Biblia Todo Logo
Bìoball air-loidhne

- Sanasan -




Hozáya 11:3 - Bokyi Bible

3 Me nké n/tángê Ézerel bucen. [Me n/kúng banet ejí ké abwô ejí,] nké mbé ba*da/bángê ba/fu, me nké n/nen kámbé*. [

Faic an caibideil Dèan lethbhreac




Hozáya 11:3
20 Iomraidhean Croise  

Nyǐ o/chi kámbé ba-nyange ké ejá emen, ne o/nyii kámbé ké dyikun enung.


o/fu, â ben ba/chi ba-chi kángkáng byěm ḿbyí me n/kabe n/fu, mbyi kanong, ba-tî to byije ejí, mm*ba/chi n-kye běn busông nang bubónge* ḿbú n/kye banet ḿbé Éjip*. Me n-chi i Óburúkpâbí mú mu o-chi i byirwóm enen byi-man.


ben ba/ri ńkyí me Óburúkpâbí n/chi banet ḿbé Éjip ne eringe nyí n/kúng běn wǎ eringe nyí kiinkwa kyidakúng bwǎn emen ké abyibabang emen, m-bâ ne ben nyín ba-kâm mě.


 ben ba/kye mě me Osówo Óburúkpâbí enen ofê, me n/chi n-jware běn n-kye běn byiryíng ne omu, ne n/chi n-chi běn ba-nyange ké kángkáng byirwóm enen ḿbyí bamu ba-rwôm m.


Óburúkpâbí o/raa o/fu, bubóng ne esí, fwôo n̂g atông ba-jwo ńkyí mu m-bâ ebasét. Bwǎn ḿbé me n/nen kámbé baa/bírî bunwa ne me.


Otukáku o/chi o-kûsan jangjang wǎ óbyísû, ne óbyísû o/chi o-kûsan kampén bujam o-shwôm eringe nyí o/mû o-san n, wǎ kiinwángé ńkyí ací bujam kyidasan ké dyicí dyibónge. Ńkyín kyi/chi kyi-chi ké nkéré mú Óburúkpâbí oo/bwá byinêm ḿbyí o/kye banet emen byi-kpú.


Ben kyikû-banet ńkyí Jekôp, fwôo n̂g atông ba-jwo mě, ben kyicê-banet ejí ḿbé ba/waa. Me nn/tún běn kyi-fím ké nkéré mú ba/fwon běn.


ké kángkáng afaníkong ebe. *Chí orím mú onong* Óburúkpâbí oyén nké o/nyii kámbé. Nyǐ o/nyii kámbé ké kyijé emen ne bafip emen ḿbé mu o-ri ng kámbé. Nyǐ o/tún kámbé kángkáng nkéré ké nkéré mú o/shwôm ké esim,


N/chi n-chî běn echi ba-nyange. N/chi n-chi byinêm enen byi-kpú, nang ké banet-bushwôn enen mbe ba-raa ng ba/fu, Záyon o*fí to ké chwǒm*. Onet o*fí mú mu o-tún n kámú*. Me Óburúkpâbí nké n/raa.


Bukye bu*fí ké Gyílet dí. Banchi bakye ba*fí áku*? Ebóng ba*da/chi ne banet ejí ba-nyange*.


Óburúkpâbí o/raa o/fu, me n/chi m-kpî banet ejí ba-bwa esim ba-kâm mě. Mbé ba/chi ba-jê mě ne dyityém ejí kángkáng. Me n*fí to n-sa ng kafâ ne mbé*.


Nyǐ o/mû o*da/bángê o/fu, me nké mu n-kyâ ǎ byiryíng* ne bato* ne bakút* ne kángkáng basyílyíba ne bagûl ḿbé mu o-yip ng o-chi i erím-bakye nyí Bâl*.


Nang nkéré orá nké mu n-ryuu ng n/fu, n-chi i banet ejí ḿbé Ézerel ba-nyange, ba-chîkpet ejá byěm, kángkáng ńkyí ndari kyi*da/shwôm dyityém ebe ebên* ne byibî-byěm ḿbyí mbe ba-chi i*. Ba-ryí i barî bampún, ba-sé ng byise ba-nung ng ba-wuri ng byěm. Ba-jii ng banet byěm ké byiká-oshê.


Nang ké me mu nyǐ mú o/nen kámbé ba-kán, n-chi kámbé ba-shwane, mbé mbe ba-nam m mě.


Ne o-chwáp kámbé ké bajam-aje bafee ké kyikim-dyikán, nang ké ba/mû ba*fí ba-kúng ng ǎ wǎ Osówo ebe*.


ne ké kyikim-dyikán. Ben ba/ri eringe nyí o/kúng běn, chwǒm kyi*da běn echi* ké kyikim-nkéré kyimúmú tete ba-ribi ké kyikit ńkyín, wǎ eringe nyí bonchí odakúng wǎn emen.


Kángkáng nkéré, Osówo nké mu o-ku ng běn. Abwô emen nyí adawaa ne banyá nké nyi a-níbî ng běn. Nyǐ o/ró banet-bushwôn enen ké nkéré bamu ba-cen n ba-câ, o-sét běn o/fu, ben baju kámbé kángkáng.


Zîim m̂ eringe nyí Óburúkpâbí mú mu Osówo enen o/tông běn bukwóp ké kiǐtíbítíbí-bucen ńkyín ké kyikim-dyikán, ké bajam-aje bafee ḿbé baa/shwôm ké esim, o-twóm m busông bu-kâm m běn, eringe nyí nyǐ odanyît ńkyí ben bamu ba-kabe ng ba/fu, ba-chi i, ne â ben ba/chi ba-tî byije emen.


Lean sinn:

Sanasan


Sanasan