Hozáya 13:2 - Bokyi Bible

² Mbé ba/tôong ba-chi i byibî ba-câ kashú, ké ochi mú mbe ba-chi i erím-bakye-biǐré ba-kyâ kányí ofê, erím-bakye-syílyíba nyí ba/kúng bubong ne abwô nyí banet ne ba-chi. [Ne ba-raa kâng ba/fu, chi n̂g byifen ba-kye kányí. Banet ba-cen n nǎ ne ba-fé erím-bakye ányi ocím, nyí ba/chi wǎ bampong.]

Hozáya 13:2 Iomraidhean Croise

1 Kyîng 19:18

Nké me n/chi m-mîng égot-banet bujam esim onyiryiká bakpó ké Ézerel, kángkáng banet ḿbé mbe ba-kyâ mě ofê, ḿbé ba*da/tíngê kyísí ké bushú ḿbú Bâl* ba-fé orím-bukye emen nang ocím*.

2 Korónyíkil 28:13

Mbé ba-raa ba/fu, *da n̂g echi ba-bâ ne bamgbokobá ḿbén nyín*. Be bii/chi byibî ké bushú ḿbú Óburúkpâbí, ne bii/chi kafâ ka-sa ǎ ka-kwárê ńké nyǐ oda bě ekye busông. Kántîk, bamu ba-ryuu ng ba/fu, ben ba-chi i chwǒm ńkyí kyidachîchi kyibî eten kyi-jê kyi-shwôm.

2 Korónyíkil 33:23

Nké nyǐ o*da/shû byiko emen kyísí* o-bírî o-kâm Óburúkpâbí* wǎ eringe nyí bonchí emen o/shû*. Nyǐ o/chi byibî o-shwôm nang ḿbyí bonchí emen o/chi.

Azáya 1:5

Ebóng bamu ba-câ kashú ne bunwa. Ben bamu ba-ryuu ng ba/fu, bakye běn busông bu-ca kashú dí. Byiko enen kángkáng ne atyém enen byi-kú byi-rwôm m.

Azáya 30:1

Óburúkpâbí o/raa o/fu, banet ḿbé mbe batu ké Júda ba/firi ké busông, ké ebóng, ba/bwom bunwa ne nyǐ. Mbé mbe ba-chi i byěm ḿbyí nyǐ o*da/kabe* ne mbe ba-ryí i ocím ne banet mú dyityém emen dyi*da/bángê* ba-chi i byibî byi-jê ng byi-câ kashú.

Azáya 44:11

Nang yeě nké o/fé kámú ba/chi ba-bwa ne nyǐ kyísí. Banet ḿbé mbe ba-sím m erím-bakye ba*fí chwǒm kyikíri kyi-cibi ne banet*. Banet ámbe babâ ba-ba-fé kámbé ké esuk. Ba/chi ba-shî, ba-wuri kámbé éshwân.

Azáya 45:20

Óburúkpâbí o/raa o/fu, ben kángkáng banet ḿbé ké eshê, ḿbé ba/fem ké nkéré mú kiǐtí-oshê ánkyi kyi/róng, bâ n̂g kyikit kyibónge. Bâ n̂g ba-bwom ké mpan. Banet ḿbé mbe ba-sháng ng bakye ḿbé baa*man echwáp kámbé* ba-fâ nshwam ba-kyâ kámbé, ba*fí ba-nyît ng chwǒm nang kaǎnyín*.

Azáya 46:6

Banet mbe ba-bâa ng biimbam ebe ba-fîm m akpuga, ba-pan n. Mbe ba-yámê e nree bure ba/fu, ochi kámbé orím-bukye, ba-kûtíngê kyísí ba-fâ kámú.

Azáya 46:8

Ben banchi byibî, zîim m̂ ńkyín. Kabe n̂g kyi-kim ne ńkyí me nn/chi.

Jeryimáya 10:4

ba-yip syílyíba ne gûl ba-mwane ké nkyí. Ba-yip émúrúsún ba-mán ké nkyí eringe nyí kii*myii*.

Jeryimáya 10:8

Mbé kángkáng mbe enyam, ba*fí ne bubong*. [Ba-kwâa ng ebóng ne erím-bakye nyí ba/sím ké byichí.]

Jeryimáya 8:5

Ebóng kâng ńkyí banet ejí baa/bírî mě esim, ba*fí to ba-bwa ng ba-kâm mě*. Baa/waa ké bakye esháng, ba-né esim ebwa ba-kâm mě.

Hozáya 10:1

Banet ḿbé Ézerel ba/mû wǎ dyisín-kyichí ńdyí dyi/mû ne byirim chwóó. Eringe nyí mbé ba/mû ba-já ng byěm chwóó, éné to nké ba/mû ba-bi ng to biinchéng-bakye chwóó. Eringe nyí esí ebe e/mû e-bát ng byiryíng, éné to nké ba/mû ba-chi i aká-bakye esháng nyí mbe ba-kyâ kányí ofê a-nwa a-shwôm.

