Hozáya 12:2 - Bokyi Bible

² Óburúkpâbí mu ne kyibî-mpan ne banet ḿbé Júda ńkyí o/fu, nyǐ o-két ng kámbé. O/chi o-kye to banet ḿbé Ézerel busông ké édúú ebe nyí mbe ba-chi i. Nyǐ o/chi o-só kámbé ewa ké byěm ḿbyí baa/chi.

Hozáya 12:2 Iomraidhean Croise

2 Kyîng 17:4

Nké dyije dyibónge, Otu Hoshâ o/twóm banet-kyitwóm ba-kâm [Otu Sô mú Éjip,] o/fu, ochwáp ǎ, o-mîng Asyírya ekye akpuga-dyishí nyí mu o-kyâ kángkáng dyije. Ké nkéré mú Otu Shamanéze o/jwo kyi-kim ne nkyí, o-ba-kám Otu Hoshâ o-fé ǎ ké mgbokobá.

JÔP MBWÔP KASHÚ-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 15:2

Jôp, byiraa eyên byi*fí ké kafâ*.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 78:36

Nké byiraa ebe byi/mû byisédéng byísedeng. Chwǒm kyi*fí nang kyibónge ńkyí mbé ba/raa ńkyí kyi/mû ntûntû*.

Ekyilyizátes 5:15

Be byimu byi-mîng ng ejíí ńnyín wǎ eringe nyí byi/bê ké nyǐ, abwô ábwo. Nang ké bǎmkpóngé eten kángkáng ḿbé byimu byi-chi i, chwǒm kyi*fí ńkyí byidakúng byi-dim ne nkyí*.

Azáya 10:12

Nké Óburúkpâbí o/raa o/fu, â m/man ńkyí mu n-chi i ké kaku ńké Záyon ne ké Jerúsélem, n/chi n-kye otu mú Asyírya busông ké kángkáng byiko emen ḿbyí mu o-tông ng.

Azáya 10:6

Me n/twóm běn n/fu, bada-kye oshê mú oo*nyît mě* bunwa, banet ḿbé mbe ba-chi i kafâ ka-sa mě. N/twóm běn n/fu, bada-wuri byěm, ba-jii kajii, ba-cím banet ba-fé kyísí wǎ biǐntóng ḿbyí mbyi ké byiká-oshê.

Azáya 24:21

Nkéré mu o-bâ mú Óburúkpâbí o/chi o-kye byěm ḿbyí mbyi ne busa kyíbóng ne Batu ḿbé ké ejíí busông.

Azáya 3:11

Nké byibî-banet byi-kyú u ké busông. Ńkyí mbé ba/chi banet, kyi/chi kyi-chi kámbé to.

Azáya 30:6

Nyín ńkyí Osówo o/sét kyi-kim ne enyam nyí ké kyikim-dyikán ńkyí nkyi ké kyicê ńkyí busyísen, o/fu, banet ḿbé mbe ba-wâa ng edakyú kyíjí ké dyishí ńdyí Júda mbe ba-cen n ké kyibî-kyikit ńkyí ekpang nyi e-kyú u ne ńkyí efyi ne byibî-enyam mbyi. Baa/yip biǐtí-eyáré ba-tû boonyam-atû ebe ba/fu, mbé ba-da ng ekye oshê mú oo*ba/chi o-man echwáp kámbé*.

Azáya 59:18

O/chi o-kye banet-bushwôn emen busông ḿbú budakwárê ne ńkyí baa/chi, nang ḿbé mbe ba-kyú u ké eshê nyí tíbítíbí.

Jeryimáya 25:31

ne ejá emen e/chi e-ribi ké byikit-ejíí byimúmú. Óburúkpâbí mu ne mpan ne eshê nyí ké ejíí. O/chi o-pan kángkáng banet mpan, o-ju bambên atyém. Óburúkpâbí nké o/raa.

Hozáya 2:13

Me n/chi n-kye ǎ busông ké bankéré ḿbé o/ráp mě ké nkéré mu o-shí i burwan o-kyâ Bâl, o-fâ byibwáng emen o-kyé ng bákyî emen o-câ. Óburúkpâbí nké o/raa.

Hozáya 4:1

Óburúkpâbí mu ne dyibîn ńdyí o/chi o-bîn banet ḿbé mbe ba-kyú u ké esí ńnyín. Fwôo n̂g atông, ǎ Ézerel, ba-jwo ńkyí mu o-sét ng. Mu o-sét ng o/fu, dyityém etî nang kyijé byi*fí ké esí ńnyín* ne banet ba*fí ba-nyît ng mě wǎ Osówo*.

Hozáya 4:9

Busông ḿbú banet-Ézerel ba/chi ba-ri, ben to ba/chi ba-ri kámbú. N/chi n-kye běn busông n-chi běn ba-ré dyifwá-byibî ḿbyí bamu ba-chi i.

