Hozáya 11:2 - Bokyi Bible

² Nké â [mu n-kó ng] ǎ n-nye ng n-fâ, ányi nké oda [mě] ebírî obíríng esim. Banet ejí baa/chi byifen ba-kye orím-bukye-Bâl, ba-shí burwan ba-kye erím-bakye.

Hozáya 11:2 Iomraidhean Croise

1 Kyîng 12:33

Ne ké ací onyiryiká, ké etukáku nyíryinyi nyí dyije, dyicí ńdyí nyǐ oyén oo/tî, nyǐ o/dim o-ca Bétel o-chi kyifen ké kyikit-kyifen echi, ké dyijî-kyifen echi ńkyí nyǐ oo/tî banet-Ézerel.

1 Kyîng 18:19

Sét kâng kángkáng banet-Ézerel ba-da-cibi barî ké kaku ńké Kámel. Bâ to ne égot-bamkpábé-Bâl ámbe efee ne bajam-bamkpábé bafee esim diǐkpú, ne égot-bamkpábé-osówo-onyinyi ámu efee, mú bada ǎ ekó Ashéra, ḿbé Jézébel mú onyi-Otu Éhap mu o-chwáp ng kámbé.

Nehemyâ 9:30

Kángkáng aje, wo a/kuri kámbé ekó degere. Wo a/fé bamkpábé eyên byiraa a/fu, basét. Nké banet eyên ba/mû ba/tim atông. Ké bubwô ámbu, wo a/mîng eshê nyí áku e-kpógê kámbé.

Azáya 65:7

ké bubwô ḿbú byibî ebe ne ké ḿbyí banchí ebe ḿbé kpákpá. Mbé baa/shí burwan ké eku nyí biinchéng-bakye esháng, ba-raa byibî-byiraa kyi-kim ne me. Ké bubwô ámbu, me n/chi n-kye kámbé busông ḿbú bu/chi bu-kwárê ne byibî ebe ḿbyí baa/chi.

Jeryimáya 18:15

Nké banet ejí baa/ráp mě. Mbe ba-shí i burwan ba-kyâ erím-bakye. Baa/tánê ké bukwóp ḿbú ba/mû ba/chi ba-ca. Ba*fí to ba-chi i byěm ḿbyí kpákpá*. Ba-kú ba-cen n ké byikit ḿbyí biǐfáng byi*fí*.

Jeryimáya 44:5

Nké ben ba*da/fwôo atông ba-jwo ńkyí n/sét běn*. Ben ba*da/mîng byibî-édúú enen ḿbyí bamu ba-chi i byifen ba-kyâ esówo ekíri*.

Hozáya 11:7

Mbé ba/tú dyishí ba/fu, mbé ba-bírî ng mě esim. Mbé ba/chi ba-tii ké bubwô-busông ḿbú mbu kámbé ké byiko, ne onet o*fí mú o/chi o-fîm kámbé kámbú*.]

Hozáya 2:13

Me n/chi n-kye ǎ busông ké bankéré ḿbé o/ráp mě ké nkéré mu o-shí i burwan o-kyâ Bâl, o-fâ byibwáng emen o-kyé ng bákyî emen o-câ. Óburúkpâbí nké o/raa.

Hozáya 4:13

Mbé mbe ba-da ng echi byifen ké byikit-ociring ḿbyí mbyi kyíbóng-eku, ne ké eku ányi, mbe ba-yip ng burwan ba-shí i ké byikû-byichí ḿbyí byi/kwóp, byi-paam byire, ké nǎ, busi-byichí ámbyi mbu bu-jang ng enwa. Ké bubwô ámbu, bwǎn ḿbé bwǎn enen ba-ryí i akpara, ne banyi ḿbé bwǎn enen ba-chi i byinam.

Hozáya 4:17

Banet ḿbé Ézerel ba/firi ké busa ḿbú barím-bakye. Mîng kámbé ba-ca kiǐfáng ńkyí ebe.

Zákaryâ 1:4

*Da n̂g ekyú wǎ banchí enen ḿbé kpákpá*. Ké nkéré mú o/shwôm ké esim chwóó, bamkpábé ḿbé badasét byiraa ejí ba/sét kámbé kyitwóm ejí, ba/fu, ba*dachi ba-chîkyú kyibî-dyikpen ńdyí byibî echi*. Nké mbé ba*da/fwôo atông ba-jwo mě* ba-chi nang ńkyí n/sét kámbé*.

Zákaryâ 7:11

Nké banet ejí ba/tigi otigíng ba-né atông efwôo. Ba/cít atyém ebe,

LÛK BǍMPÉM ḾBÉ BANONG KYI-KIM NE JISOS KARÂS ERINGE NYÍ LÛK O/SÁNG 13:34

Ô banet ḿbé mbe ké oshê mú Jerúsélem. Ben bamu ba-ju ng bamkpábé ḿbé badasét byiraa-Osówo. Ben bamu ba-tím m banet-kyitwóm ḿbé Osówo mu o-twóm m kyikit enen aká. Kampén kafěng ńké me m/mû n/ryuu n/fu, m-kpárê ng běn kángkáng m-bât ké kakim wǎ eringe ekwa nyi e-cít ng bwǎn emen ké abyibabang, nké ben ba*da mě ebángê*.

JǑN BǍMPÉM ḾBÉ BANONG KYI-KIM NE JISOS KARÂS ERINGE NYÍ JǑN O/SÁNG 3:19

Dyizong-bukwóp ḿbún nké mpan ámu mu o-cen n. Kiinwángé kii/bê ké ejíí, nké banet, kyifip kyi-nyîn n kámbé kyi-shwôm kiinwángé, ké ebóng, mbe ba-chi i byibî-byěm.

ÂAK BǍMKPÓNGÉ ḾBÉ BANET-KYITWÓM-JISOS BA/CHI, ḾBÉ BADAKÓ ÂAK 7:51

Ne Sityífin o-chîkpet eraa o-ca kashú o/fu, ben ba-chi i banshwane ashí. Atyém enen nyi wǎ banet ḿbé ba*fí ba-nyît ng kyi-kim ne Osówo*. Ben baa/né kyitwóm-Osówo ejwo. Ben bamu wǎ banchí enen ḿbé kpákpá. Ben to baa/né echi ńkyí Busun-Osówo bu/sét.

Jójis 10:6

Banet-Ézerel ba/chîchi kyibî ké bushú ḿbú Óburúkpâbí, ké ofê mú ba/kye erím-bakye nyí badakó Bâl, ne nyí badakó Asatáte, erím-bakye to nyí Syírya ne nyí Sádon ne nyí Mówep ne nyí Ámon ne nyí Fyilíta. Ba/né Óburúkpâbí, ba-mîng ǎ to ofê ekye.

Jójis 2:13

Ba-mîng Óburúkpâbí ofê ekye, ba-kûfé erím-bakye-Bâl ne Asatáte.

Jójis 3:7

Banet-Ézerel ba/ráp Óburúkpâbí mú Osówo ebe. Ba-chi byibî ké bushú emen, ba-sháng erím-bakye nyí badakó Bâl ne Ashéra.