Hozáya 11:1 - Bokyi Bible

¹ Óburúkpâbí o/raa o/fu, Ézerel e/mû e-jê ng mě ké nkéré e/mû e/tôong kaǎwásíng, [ne me n-kó ǎ o-byí ké Éjip wǎ wǎn ejí.]

Hozáya 11:1 Iomraidhean Croise

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 129:1

Ézerel, sét bě eringe nyí banet-bushwôn eyên baa/kye ǒ busông kyi-fím ké nkéré mú a/mû wǎsíng.

Ézódos 19:4

ben ba/ri ńkyí me Óburúkpâbí n/chi banet ḿbé Éjip ne eringe nyí n/kúng běn wǎ eringe nyí kiinkwa kyidakúng bwǎn emen ké abyibabang emen, m-bâ ne ben nyín ba-kâm mě.

Ézódos 4:22

Wo a-man a-sét ǎ kâng a/fu, me Óburúkpâbí n/sét n/fu, Ézerel e-chi i ókpá-wǎn-onyinchéng ejí.

Ézódos 4:23

Me n/sét n/fu, mîng banet ejí ba-dim ba-da-kye mě ofê, nké wo a/né. Kántîk n-kú m-bâ eju ókpá-wǎn-onyinchéng eyên.

Azáya 43:4

N/chi n-kye nang byirim-eshê n-nyii běn, ké nǎ, ben bamu mě ké dyityém, ne ké nǎ, ben bamu ba-jê ng mě, ne mu n-kyâ běn ofê.

Jeryimáya 12:7

Óburúkpâbí o/raa o/fu, me nn/dim m-mîng banet ḿbé Ézerel. Me nn/né oshê ejí mú n/cá kámú. Nn/kúng banet ḿbé mbe ba-jê ng mě n-kye banet-bushwôn ebe.

Jeryimáya 2:2

o/fu, me nsét nang yeě nang yeě mú mu ké Jerúsélem kyitwóm ńkyín. O/fu, nyǐ mu o-zîim m eringe nyí ben ba/mû ba/fé dyityém ne nyǐ ké nkéré ben ba/mû ba/tôong boǒbwásíng, eringe nyí nyǐ o/mû o-jê ng běn ké nkéré ben ba/bé barî obê óbe. Ben ba/cen ne nyǐ ké kyikû ba-nyáng kyikim-dyikán, ba-nyáng esí nyí onet o/mû o*da/kwón ne chwǒm ké nyǐ*.

Ezékyel 16:22

Ké nkéré-kiinunut-dyikpen eyên ńdyí akpara, wo a*da/zîim nang kabónge kyi-kim ne dyikpen eyên ńdyí ne bubwásíng* ké nkéré a/mû osíndyíbang a-nyibi ng ké baróng eyên*.

Ezékyel 16:6

Ne n-shwôm ányi kâng n-ri ǒ ké amu a-nyibi ng ké baróng ḿbé eyên. Baróng ba/mû ba/cít ǒ kángkáng, nké n*da ǒ emîng a-kpú*.

Hozáya 10:15

Dyizong-chwǒm ándyi nké dyi/chi dyi-chi běn, ǎ banet ḿbé Bétel, ké bubwô ḿbú kiǐtí-kyibî ńkyí ben baa/chi. Â byití ámbyi byi-kpet ng byi-bâ, otu mú Ézerel o/chi o-kpú.

Hozáya 12:13

Óburúkpâbí o/twóm mkpábé mú odasét byiraa emen o/fu, oda-nyii banet ḿbé Ézerel ké búsóng ḿbú ba/mû ké Éjip, o-bám kámbé wǎ mbâm ebû.

Hozáya 12:9

Nké me Óburúkpâbí mú mu Osówo enen, mú o/tông běn kiǐfáng ba-byí ké Éjip, n/chi n-chî běn echi ba-chîkyú ké bampyep ḿbé badabi ké byídí, wǎ eringe nyí ba/mû ba-kyú u ké nkéré mú m/bê n-kâm běn ké kyikim-dyikán.

Hozáya 13:4

Óburúkpâbí o/raa o/fu, me n-chi i Osówo Óburúkpâbí enen mú o/tông běn kiǐfáng ba-byí ké Éjip. Ben ba*fí ne Osówo okíri* kyi-cibi ne me*. Me kǎnchí nké mu Onet-Onyii enen.

Hozáya 2:15

N/chi m-bwa ne byifát emen n-kye ǎ, n-chi Owo-Afaníkong o-firi ǎ dyifyi ńdyí odatî achi. Nyǐ o/chi o-bángê ne me wǎ eringe nyí o/mû o-bángê e ne me ké nkéré o/mû o/tôong kaǎwásíng, ké nkéré mú o/fím ké Éjip ne o-bâ.

Máláka 1:2

Óburúkpâbí o/raa ne banet emen o/fu, ben bamu ba-jê ng mě kángkáng nkéré. Nké mbé ba/faa ǎ ba/fu, ebóng ńkyí wo aa/chi a-tông a/fu, be byimu byi-jê ng ǒ. Óburúkpâbí o-faa o/fu, Éso ne Jekôp ba/mû bwǎn-bané, nké Jekôp ne kyikû-banet emen nké mbe ba-jê ng mě,

Mátyuu 2:15

Ányi nké ba/kyú tete Otu Hérot o-kpú. Ńkyín něen kyi/chi, eringe nyí ńkyí Otu Kyítá o/raa ké ocím mú mkpábé mú odasét byiraa-Osówo, kyidakyú ntûntû, ńkyí o/fu, n/kó wǎn ejí n/fu, obyí ké Éjip.

Dyitórónómyi 33:3

Óburúkpâbí, [banet emen] ba-jê ng ǎ, ne mu o-ku ng banet ḿbé ba/já ǎ. Ké bubwô ámbu, be byimu [byi-tíngê e kyísí] ké byiká emen byi-tî ng byije emen.

Dyitórónómyi 7:7

Óburúkpâbí o/cá běn, ké nǎ, ben bamu ba-jê ng ǎ, *chí ké bubwô ḿbú ben ba/jê ba-shwôm banet ḿbé áku*. Ben nké oshê enen o/mû o/sîi o-shwôm eshê nyí ké ejíí.