Hozáya 10:5

Banet ḿbé mbe ba-kyú u ké oshê mú Samérya ba/chi ba-kûshî, ne ba/chi ba-ta dyikán ńdyí orím-bukye-[otyép-mpong] mú ba/chi ké gûl, mú baa*ba/chi ba-chîri*. Mbé ne banchi kyifen ebe ḿbé mbe ba-fâ orím-bukye ámu ba/chi ba-tii kámú. Mbé ba/chi ba-tii ké nkéré mú bunong emen boo*ba/chi bu-chîkyú kámú ké byiko*.

Hozáya 11:2

Nké â [mu n-kó ng] ǎ n-nye ng n-fâ, ányi nké oda [mě] ebírî obíríng esim. Banet ejí baa/chi byifen ba-kye orím-bukye-Bâl, ba-shí burwan ba-kye erím-bakye.

Hozáya 11:6

Byití byi/chi byi-róng ké eshê ebe, byi-bên afyi-oshê ebe. Byi/chi byi-ju banet ejí, ké nǎ, mbé ba/chi ńkyí mbé ba/kabe ba/fu, kyi/nwa kyi-shwôm. [

Hozáya 14:3

Asyírya aa*man bě enyii* ne bubyî-orá-byití boo*man bě eku*. Ne banyá, bii*man to echîsét byi/fu, erím-bakye eten e-chi i Osówo eten*. Ô Óburúkpâbí, wo a-ri ng bafip ne banet ḿbé ba*fí ne onet okíri mú badabírî ba-kâm ǎ*.

Hozáya 2:8

Nyǐ o/mû o*da/bángê o/fu, me nké mu n-kyâ ǎ byiryíng* ne bato* ne bakút* ne kángkáng basyílyíba ne bagûl ḿbé mu o-yip ng o-chi i erím-bakye nyí Bâl*.

Hozáya 4:17

Banet ḿbé Ézerel ba/firi ké busa ḿbú barím-bakye. Mîng kámbé ba-ca kiǐfáng ńkyí ebe.

Hozáya 8:4

Banet ejí ba/kúng batu, nké ba/chi kánkyí ké kakim ebe. Ba/fîm banet-ashí ba*da mě ebí*. Ba/kúng syílyíba ne gûl ebe ba-chi erím-bakye nyí e/chi e-ju kámbé mbé bayén.

Hozáya 8:5

Otyép-mpong mú ba/mee ké gûl, mú banet ḿbé oshê mú Samérya mbe ba-kyâ kámú ofê, mu o-sa ng mě kafâ. Kafâ nke ka-sa ng mě ne mbé. Ka-rí i nǎ ne mbé ba-mîng bakye ebe esháng.

Hozáya 8:6

Nsîm byěm mú Ézerel nké o/sím orím-bukye, nké orím-bukye ámu oo*chi Osówo*. Ba/chi ba-sé mpong rugirugi mú ba/mee ké gûl, mú banet ḿbé Samérya mbe ba-kyâ kámú ofê.

Nómba 32:14

Ne kántîk, ben baa/kúng kyikit ńkyí banchí enen, ben bwǎn-bafî ḿbé banchi byibî, ḿbé baa/kpá byiko ḿbyí badachi kafâ esa ńké Óburúkpâbí ka-chîróng banet-Ézerel ké byiko.

Rúman 11:4

Ebóng ejá nyí Osówo o/faa Elája. Osówo o/faa ǎ o/fu, me nn/cá égot-banet bujam esim onyiryiká n-tî byiko ejí ḿbé ba*da/fé osówo mú o*fí ké kafâ* mú badakó Bâl*.

Rúman 2:5

Ké bubwô ḿbú ben bamu ba-jang ng eshwane ashí kâng, ben bamu ba-chi i busông ḿbú enen bu-bwa bu-jê bu-shwôm ké Dyicí ńdyí Osówo o/chi o-tông busa-dyityém emen, o-pan banet mpan ké bukwóp ḿbú bu/kwárê.

2 Tyímótyi 3:13

Nké banchi byibî ne banryî banet bampún ba-câ kashú ké byibî ebe, ba-ribi ké ḿbyí byi/bên byi-shwôm, ba-nîm m banet ne byiko ebe.

1 Sámwel 10:1

Sámwel o-yip kâng kaatyu-bakút-ólif o-pwó Sôl ké dyishí, o-rwâm ǎ. O-raa o/fu, Óburúkpâbí [oo/kúng ǒ butu ḿbú adakûtún banet emen ḿbé Ézerel. Wo a/chi a-kûtún banet emen a-bám m to kámbé ké kángkáng banet-bushwôn ebe. Ne ńkyín nké nkyi kyi-tông ng ǒ kyi/fu, Óburúkpâbí oo/cá ǒ] o/fu, wo akyú otu mú banet emen.