mú ba/mee ké gûl, mú banet ḿbé Samérya mbe ba-kyâ kámú ofê.

Hozáya 8:9

Banet ḿbé Ézerel mbe ba-shwane e ashí wǎ boonyam-atû-dyikán, ba-cen n ba-câ biǐfáng ḿbyí ebe. Mbé baa/dim ba-ca ba-da-bí Asyírya ba/fu, achwáp kámbé, ne baa/kye eshê ekíri akpuga ba/fu, echwáp e-ku kámbé.

Jóna 2:10

Ne Óburúkpâbí o-nyán kakworê ánke kâng o/fu, kafám Jóna ka-twóp ké nkwon, ne ka-chi éné.

Zákaryâ 13:2

Ké nkéré ámu, me n/chi n-fîm azîn nyí erím-bakye a-byí ké esí ebe, ne onet o*fí mú o/chi o-chîzîim kányí*. Me n/chi m-man ne nang yeě mú mu o-bwom m o/fu, nyǐ o-chi i mkpábé mú odasét byiraa ejí, ne n/chi n-fîm okabe mú banet badatî ba/fu, mbé ba-sháng ng bakye.

JǑN BǍMPÉM ḾBÉ BANONG KYI-KIM NE JISOS KARÂS ERINGE NYÍ JǑN O/SÁNG 14:18

Mm*ba/chi m-mîng běn kǎnchí* n/chi m-bwa esim n-kâm běn.

Dyitórónómyi 17:16

Otu ámu o*dachi o-kyú ne bubyî-orá chwóó ḿbú basúja emen* ne o*dachi o-twóm banet ba-ca ké Éjip [ba-da-ré bubyî-orá*] ké nǎ, Óburúkpâbí oo/sét o/fu, banet enen baa*man to ba-chîbwa esim ké Éjip*.