Hozáya 7:1

Nang nkéré orá nké mu n-ryuu ng n/fu, n-chi i banet ejí ḿbé Ézerel ba-nyange, ba-chîkpet ejá byěm, kángkáng ńkyí ndari kyi*da/shwôm dyityém ebe ebên* ne byibî-byěm ḿbyí mbe ba-chi i*. Ba-ryí i barî bampún, ba-sé ng byise ba-nung ng ba-wuri ng byěm. Ba-jii ng banet byěm ké byiká-oshê.

Hozáya 7:11

Ézerel nyi e-yêe ng wǎ kanurung ńké ka*fí ne dyishí*. Ké mbwôp kashú, banet emen mbe ba-kó ng Éjip ba/fu, echwáp kámbé, ké nnyinyěng, ba-zóngê ba-kâm Asyírya.

Hozáya 7:2

Kyi*da/nung ne kámbé ké dyishí ba/fu, me n/chi n-zîim kángkáng byibî ḿbyín*. Nké byibî ebe mbyi byi-wáp ng kámbé byi-fâ ké otyém, ne â n/tún kámbé, n-ri ng byibî byíbi.

Hozáya 8:10

Nké kántîk, n-kú m-bâ ekpaa kámbé n-tî kyikit kyibónge, n-kye kámbé busông. Kaa*bwon to ne ba-kpet ebínê kyísí* ké nkéré mú otu Asyírya o-kú o-kyâ kámbé busông*.

Hozáya 8:13

Mbé mbe ba-chi i byifen ba-kyâ mě, ba-kúng ng enyam-byifen ányi ba-ryí i.] Nké me Óburúkpâbí kyi*fí kyi-nyîn n mě ne mbé* ne kántîk, n/chi n-zîim kyibî ebe n-kye kámbé busông ké nkyí. N/chi n-twóm kámbé ba-bwa esim ké Éjip.

Hozáya 8:9

Banet ḿbé Ézerel mbe ba-shwane e ashí wǎ boonyam-atû-dyikán, ba-cen n ba-câ biǐfáng ḿbyí ebe. Mbé baa/dim ba-ca ba-da-bí Asyírya ba/fu, achwáp kámbé, ne baa/kye eshê ekíri akpuga ba/fu, echwáp e-ku kámbé.

Hozáya 9:15

Óburúkpâbí o/raa o/fu, kángkáng byibî-byěm ebe ḿbyí ba/kpet echi, byi/kpet ké Gyígal. Ányi nké ba/kpet mě kafâ esa. Ne ké bubwô ḿbú kyibî ńkyí baa/chi, me n/chi n-ró kámbé ké esí ejí. Baa*ba/chi ba-chî mě ejê*. Kángkáng banet-ashí ebe baa/bírî bunwa ne me.

Hozáya 9:9

Byěm ḿbyí mbe ba-chi i byi/bên kanong kanong, wǎ eringe nyí ba/mû ké Gyíbya. Osówo o/chi o-zîim kyibî ebe, o-kye kámbé busông ké nkyí.

Émos 2:4

Óburúkpâbí o/raa o/fu, banet ḿbé Júda baa/chi kyibî kampén chwóó, ne ké bubwô ḿbún, m-man n-kye kámbé busông. Mbé baa/né byěm ḿbyí n/tángê kámbé, ne ba*da/tî byije ejí*. Esówo ányi ebónge nyí e*fí ké kafâ* nyí banchí ebe ḿbé kpákpá ba/kye kányí ofê nké ee/nîm kámbé ba-róng.

Máka 6:2

Ben, ǎ ecím-eku nyí bamu byikû-ekpe ḿbyí ejíí ḿbyí bii*náng* fwôo n̂g atông ba-jwo mpan mú Óburúkpâbí. Óburúkpâbí mu ne mpan ne banet emen. O/chi o-sét banet ḿbé Ézerel kyibî ńkyí ba/chi.

Mátyuu 16:27

Ké ebóng, Wǎn mú Onet o-kú o-bâ ebê ké busan ḿbú Bonchí emen ḿbú ragerage, ne barím emen ḿbé banong, ne nyǐ o/chi o-só nang yeě nang yeě wǎ eringe nyí onet ámu o/chi bǎmkpóngé emen.

Rúman 2:6

Ké ebóng, Osówo o/chi o-kye nang yeě nang yeě eyáré nyí e/kwárê ké ńkyí nyǐ oo/chi.

Galíshan 6:7

*Da n̂g echi ba-nîm byiko enen*. Onet o*fí mú odaman enîm Osówo*. Ochíchí-chwǒm ńkyí onet odakwón nké onet ámu odafuu.