Hozáya 13:1 - Bokyi Bible

¹ Ké nkéré mú o/shwôm ké esim, â kyikû-banet ńkyí Éferem ba/raa kyiraa, bushî bu-róng ng byikû-banet-Ézerel ḿbyí áku. Mbé ba/kúng kyikû ńkyí Éferem wǎ kiǐtí-kyikû. Nké banet-Éferem ba/chi kyibî ńkyí ba/kye orím-bukye-Bâl ofê, ne ké bubwô ámbu, ba/chi ba-kpú.

Hozáya 13:1 Iomraidhean Croise

Jénésis 2:17

nké kyirim-kyichí ńkyí kyidachi [onet o-nyît kyibî ne kyinong] *dachi a-ryí*. Dyicí ńdyí a/chi a-ryí kánkyí a/chi a-kpú.

1 Kyîng 12:25

Otu Jérobâm mú otu-Ézerel o/bi ekpe nyí shwanshwan o-wáp oshê-Shékem, mú mu ké esí nyí eku éku, nyí Éferem, o-fé ké kafâ, o-kyú ányi ké kyikim-nkéré. O-dim kâng o-da-bi ekpe nyí shwanshwan o-wáp oshê-Pénwel o-fé ké kafâ.

JÔP MBWÔP KASHÚ-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 29:21

Ké nkéré mú n/kye bacê, banet ba-cíbî ng pyêp ba-jwo ńkyí mu n-sét ng kámbé.

JÔP MBWÔP KASHÚ-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 29:22

Ba*fí ne ojá mú badachîsét* ké nkéré mm/man*. Byiraa ejí byi-nung ng kámbé ké kafâ wǎ abán-omu.

Póróvep 18:12

Onet o*fí mú bada ǎ ekye ofê* â onet ámu o*da/shû byiko emen kyísí*. Banet ḿbé mbe ba-tông ng byiko mbe ké bukwóp-bukyû.

Azáya 66:2

Me oyén nké n/chi ejíí emúmú. Nkyi kyi-nyîn n mě ne banet ḿbé mbe ba-kúng ng byiko ebe kyísí kyísí ne ḿbé byiko mbyi byi-kpú u kámbé ké byibî ebe, ḿbé mbe ba-shî ng mě, ba-chi i ńkyí me n/sét.

Azáya 7:8

Ké nǎ, Syírya o*fí o-shwane e o-shwôm Damásákus mú mu dyityém-oshê emen* ne Damásákus to o*fí o-shwane e o-shwôm Otu Rézen*. Kyi-kim ne Ézerel, ké bajam-aje bachât esim atánge, ba/chi ba-bên kányí ba-shwôm mú ee*man to ekyú wǎ oshê*.

Hozáya 11:2

Nké â [mu n-kó ng] ǎ n-nye ng n-fâ, ányi nké oda [mě] ebírî obíríng esim. Banet ejí baa/chi byifen ba-kye orím-bukye-Bâl, ba-shí burwan ba-kye erím-bakye.

Hozáya 2:10

N/chi n-két ǎ osíndyíbang ké bushú-bákyî emen ne onet o*fí mú o/chi o-man ǎ enyii ké abwô ejí*.

Hozáya 2:8

Nyǐ o/mû o*da/bángê o/fu, me nké mu n-kyâ ǎ byiryíng* ne bato* ne bakút* ne kángkáng basyílyíba ne bagûl ḿbé mu o-yip ng o-chi i erím-bakye nyí Bâl*.

Hozáya 8:4

Banet ejí ba/kúng batu, nké ba/chi kánkyí ké kakim ebe. Ba/fîm banet-ashí ba*da mě ebí*. Ba/kúng syílyíba ne gûl ebe ba-chi erím-bakye nyí e/chi e-ju kámbé mbé bayén.

Nómba 10:22

Ké nnyinyěng, byikim-banet ḿbyí byidacen ne ekap nyí banet ḿbé Éferem ké kyikû nké byi/dim ké bunye ké bunye, ne Elyíshama mú wǎn-Amyíhut wǎ onet-dyishí.

Nómba 13:16

Ḿbén nké ba/mû banet-boǒfêp-esí ḿbé Músis o/twóm o/fu, bada-kyé kyikû kyi-kim ne esí nyí Kínan. Músis o-yángê dyizîn ńdyí Hoshâ mú wǎn-Nûn, dyi-firi Jóshwa.

LÛK BǍMPÉM ḾBÉ BANONG KYI-KIM NE JISOS KARÂS ERINGE NYÍ LÛK O/SÁNG 14:11

Ké ebóng, nang yeě nké o/kúng byiko emen kyíbóng kyíbóng, Osówo o/chi o-bwa ne nyǐ kyísí. Nang yeě to nké o/bwa ne byiko emen kyísí kyísí, Osówo o/chi o-bêem ǎ o-jâ kyíbóng.

Rúman 5:12

Kyibî kyi/bê ké ejíí ké bubwô ḿbú onet obónge, ne ké bubwô ḿbú o/chi kyibî, nyǐ o/kpú. Ké bubwô ámbu, bukyû boo/ta kángkáng banet ḿbé ké ejíí, ké ebóng, kángkáng banet baa/róng ké byibî.

2 Koríntyan 5:14

Ké ebóng, kyijé ńkyí Karâs mu ne be nké nkyi kyi-níbî ng bě, kántîk mú byi-kú byi-nyît ng byi/fu, onet obónge o/kpú ké dyishí ńdyí kángkáng banet, ńkyí kyi/tông kyi/fu, kángkáng banet ba/kpú ne nyǐ.

Jóshwa 3:7

Óburúkpâbí o-raa ne Jóshwa o/fu, ńkyí me n/chi n-chi kurún kyi/chi kyi-chi banet-Ézerel ba-kpet ǒ ekye ofê wǎ kiǐtí-onet, ne mbé to ba/chi ba-kûnyît ba/fu, me mu ne wo wǎ eringe m/mû ne Músis.

Jójis 12:1

Banet ḿbé ba/fím ké kyikû-Éferem ba/bakpá byiko-byití. Ba-nyáng kace ńké Jódan ba-dim ba-wâa Záfon, ba-bí Jéfata ba/fu, ebóng a/nyáng buti a-da-nwa ne banet-Ámon a*da bě ekó byi-ca ne wo*. Byi-shí i ǒ cibicibi ne kyise eyên.

Jójis 8:1

Banet-Éferem ba-raa kâng ne Gyídyon ba/fu, ebóng kyi/chi ne a*da bě ekó ńdyí a/dim edanwa ne banet-Médyan*. Ebóng kyi/chi ne a-chi bě dyizong-chwǒm ńdyín. Ba-raa kanong kanong kyi-kim ne nkyí.

1 Sámwel 15:17

Sámwel o-faa o/fu, nang ké wo a*da/kúng byiko eyên wǎ chwǒm* wo a-chi i onet-dyishí mú byikû-banet ḿbyí Ézerel. Óburúkpâbí o/kúng ǒ butu ḿbú banet-Ézerel.