Hozáya 13:3 - Bokyi Bible

³ Ké bubwô ámbu, banet ḿbén ba/chi ba-rím wǎ kyibû-dyicófóróng, ńkyí dyicófóróng dyi-câ dyi-bâ kyi-rím. Mbé ba/chi ba-kyú wǎ boǒpwǎt-esang-byichí ḿbú bufú budakúng kámbú ké kyikit ńkyí badacage esang-byichí, wǎ arúkwâ nyí adabyí ké okwâ.

Hozáya 13:3 Iomraidhean Croise

JÔP MBWÔP KASHÚ-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 21:18

o-tuu nang kámbé o-pwó wǎ biǐbyâa ḿbyí byidapwó ké bufú? nang wǎ édúkǎndú nyí bufú ḿbú buryên budatuu bu-pwó kú?

JÔP MBWÔP KASHÚ-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 30:15

Bushî boo/sú mě ké byiko, ne ofê ejí oo/man wǎ bufú, ne byěm ejí ḿbyí m/mû ne mbyí bii/rím wǎ ófíbí.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 1:4

Nké byibî-banet ba*fí wǎ dyizong-onet ńdyín nang onyin*. Mbé mbe wǎ boǒmpwǎt-esang-byichí ḿbú bufú mbu bu-tuu ng bu-pwó ng kú.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 68:2

Nyǐ mu o-ró ng kámbé ba-byí i wǎ eringe nyí bufú budatugi arúkwâ. Bambên atyém ba-rím m ké bushú-Osówo wǎ eringe nyí burwan budanyange ké okwâ.

Azáya 17:13

Eshê ányi nyi e-bâ wǎ bunâng-baya, nké Osówo mu o-nyán n kányí e-bwa ng esim ochéé óchee wǎ édúkǎndú nyí nyi ké bukô-kaku, ne wǎ biǐbyâa ḿbyí afú nyi a-kúng ng kámbyí.

Dányel 2:35

Ké abe ányi, biǐré ne bumee ne borôn ne syílyíba ne gûl byi-sêe byi-firi wǎ édúkǎndú nyí nyi ké kyikit ńkyí mbe ba-cím m esang-byichí ne burwom. Afú a/yip kámbyí kángkáng nang onyin o*da/waa*. Nké buká ámbu bu/kán bu-firi kaku ńké ka/cít ejíí emúmú.

Hozáya 6:4

Nké Óburúkpâbí o/raa o/fu, me n-chi i běn ebóng, ǎ banet ḿbé Ézerel ne Júda. Kyijé ńkyí ben bamu ne nkyí ne me nkyi kyi-rím m ochéé óchee wǎ ófíbí mú odatát ké dyicófóróng. Nkyi to wǎ kyibû ńkyí kyidarím ké dyicófóróng pirípirí.

Zefanyâ 2:2

[ne ba-kûshí ba-kpú wǎ ekong-kyichí,] ne kafâ esa ńké Óburúkpâbí ńké nke ka-mang ng wǎ okwâ ka-shû ka-kâm běn, ne dyicí ńdyí o/chi o-tông busa-dyityém emen dyi-fyi.

Zákaryâ 8:12

Mbé ba/chi ba-kûkwón byíkwôn ebe ké bunyîn-dyityém. Byichí ebe byi/chi byi-zím byirim, ne esí ebe e-bát ng byiryíng, ne omu o/chi o-na o-kwárê. Me n/chi n-kye banet ḿbé oshê ejí, ḿbé ba/waa bakpó, kángkáng banjware ḿbén.