Hozáya 11:9 - Bokyi Bible

⁹ Me nn*kye běn busông ké nkéré n-kú n-sa ng dyityém*. Me nn*ju to Ézerel* ké nǎ, me n-chi i Osówo, *chí onet*. Me mú mu kanong mu ne ben. Me mm*bê n-kâm běn ké busa-dyityém*.

Hozáya 11:9 Iomraidhean Croise

2 Sámwel 20:10

Amása o*da/bám byiko emen ké kashwám ńké Jówap o/níbî éné ké bubwô ḿbú áku* Jówap o-kpet ǎ kánké ké dyifít, efong e-byí e-pwôo kyísí. O-waa ányi ké abe o-kpú, ne Jówap o*da ǎ echîkpet kashwám*. Jówap ne wǎn-boné emen Abyísha ba-shwôm kâng mbe ba-ró ng Shéba ba-câ.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 46:5

Osówo mu ké oshê ámu, ne oshê ámu oo*nwa ebên ne banyá*. Osówo o-bâ ng enyii kámú pirípirí ké dyicófóróng.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 78:38

Nké Osówo o/mû o/ri banet emen bafip. Nyǐ o/pwoo kámbé byibî ebe, ne o*da/ju kámbé*. Nyǐ o/kám dyityém emen esa kampén kampén ne o*da/buu kafâ emen kángkáng*.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 85:4

Ô Osówo, Onet-Onyii eten, bwa ne be esim a-mîng kafâ esa ne be.

Azáya 12:6

Nang yeě mú mu ké Záyon, okwán ne ejá kyíbóng kyíbóng ké bunyîn-dyityém o/fu, Osówo mú Ézerel mú mu onong mu kiǐtí, ne mu o-kyú u ké burwám-banet emen.

Azáya 31:1

Banet ḿbé mbe ba-câ ba-kâm Éjip ba/fu, echwáp kámbé, mbe ké busông. Mbé mbe ba-jêem m esim ké busa-byití ḿbú Éjip, ké bubyî-orá ebe ne bamútu-byití ebe ne basúja ebe. Nké ba*da/jêem esim ne Osówo Óburúkpâbí mú onong mú Ézerel* ba-bí ǎ nang obî ba/fu, ochwáp kámbé*.

Azáya 41:14

Óburúkpâbí o/raa o/fu, Ézerel, nang ké ba*da/jê* ne bamu kyeekyee, *da n̂g echi ba-shî*. Me n/chi n-chwáp běn. Me Osówo mú onong mú Ézerel nké mu n-nyii ng běn.

Azáya 41:16

Ba/chi ba-yip kányí ba-twóp kyíbóng, ne bufú bu/chi bu-kúng kányí bu-dim ne nyǐ bu-pwó kányí byiryibyiryi. Ne ben kâng ba/chi ba-kyú ké bunyîn-dyityém, ké nǎ, me n-chi i Osówo enen. Ben ba/chi ba-kpee mě me Osówo mú onong mú Ézerel.

Azáya 48:9

Me mu n-kám m busa-dyityém etông eringe nyí banet ba/chi ba-kpee dyizîn ejí. Me mu n-kám m kámbú eringe nyí boo*ba/chi bu-ju běn*.

Azáya 5:24

Ké bubwô ámbu kâng, wǎ eringe nyí aro ne biǐbyâa mbyi byi-nyîim m byi-shí ké okwâ, éné to nké eriri enen e/chi e-fwoo, ekong enen e/chi e-jwóm, afú a-tugi kányí a-pwó, ké nǎ, ben baa/né ńkyí Óburúkpâbí mú o/rêe o-shwôm, mú mu Osówo mú onong mú Ézerel o/tángê bě.

Jeryimáya 26:3

Katô banet ámbe ba/chi ba-fwôo atông ba-jwo, ba-mîng byibî-akwóp ebe. Â ba/jwo, me n/chi n-yángê kâng okabe ejí kyi-kim ne busông ḿbú m/mû n/kabe n/fu, n-kyâ kámbé ké kángkáng byibî-byěm ebe ḿbyí ba/chi.

Jeryimáya 30:11

Me n/chi m-bâ n-kâm běn m-ba-nyii běn. N/chi m-bên kángkáng eshê nyí mm/pwó běn ké nyǐ byiryibyiryi, nké mm*ba/chi n-ju běn*. Mm*ba/chi m-mîng běn busông ekye* nké ké nkéré nn/kye běn busông, n-kyâ běn ḿbú bu/kwárê ne ben. Me Óburúkpâbí nké n/raa.

Hozáya 12:1

Kángkáng byěm ḿbyí banet ḿbé Ézerel mbe ba-chi i, kyi-fím ké dyicófóróng tete buchú bu-jí, byi*da/byí ké chwǒm* ne byi-cen n ne bukyû. Banet enîm ne byěm-anwa enwa mbyi byi-kán n byi-câ kashú ké burwám ebe. Mbé mbe ba-chi i kyikwáré ńkyí badachi byěm ne banet ḿbé Asyírya, ba-cen n kasî ne banet ḿbé Éjip.

Hozáya 14:4

Óburúkpâbí o/raa o/fu, me n/chi m-kpî banet ejí ba-bwa esim ba-kâm mě. Mbé ba/chi ba-jê mě ne dyityém ejí kángkáng. Me n*fí to n-sa ng kafâ ne mbé*.

Máláka 3:6

Me n-chi i Óburúkpâbí mú o/rêe o-shwôm, ne me nn*yángê*. [Ne ké bubwô ámbu, ben mú kyikû-banet ńkyí Jekôp ba*da/tánê ne kángkáng*.]

Nómba 23:19

Osówo o*fí wǎ banet* ḿbé badasét byisédéng*. Nyǐ o*fí wǎ onet* mú odayángê dyityém emen*. Nang ebóng ńkyí nyǐ o/ryí ocím, mu o-chi i kánkyí. Ńkyí nyǐ odaraa kyi-chi i éné.

Dyitórónómyi 13:17

*Da n̂g echi ba-kúng chwǒm nang kyibónge ńkyí ba/fu, babên wǎ chwǒm-ociring* ba-tî kyi-firi ńkyí enen* ne Óburúkpâbí kâng o/chi o-mîng kyibî-kafâ emen esa o-ri běn bafip. Nyǐ o/chi o-ri běn bafip, o-chi běn ba-jê chwóó wǎ eringe nyí o/ryí banchí enen ḿbé kpákpá ocím,

1 Sámwel 26:8

Abyísha o-raa ne Dívit o/fu, Osówo oo/fé ǒ onet-bushwôn eyên ké abwô ké buchú ḿbún. Mîng mě kâng n-yip kyíbye ńkyí emen nyǐ oyén n-tím ǎ kyi-sát kyi-tím kyísí ké otîm mú nda ǎ etím kabónge nké nke. Mm*ba/chi n-tím ǎ kampén kafee*.