Hozáya 12:1 - Bokyi Bible

¹ Kángkáng byěm ḿbyí banet ḿbé Ézerel mbe ba-chi i, kyi-fím ké dyicófóróng tete buchú bu-jí, byi*da/byí ké chwǒm* ne byi-cen n ne bukyû. Banet enîm ne byěm-anwa enwa mbyi byi-kán n byi-câ kashú ké burwám ebe. Mbé mbe ba-chi i kyikwáré ńkyí badachi byěm ne banet ḿbé Asyírya, ba-cen n kasî ne banet ḿbé Éjip.

Hozáya 12:1 Iomraidhean Croise

Jénésis 41:6

O-ri to biincicôk-esang-byichí nyí boǒníngéníngê nyí ee/jwóm afú, nyí kyikim-dyikán ké e/zím to ké dyisín-kyichí dyibónge.

2 Kyîng 15:19

Otu Tyígalat-Pyílese mú otu mú Asyírya o/kye Ézerel bunwa, ne Otu Meháhem o-kye ǎ égot-bakyílogaram-syílyíba etánge etánge ké byikit bujam esim diǐkpú ne byinyii eringe nyǐ odabángê ne nyǐ o-fé Otu Menáhem busa ḿbú odawaa otu ké oshê.

2 Korónyíkil 21:11

Nyǐ o/bi to biinchéng-bakye ké esí nyí Júda nyí eku éku, ne o/chi banet ḿbé Júda ne Jerúsélem ba-chi byibî ké bushú ḿbú Óburúkpâbí.

JÔP MBWÔP KASHÚ-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 15:2

Jôp, byiraa eyên byi*fí ké kafâ*.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 78:36

Nké byiraa ebe byi/mû byisédéng byísedeng. Chwǒm kyi*fí nang kyibónge ńkyí mbé ba/raa ńkyí kyi/mû ntûntû*.

Jeryimáya 2:36

Ben baa/bwa ne byiko enen kyísí ké obíri mú ba/bírî ba-kâm esówo nyí eshê ekíri. Éjip e/chi e-fé běn éshwân wǎ eringe nyí Asyírya ba/fé běn.

Jeryimáya 22:22

Bufú bu/chi bu-tugi banet-ashí eyên bu-dim ne mbé. Ba/chi ba-kúng bacín eyên ba-dim ne mbé wǎ bamgbokobá-byití. Ba/chi ba-fé oshê eyên éshwân ké bubwô ḿbú kángkáng byibî ḿbyí wo aa/chi.

Jeryimáya 7:15

N/chi n-ró běn ké bushú ejí wǎ eringe nyí n/ró banchí enen ḿbé kpákpá, banet ḿbé Ézerel. Me Óburúkpâbí nké n/raa.

Lamantéshan 5:6

Eringe nyí badaré byiryíng ḿbyí byidaryí byi-kpen, be byi/dim banet-Éjip ne ḿbé Asyírya arông etîm.

Ezékyel 17:10

Ké ntûntû, ba/kwón kánkyí. Nké nkyí kyi/chi kyi-kpen kyi-kán dí. Nkyí kii*ba/chi kyi-kpú ké nkéré afú nyí kyicê ńkyí óbyísû odabyí a-kú a-tugi ng kánkyí dí. Nkyí kii*ba/chi kyi-kpú ányi ké kyikit ńkyí nkyi kyi-kán n dí*.

Hozáya 11:12

Óburúkpâbí o/raa o/fu, banet ḿbé Ézerel baa/yip byisédéng ne kaǎnínǐm ba-wáp mě ba-fé ké kafâ, ne banet ḿbé Júda ba/tôong ba-bírî ng bunwa ne me mú mu Osówo mú mu kanong ne mú odatî ocím emen mú odaryí.

Hozáya 11:9

Me nn*kye běn busông ké nkéré n-kú n-sa ng dyityém*. Me nn*ju to Ézerel* ké nǎ, me n-chi i Osówo, *chí onet*. Me mú mu kanong mu ne ben. Me mm*bê n-kâm běn ké busa-dyityém*.

Hozáya 4:15

Nang ké ben banet ḿbé Ézerel ba*da/tî dyityém ne me* kyi/bát banet ḿbé Júda ba*dachi ba-chi dyizong-kyibî ánkyi kyibónge*. *Da n̂g echi ba-kûdakye ofê ké Gyígal ne Bétel*. Nang ocím ké byikit ámbyi ké dyizîn ńkyí Óburúkpâbí mú mu okpó, *da n̂g eryí*.

Hozáya 4:19

Ba/chi ba-kúng kámbé wǎ bufú nké bu/kúng kámbé, ne éshwân e/chi e-wuri kámbé ké bakye ebe ḿbé mbe ba-sháng ng.]

Hozáya 5:13

Ké nkéré banet ḿbé Ézerel ba/ri eringe nyí mbé ba/mû ba-rwôm m, ne ké nkéré banet ḿbé Júda ba/ri byinêm ebe, nkéré ámu nké banet ḿbé Ézerel ba/dim ba-kâm Asyírya ba-da-bí kiǐtí-otu-oshê ámu ba/fu, ochwáp kámbé. Nké otu ámu o*da/man echi kámbé ba-nyange* o-ju byinêm ebe*.

Hozáya 7:1

Nang nkéré orá nké mu n-ryuu ng n/fu, n-chi i banet ejí ḿbé Ézerel ba-nyange, ba-chîkpet ejá byěm, kángkáng ńkyí ndari kyi*da/shwôm dyityém ebe ebên* ne byibî-byěm ḿbyí mbe ba-chi i*. Ba-ryí i barî bampún, ba-sé ng byise ba-nung ng ba-wuri ng byěm. Ba-jii ng banet byěm ké byiká-oshê.

Hozáya 7:11

Ézerel nyi e-yêe ng wǎ kanurung ńké ka*fí ne dyishí*. Ké mbwôp kashú, banet emen mbe ba-kó ng Éjip ba/fu, echwáp kámbé, ké nnyinyěng, ba-zóngê ba-kâm Asyírya.

Hozáya 8:7

 mbé ba/kwón byěm ké kyikit ńkyí nkyi kafâ dyikáá wǎ bufú, ba/chi ba-fuu kyibî-chwǒm wǎ afú nyí aryên. Kyifát-esang-byichí ńkyí kii*kán esang* kii*man echi berêt nang obónge*.  nang kyi/bwa kyi-kán esang, bacinbánet nké ba/chi ba-ryí kányí.