Hozáya 11:7 - Bokyi Bible

⁷ Mbé ba/tú dyishí ba/fu, mbé ba-bírî ng mě esim. Mbé ba/chi ba-tii ké bubwô-busông ḿbú mbu kámbé ké byiko, ne onet o*fí mú o/chi o-fîm kámbé kámbú*.]

Hozáya 11:7 Iomraidhean Croise

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 81:11

Nké banet ejí ba*da mě ejwo*. Banet-Ézerel ba*da/chi ńkyí me n/sét*.

Póróvep 14:14

Byibî-banet ba/chi ba-já ńkyí kyi/kwárê ne mbé. Banet ḿbé mbe ba-chi i kanong ba/chi ba-koo eyáré [ké byěm ḿbyí mbé mbe ba-chi i.]

Azáya 26:10

Nang ké wo a/cángê dyityém ne bambên atyém, mbé ba*fí ba-kan n ba/fu, mbé ba-chi i ńkyí nkyi kanong*. Nang nyín ké esí nyí banet ḿbé mbe ba-chi i kanong, mbé ba/tôong ba-chi i byibî. Ba*fí ba-kúng ng ǒ ba/fu, wo amu kiǐtí*.

Jeryimáya 14:7

Banet ejí ba-kú ba-tii ng bukyû ba-kó ng mě ba/fu, nang ké byibî eten mbyi byi-tông ng bě be bayén wááng, chwáp bě, ǎ Óburúkpâbí, wǎ eringe nyí wo aa/ryí bě ocím. Be bii/bírî ǒ esim kampén chwóó. Be bii/chi byibî ké bushú eyên.

Jeryimáya 2:19

Byibî eyên byi/chi byi-kye ǒ busông, ne esim nyí a/bírî mě e/chi e-két mpan o-bên ǒ. Wo a/chi a-nyît eringe nyí kyi/bên kanong kanong ńkyí a/mîng mě mú mu Osówo Óburúkpâbí eyên, a/fu, wo aa*fé to dyityém eyên ne me*. Me Óburúkpâbí mú o/rêe o-shwôm nké n/raa.

Jeryimáya 3:11

Ne Óburúkpâbí o-sét mě kâng o/fu, nang ké Ézerel ee/bírî ǎ esim, nyǐ oo/tông o/fu, nyǐ o/chi kanong o-shwôm Júda mú o*da/fé dyityém ne nyǐ*.

Jeryimáya 7:25

Kyi-fím ké dyicí ńdyí banchí enen ḿbé kpákpá ba/byí ké Éjip tete kyi-ribi dyicí ńdyí kurún, me mu n-twóm m běn bǎmgbán ejí, bamkpábé ḿbé badasét byiraa ejí.

Jeryimáya 7:26

Nké onet o*fí nang obónge mú o/fwôo atông o-jwo*. Nké ben ba/bwa ba-bírî obíríng banshwan ashí ne bancen ne bunwa ba-shwôm banchí enen ḿbé kpákpá.

Jeryimáya 8:5

Ebóng kâng ńkyí banet ejí baa/bírî mě esim, ba*fí to ba-bwa ng ba-kâm mě*. Baa/waa ké bakye esháng, ba-né esim ebwa ba-kâm mě.

Hozáya 11:2

Nké â [mu n-kó ng] ǎ n-nye ng n-fâ, ányi nké oda [mě] ebírî obíríng esim. Banet ejí baa/chi byifen ba-kye orím-bukye-Bâl, ba-shí burwan ba-kye erím-bakye.

Hozáya 14:4

Óburúkpâbí o/raa o/fu, me n/chi m-kpî banet ejí ba-bwa esim ba-kâm mě. Mbé ba/chi ba-jê mě ne dyityém ejí kángkáng. Me n*fí to n-sa ng kafâ ne mbé*.

Hozáya 4:16

Banet ḿbé Ézerel mbe ba-shwane e ashí wǎ boonyam-atû. Me n-cen n nǎ ne n-nen kámbé wǎ bwǎn-ebû ké kyikit ńkyí biǐbyâa mbyi kô chwóó. [

Hozáya 7:16

Mbé mbe ba-né ng mě ba-câ kashú ba-bírî ng ba-kâm m [bukye ḿbú bu*fí ne busa*.] Mbé baa*nwa efé dyityém* wǎ búre ḿbú bu*fí dángdáng*. Ké nǎ, banet-ashí ebe mbe ba-raa ng byiraa-akpee, mbé ba/chi ba-kpú kyibî-bukyû, ne banet ḿbé Éjip ba/chi ba-jwó kámbé.