Hozáya 11:8 - Bokyi Bible

⁸ Ézerel, me n-cen n nǎ ne n-zú dyityém ne ben. Me n-cen n nǎ ne m-mîng běn. Me m-man n běn eju wǎ eringe nyí n/ju banet ḿbé Ádima? n-ju běn wǎ eringe nyí n/ju banet ḿbé Zébom*. Me mm*ba/chi m-man echi kánkyí* ké nǎ, bamu ba-jang ng mě ejê ba-shwôm.

Hozáya 11:8 Iomraidhean Croise

Jénésis 14:8

Ne batu kâng ḿbé Sódom ne Gomóra ne Ádima ne Zébom ne Béla ba-kúng basúja ebe ba-dim byití enwa ne batu ḿbé Élam ne Gówim ne Bábyílon ne Elása ké owo mú Sídim. Batu batánge ba/bwom bunwa ne batu banyii.

2 Sámwel 24:16

Nkéré mú orím mú onong mú Óburúkpâbí o/bê ebabên Jerúsélem, Óburúkpâbí o/yángê okabe emen mú odakye banet ámbe busông, ne o-raa ne orím mú o/mû mu o-ju ng kámbé o/fu, mîng, kyi/kwárê. Orím ámu o/mû ké kyikit-Arwǎna ńkyí mu o-kim m esang-byichí, o/mû onet-Jébus.

1 Kyîng 3:26

Ochíchí-boné-wǎn ámu, ne kyijé ńkyí kii/sú ǎ ké dyityém ne wǎn emen, o/raa ne Otu Sólómon o/fu, kamgbe, ǎ otu ejí, *daju wǎn ámu* kye ǎ onyinyi ámu. Nké mú onyinyi ámu o/faa o/fu, *dachi a-kye ǎ onet nang obónge* két ǎ byikim byifee.

2 Kyîng 13:23

nké Óburúkpâbí o/mû o/cángê dyityém ne mbé, o-ri kámbé bafip. O*da/bángê ba-ju kámbé* nké o/chwáp kámbé, ké bubwô ḿbú ocím mú o/ryí ne Ébarahâm ne Ázik ne Jekôp. O*da/ráp ne banet emen nang kabónge*.

2 Korónyíkil 36:15

Kángkáng nkéré, Osówo Óburúkpâbí mú banchí ebe ḿbé kpákpá o/twóm bamkpábé ḿbé badasét byiraa emen o/fu, bakuri banet emen ekó, ké nǎ, nyǐ o/mû mu o-ri ng kámbé ne kiǐtí-kyise-kyifen emen echi bafip.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 106:45

Ké bubwô ebe, nyǐ o/zîim ocím emen mú o/ryí o-sem byiko emen, ne ké bubwô-kiǐtí-kyijé emen nyǐ o/yángê dyityém.

Azáya 16:11

Me mu m-byâ ké bafip ké dyishí ńdyí Mówep ne Kî-Héres.

Azáya 63:15

Óburúkpâbí, bírî achi kyísí ké kyikit ńkyí amu a-kyú u ké kanong eyên ne busan eyên ḿbú ragerage a-tún bě. Otî eyên mú a/mû a/jang bě etî mu nyá. Busa eyên mbu nyá. Kyijé eyên ne bafip eyên ḿbé amu a-ri ng bě mbyi nyá. *Dachi a-né bě*.

Jeryimáya 18:8

nké â oshê ámu kâng o/mîng byibî-akwóp emen, mm*ba/chi n-chîchi ńkyí m/mû n/fu, n-chi i*.

Jeryimáya 3:12

Óburúkpâbí o/sét mě o/fu, me nca n-da-sét Ézerel nyí e*da/fé dyityém ne nyǐ* n/fu, bwa n̂g esim ba-kâm mě. Me n-ri ng banet bafip, ne mm*ba/chi n-sa kafâ*. Me mm*ba/chi n-waa ké kafâ esa ne ben ne banyá*.

Jeryimáya 31:20

Ézerel, wo a-chi i wǎn ejí mú dyityém, wǎn mú oda mě ejang ejê. Nang nkéré orá nké [n/zîim dyizîn eyên, n-kabe ng] kyi-kim ne wo ne kyijé. Dyityém ejí dii/jé dyi-kâm ǒ. N/chi n-ri ǒ bafip.

