Biblia Todo Logo
Bìoball air-loidhne

- Sanasan -




Hozáya 13:9 - Bokyi Bible

9 Me n/chi n-ju běn, ǎ banet ḿbé Ézerel. [Yeě o/chi o-chwáp běn kâng.

Faic an caibideil Dèan lethbhreac




Hozáya 13:9
25 Iomraidhean Croise  

Nyǐ o/chi byifen o-kye esówo nyí banet-Syírya ḿbé ba/kpógê ǎ. Nyǐ o-raa o/fu, esówo nyí banet-Syírya e/chwáp batu ḿbé Syírya. Ké bubwô ámbu, â n/chi byifen n-kye kányí, nyǐ e-chwáp ng mě to. Ńkyín kyi/bê Otu Éhaz ne oshê emen ne busông.


Bunyîn-dyityém mbu ne onet mú mu ne Osówo-Jekôp mú oda ǎ echwáp. Mbu to ne onet mú mu o-jêem m esim ké Osówo Óburúkpâbí emen,


Be byimu byi-tî ng achi ké Óburúkpâbí. Nyǐ nké mu bě Onet-Onyii ne Onet-Ochwâp.


Osówo nké mu kyikit-dyirem eten ne busa eten. Nyǐ kángkáng nkéré o/kpá byiko ḿbyí oda bě echwáp ké nkéré-afaníkong.


Nké onet mú mu o-chi i kyinam o*fí ne bubong*. Nyǐ mu o-bên n byiko emen.


Onet mú o*fí o-kyé ng o-ri mě* mu o-bên n byiko emen. Onet mú me mu n-sa ng ǎ kafâ, bukyû mbu bu-nyîn n ǎ.


Nké byibî-banet byi-kyú u ké busông. Ńkyí mbé ba/chi banet, kyi/chi kyi-chi kámbé to.


Ecábé ebe nyí mbe ba-cábê ng banet e/chi e-bwom ntûesé e-bât kámbé. Mbé ba-chi i byibî wááng wǎ eringe nyí banet ḿbé Sódom ba/chi. Ba/firi ké busông, ne mbé bayén nké ba/kó busông ámbu. [


Oshê mú Ézerel, wo oyén nké a/koo ńkyín a-pwó ké byiko. Wo a/mîng mě mú mu Osówo Óburúkpâbí eyên ké nkéré mu n-tông ng ǒ kiǐfáng.


Byibî eyên byi/chi byi-kye ǒ busông, ne esim nyí a/bírî mě e/chi e-két mpan o-bên ǒ. Wo a/chi a-nyît eringe nyí kyi/bên kanong kanong ńkyí a/mîng mě mú mu Osówo Óburúkpâbí eyên, a/fu, wo aa*fé to dyityém eyên ne me*. Me Óburúkpâbí mú o/rêe o-shwôm nké n/raa.


Júda, dyikpen enen ńdyí bamu ba-kyú u ne byěm enen ḿbyí bamu ba-chi i nké bii/bê běn ne ńkyín ké byiko. Byibî enen nké bii/bê ne busông ḿbún, ḿbú boo/ta běn ké dyityém.


Nké byibî enen bii/chi běn baa*ri to byěm ḿbyín ḿbyí byinong*.


Óburúkpâbí o/raa o/fu, me n-chi i Osówo Óburúkpâbí enen mú o/tông běn kiǐfáng ba-byí ké Éjip. Ben ba*fí ne Osówo okíri* kyi-cibi ne me*. Me kǎnchí nké mu Onet-Onyii enen.


Hozáya o/fu, banet ḿbé Ézerel, bwa n̂g esim ba-kâm Osówo Óburúkpâbí enen. Kyibî enen kii/chi běn ba-kpán dyícíring ba-myii.


Mbé ba*da/fé ne nshwam ne dyityém ebe ba-kye mě* nké mbe ba-myii ng kyísí ba-tii ng wǎ eringe nyí banshâng bakye mbe ba-chi i. Â ba-kú ba-fâ nshwam ba/fu, mbé bajá byiryíng ne bato, ba-kpet ng byiko ebe byibáp wǎ banshâng bakye. Mbé mbe ba-bírî ng bunwa ne me kanong kanong.


Nang ké me mu nyǐ mú o/nen kámbé ba-kán, n-chi kámbé ba-shwane, mbé mbe ba-nam m mě.


Nké ben ba*fí ba-fâ mě* â ba-kú ba-raa ng ba/fu, kyikit-kyifen ejí echi kyi*da/byí chwǒm* ne â ba-kú ba-yip ng byiryíng ḿbyí ben bayén baa*ryí* ba-tî ké nkyí.


Ben bamu ba-raa ng ba/fu, be bii/kyee ne kángkáng byěm ḿbyín, ba-chi i byěm ḿbyí byida mě ekye edángé. Bamu ba-yip ng enyam nyí ba/jii ojǐng ne nyí ee/byíryî bakwón ne nyí nyi e-rwôm m ba-bâ ng echi kyifen ba-kyâ mě. Ben ba/kabe ba/fu, me n-koo ng kyifen ánkyi ké abwô enen?


Kántîk, ben banchi kyifen-Osówo, kan n̂ kâng ba/fu, ba-bí ng Osówo o-kye bě chwǒm ńkyí kyinong. Oo*ba/chi o-jwo nshwam enen* ne kyi/chi kyi-kyú ébîn enen.


Banet ḿbé Ézerel, Osówo okíri o*fí to* wǎ Osówo enen* mú mu o-yú u ké busa emen o-nyáng ng bubóng* o-yú u ké éfíbí o-bâ ng běn ebachwáp*.


Ézerel, ben bamu ké bunyîn-dyityém kanong kanong. Oshê o*fí mú mu wǎ ben*. Oshê mú Óburúkpâbí oo/nyii kámú. Óburúkpâbí oyén nké mu běn édem ne kashwám, mú odanwa bunwa o-kye běn, o-chi běn ba-kpógê. Banet-bushwôn enen ba/chi ba-ba-tîm arông ba/fu, ben bari kámbé bafip, ne ben ba/chi ba-cím kámbé ba-fé kyísí.


Lean sinn:

Sanasan


Sanasan