Hozáya 13:6 - Bokyi Bible

⁶ Nké ké nkéré mú ben ba/nung ké esí nyí enong, ba/ryí ba-zût, ba-kpet etông byiko, ba-ráp mě.

Hozáya 13:6 Iomraidhean Croise

Nehemyâ 9:35

Batu ḿbé wo a/cá ba/tún banet eyên ké nkéré mbé ba/mû ba-kyú u ké esí nyí e/rêe nyí edanwa byiryíng nyí wo a/kye kámbé. Nké mbé ba*da/né byibî echi* ba-kye ǒ ofê*.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 10:4

Mbên dyityém oo*kérê kyi-kim ne Óburúkpâbí*. Nyǐ mu o-kabe ng ké byiko emen etông o/fu, Osówo o*da/byí chwǒm*.

Póróvep 30:9

Kakíri â mu ne mbyí chwóó n-né ng ǒ. Nké â mu kyikpu, kakíri n-da ng ejii kajii, n-fé Osówo ejí éshwân.

Azáya 17:10

Ézerel, ben baa/ráp Osówo mú mu o-nyii ng běn ne mú mu o-ku ng běn wǎ kiǐtí-buká. Nké ben bamu ba-kpang ng byifát-ociring eringe ben badafé osówo mú bacinbánet.

Jeryimáya 5:7

Óburúkpâbí o/bí o/fu, ebóng ńkyí ndapwoo byibî ḿbyí banet ejí. Mbé baa/mîng mě, ne baa/fé esówo nyí e*fí ké kafâ*. Me n/kye banet ejí byiryíng tete ba-zût, nké mbé ba/chi byinam, ba-bên bankéré ebe ne banet-akpara.

Ezékyel 23:35

Kántîk, ńkyín nké Óburúkpâbí mú mu Otu Kyítá mu o-raa ng, o/fu, ké nǎ, wo a/ráp mě a-bírî mě esim, wo a/chi a-ri afaníkong ké babép eyên ne akpara eyên.

Ezékyel 28:5

Wo a/cen kasî-byinyídíng a-ryí mpún kanong kanong. Wo amu a-tông ng byiko-esang eyên.

Hozáya 10:1

Banet ḿbé Ézerel ba/mû wǎ dyisín-kyichí ńdyí dyi/mû ne byirim chwóó. Eringe nyí mbé ba/mû ba-já ng byěm chwóó, éné to nké ba/mû ba-bi ng to biinchéng-bakye chwóó. Eringe nyí esí ebe e/mû e-bát ng byiryíng, éné to nké ba/mû ba-chi i aká-bakye esháng nyí mbe ba-kyâ kányí ofê a-nwa a-shwôm.

Hozáya 12:8

Mbé ba-raa ng ba/fu, be bii/fang kanong kanong. Onet o*fí mú oda bě esét o/fu, be byi/já akpuga ké bukwóp ḿbú boo*nwa*.

Hozáya 2:13

Me n/chi n-kye ǎ busông ké bankéré ḿbé o/ráp mě ké nkéré mu o-shí i burwan o-kyâ Bâl, o-fâ byibwáng emen o-kyé ng bákyî emen o-câ. Óburúkpâbí nké o/raa.

Hozáya 2:7

Nyǐ o/chi o-zóngê o/fu, nyǐ o-kâm m bákyî emen, nké oo*ba/chi o-kâm kámbé*. O/chi o-kyé kámbé, nké oo*ba/chi o-ri kámbé*. Ne o/chi o-raa kâng o/fu, n-kú m-bwa ng esim n-kâm otyép ejí mú mbwôp kashú. Me m/mû kanong ké nkéré mú m/mû ne nyǐ n-shwôm eringe nyí mu kántîk.

Hozáya 4:6

Banet ejí mbe ké busông, ké nǎ, mbé ba*fí ba-nyît ng mě*. Ben banchi kyifen ejí baa/né mě enyît ne baa/né ńkyí n/tángê běn, ne ké bubwô ámbu, me mu n-né ng běn ne mm*ba/chi n-nyît bwǎn enen wǎ banchi kyifen ejí*.

Hozáya 4:7

Eringe nyí ben banchi kyifen ejí bamu ba-jê ng ba-câ, éné to nké byibî ḿbyí bamu ba-chi i mě mbyi byi-jê ng byi-câ, ne ké bubwô ámbu, n/chi m-bírî ofê enen o-firi éshwân.

Hozáya 5:14

Me n/chi n-kye banet ḿbé Ézerel ne Júda bunwa wǎ ekpang. Me oyén n/chi n-ját kámbé boǒcê boǒcê, m-mîng kámbé. Ké nkéré n-kú n-tut ng kámbé n-dim ne mbé, onet o*fí mú o/chi o-man enyii kámbé*.

Hozáya 7:14

Mbé ba*da/fé ne nshwam ne dyityém ebe ba-kye mě* nké mbe ba-myii ng kyísí ba-tii ng wǎ eringe nyí banshâng bakye mbe ba-chi i. Â ba-kú ba-fâ nshwam ba/fu, mbé bajá byiryíng ne bato, ba-kpet ng byiko ebe byibáp wǎ banshâng bakye. Mbé mbe ba-bírî ng bunwa ne me kanong kanong.

Hozáya 8:14

Banet ḿbé Ézerel baa/bi byibám-batu, nké mbé baa/né onet mú o/chi kámbé. Banet ḿbé Júda baa/bi eshê nyí ba/tî byikit-mbâm. Nké me n/chi n-twóm okwâ mú o/chi o-shí byibám-batu ebe ne eshê ebe.

Hozáya 8:4

Banet ejí ba/kúng batu, nké ba/chi kánkyí ké kakim ebe. Ba/fîm banet-ashí ba*da mě ebí*. Ba/kúng syílyíba ne gûl ebe ba-chi erím-bakye nyí e/chi e-ju kámbé mbé bayén.

Dyitórónómyi 32:18

Mbé ba/ráp Osówo ebe mú mu Kiǐtí-Onet-Onyii ebe, mú o/kye kámbé dyikpen.