Jeryimáya 42:10

â ben bamu ba-ryuu ng ba/fu, ba-kyú u ké esí ńnyín ba-ca kashú, me n/chi m-bi běn, mm*bú běn m-pwó* n/chi n-kwón běn, nn*zú běn n-twóp*. Busông ḿbú n/kye běn boo/chi bafip ba-chi mě kanong kanong.

Jeryimáya 9:6

Mbé mbe ba-cít ng banet ba-nye ng ba-fâ, ba-nîm m banet to ba-nye ng ba-fâ. Óburúkpâbí o/raa o/fu, banet emen baa/né ǎ.

Jeryimáya 9:7

Ké bubwô ḿbún, Óburúkpâbí mú o/rêe o-shwôm o/raa o/fu, n/chi m-bwât banet ejí n-chi wǎ eringe nyí nree bure odabwât kiǐré, n-kan kámbé n-ri. Banet ejí baa/chi kyibî. Me n-chî ng echi ebóng ne mbé.

Lamantéshan 1:20

Ô Óburúkpâbí, ri afaníkong ejí, ri busông ḿbú dyityém ejí. Dyityém ejí dyi/firi ké bafip, ké bubwô-byibî ejí. Banet eju mbe ké byiká-oshê, nang ké kafâ-byise bukyû mbu kô. [

Lamantéshan 3:32

Nyǐ o-man n bě ekye bafip, nké kyijé emen ne be nkyi ntûntû, ne nkyi shwaneshwane.

Lamantéshan 3:33

Kyi*fí ǎ chwǒm-bunyîn-dyityém* ńkyí nyǐ oda bě ekûchi byi-ri ng bafip* nang busông*.

Ezékyel 33:11

Sét kámbé a/fu, me Óburúkpâbí mú mu Otu Kyítá mú mu okpó n/sem byiko ejí n/fu, kii*nyîn mě eri nchi byibî okpú*. Kyi-nyîn n mě n-ri ǎ o-mîng byibî echi o-kpen. Ézerel, mîng n̂g byibî-byěm ḿbyí bamu ba-chi i. Ebóng ńkyí bamu ba-ryuu ng ba/fu, ben ba-kpú u.

Ezékyel 6:9

ké byikit ḿbyí ba/chi ba-kyú wǎ básóng. Ányi nké mbé ba/chi ba-zîim mě ne ba-nyît ba/fu, me n/kye kámbé busông [n-fé kámbé éshwan,] ké nǎ, ba/né mě, ba*da/fé atyém ebe ne me* ne baa/kúng erím-bakye e-firi kámbé kiǐtí-chwǒm e-shwôm mě me. Mbé kii*ba/chi kyi-chînyîn kámbé ne byiko ebe* ké bubwô-byibî-byěm ne biinunut-byěm ḿbyí baa/chi*.

Hozáya 6:4

Nké Óburúkpâbí o/raa o/fu, me n-chi i běn ebóng, ǎ banet ḿbé Ézerel ne Júda. Kyijé ńkyí ben bamu ne nkyí ne me nkyi kyi-rím m ochéé óchee wǎ ófíbí mú odatát ké dyicófóróng. Nkyi to wǎ kyibû ńkyí kyidarím ké dyicófóróng pirípirí.

Hozáya 7:1

Nang nkéré orá nké mu n-ryuu ng n/fu, n-chi i banet ejí ḿbé Ézerel ba-nyange, ba-chîkpet ejá byěm, kángkáng ńkyí ndari kyi*da/shwôm dyityém ebe ebên* ne byibî-byěm ḿbyí mbe ba-chi i*. Ba-ryí i barî bampún, ba-sé ng byise ba-nung ng ba-wuri ng byěm. Ba-jii ng banet byěm ké byiká-oshê.

Émos 4:11

N/ju kyicê-banet enen wǎ eringe nyí n/ju banet ḿbé Sódom ne Gomóra. Kyicê-banet enen ḿbé ba/fem ba/mû wǎ kiǐshíshí-kyikwón ńkyí kyi/kám okwâ, ńkyí ba/nyii ba-fîm ké okwâ. Nké Óburúkpâbí o/fu, ben ba*da/bwa esim ba-kâm mě*.

Émos 7:3

Óburúkpâbí o/yángê dyityém kâng, ne o-raa o/fu, ńkyí wo a/ri kii*ba/chi kyi-chi*.

Émos 7:6

Óburúkpâbí o-chîyángê dyityém emen kâng, ne o-raa o/fu, nang ńkyín kii*ba/chi kyi-chi*.

Máka 5:3

Óburúkpâbí kâng o/chi o-né banet emen o-kye banet-bushwôn ebe tete onyinyi mú bufwon bu-kú bu-nwa ng ǎ o-fwon wǎn-onyinchéng emen. Ne banet-oshê emen kâng ḿbé mbe ba-kyú u ké eshê ekíri wǎ básóng ba/chi ba-chîcibi ne banet ebe.

Zefanyâ 2:9

Eringe me mu Osówo mú Ézerel, mú mu okpó, me n/ryí ocím n-sem dyizîn ejí n/fu, n/chi m-bên Mówep ne Ámon wǎ eringe nyí m/bên Sódom ne Gomóra. Esí ebe e/chi e-bírî kyikit-abíng-bano ne e/chi e-waa biǐbwô-byise ne banyá, ḿbyí biǐbyâa bii/kán ké mbyí. Kyicê-banet ejí, ḿbé ba/chi ba-kpen, ba/chi ba-kpógê kámbé, ba-koo esí ebe.

Mátyuu 23:37

Jisos o/fu, ô Jerúsélem, Jerúsélem. Ben bamu ba-ju ng bamkpábé ḿbé badasét byiraa-Osówo, ba-tím m to banet-kyitwóm-Osówo ḿbé nyí o/twóm běn aká. Kampén ka/firi kafěng ńké me m/mû mu n-ryuu ng n/fu, m-kpárê ng banet eyên kángkáng abwô, wǎ eringe nyí buma-ekwa mbu bu-cít ng bwǎn emen ké abyibabang, nké ben ba*da mě ebángê*.

Dyitórónómyi 29:22

Ké bankéré ḿbé mbe ba-bâ ké kashú, bwǎn enen ne bacinbánet ḿbé ba/fím tíbítíbí ba/chi ba-ri byěm-busông ne afaníkong nyí Óburúkpâbí oo/bê ne nyǐ ké esí enen.

Dyitórónómyi 29:23

Byifát byi/chi byi-waa kafâ dyikáá byi-firi ne bano ne aká nyí adamang okwâ. Baa*ba/chi ba-kwón chwǒm* ne nang biǐbyâa bii*byí to ké mbyí*. Esí enen e/chi e-kyú wǎ eshê nyí Sódom ne Gomóra ne Ádima ne Zébom, nyí Óburúkpâbí o/bên ké nkéré mú kafâ ka/jang ǎ esa.

Dyitórónómyi 32:36

Óburúkpâbí o/chi o-nyii banet emen ké nkéré mú oo/ri o/fu, busa ebe boo/man. Nyǐ o/chi o-ri banet ḿbé mbe ba-fâ ǎ bafip, ké nkéré oo/ri o/fu, ba-kú ba-ryuu ng ochwâp.

2 Pyíta 2:6

Osówo o/két mpan o-bên eshê nyí Sódom ne Gomóra. O-shí kányí ké okwâ, ne o-chi kányí wǎ ekap nyí edatông banet ḿbé ba*fí ba-fâ ǎ*.

JÛT LÉTA MÚ JÛT O/SÁNG 1:7

Zîim m̂ Sódom ne Gomóra ne eshê nyí e/fárâng kányí, nyí banet ba/chi édúú wǎ nyí barím ámbe ké byibî-babép ebép. Mbé mbe ba-ri ng busông ké okwâ mú oo*ríbî ne banyá* wǎ chwǒm ńkyí kyidakuri kángkáng banet ekó.

Revelíshon 11:8

Ne byikwóm-enyam-byiko ebe byi/chi byi-waa ké ótíbingé mú kiǐtí-oshê ánkyi, mú ba/mû ba/mán Otu Kyítá ebe ké kyikwap ńkyí badashwân onet. Dyizîn-oshê ámu dyi/bwom wǎ Sódom, kakíri wǎ Éjip.

Revelíshon 18:18

ba-wonge kakânkakân ké nkéré ba/ri erúkwâ nyí nyi e-shí i kámú, ba/fu, oshê okíri o*fí mú o/mû wǎ kiǐtí-oshê ńkyín*.

Jójis 10:16

Ba-pwó kâng erím-bakye ányi, ba-kpet ekye Óburúkpâbí ofê. Kyi-bán ǎ kâng ké dyityém kyi-kim ne bafip ḿbé banet-Ézerel mbe ba-ri ng.