Hozáya 10:8 - Bokyi Bible

⁸ Ba/chi ba-bên biinchéng-bakye ḿbyí mbyi kyíbóng-eku, ké Áben, byikit ḿbyí banet ḿbé Ézerel mbe ba-sháng ng bakye. Byiwong ne biǐbyâa byi/chi byi-byí ké byikit ámbyi ḿbyí mbe ba-chi i byifen. Banet ḿbé Ézerel ba/chi ba-tii ba-kó eku nyí nyáám ba/fu, rôo bě, ba-tii ba-kó eku nyí kyísí kyísí ba/fu, cít bě.

Hozáya 10:8 Iomraidhean Croise

Jénésis 3:8

Ne mbé ba-jwo abe nyí Osówo Óburúkpâbí mu o-cen n ké kafâ-kyifát ké dyikurúku beem. Ne mú onyinchéng ne onyi emen ba-da-rem ké esim-byichí ḿbyí mbyi ké kyifát eringe nyí Osówo Óburúkpâbí oo*ri kámbé*.

1 Kyîng 13:2

Wǎ eringe nyí Óburúkpâbí o/sét, mkpábé ámu o/shú kyikit-kyifen echi ánkyi wááng o/fu, ô kyikit-kyifen echi, ô kyikit-kyifen echi. Nyín něen ńkyí Óburúkpâbí mu o-raa ng, o/fu, ba/chi ba-fwon wǎn mú odabángê Josáya, ké kyikû-banet ńkyí Otu Dívit. Nyǐ o/chi o-ju ǒ banchi byifen ḿbé mbe ba-chi i byifen ké byikit-kyifen-bakye echi eyên, ne nyǐ o/chi o-shí ǒ byikúú-banet.

1 Kyîng 13:34

Kyibî ńkyín kyi/bê ǎ ne dyirîm ne dyibên ńdyí kyikû emen kyimúmú.

1 Kyîng 14:16

Óburúkpâbí o/chi o-mîng Ézerel, ké nǎ, Otu Jérobâm o/chi kyibî o-tông banet-Ézerel kiǐfáng ba-nung ké kyibî.

2 Kyîng 23:15

Otu Josáya o/bú to kyikit ńkyí ba/mû ba-sháng ng bakye ké Bétel, ńkyí Otu Jérobâm mú wǎn-Nébat o/mû o/bi, mú o/chi Ézerel ba-róng ké kyibî. Otu Josáya o/bú kyikit-kyifen echi ánkyi, [o-sé aká emen rugirugi,] o-kíbî kányí a-firi édúkǎndú. O/shí to orím-bukye-Ashéra.

2 Korónyíkil 31:1

Ké nkéré mú dyijî dii/man, kángkáng banet ḿbé Ézerel ba/dim ké eshê-Júda emúmú ba-da-sé aká-ociring, ba-két erím-bakye nyí osówo-onyinyi mú badakó Ashéra, ba-bên byikit-byifen-bakye echi ne biinchéng-bakye kángkáng. Mbé ba/chi eringe ebónge to ké Júda omúmú ne ké byikim-esí ḿbyí Běnjámin ne Éferem ne Manáse, ne mbé kâng ba-bwa esim dyijê ashí kángkáng.

Azáya 2:19

 banet ba*da/rem ké bacim* ké eku nyí aká áka* ba/chi ba-sím bǎmbwó ké ecing ba-rem eringe nyí badafem ké busa-dyityém ḿbú Óburúkpâbí, ba-rem busa emen ne busan emen ḿbú ragerage, ké nkéré mú oo/bê ejíí ebaninge.

Azáya 2:21

Ké nkéré Óburúkpâbí o/chi o-bâ ejíí ebaninge, banet ba/chi ba-rem ké bacim ne ké bǎmbwó ké eku nyí aká áka, ba-kan ba/fu, mbé ba-fem m busa-dyityém ḿbú Óburúkpâbí, ba-rem busa emen ne busan emen ḿbú ragerage.

Azáya 32:13

ne esí nyí banet ejí e-kú e-kán n biǐbyâa ne nnyamefám. Tii n̂g bukyû ba-fé kángkáng byise ḿbyí banet ba/mû ba-kyú u ké bunyîn-dyityém ne oshê mú o/mû oo/sú ne dyikpen ńdyí dyinong.

Azáya 34:13

Byiwong byi/chi byi-byí ké kángkáng byibám-butu ne ké eshê nyí ba/bi ekpe ba-wáp kányí, ne byibî-enyam ne biikong byi/chi byi-kûkyú ké mbyí.

Hozáya 10:2

Banet ḿbé atyém ebe a*fí kanong* ba-man ba-ri busông ké dyishí-byibî ebe. Osówo o/chi o-bú byikit-byifen echi ebe, o-bên aká-ociring ebe.

Hozáya 10:5

Banet ḿbé mbe ba-kyú u ké oshê mú Samérya ba/chi ba-kûshî, ne ba/chi ba-ta dyikán ńdyí orím-bukye-[otyép-mpong] mú ba/chi ké gûl, mú baa*ba/chi ba-chîri*. Mbé ne banchi kyifen ebe ḿbé mbe ba-fâ orím-bukye ámu ba/chi ba-tii kámú. Mbé ba/chi ba-tii ké nkéré mú bunong emen boo*ba/chi bu-chîkyú kámú ké byiko*.

Hozáya 10:9

Óburúkpâbí o/raa o/fu, banet ḿbé Ézerel ba*da/mîng ne byibî echi ké bushú ejí* kyi-fím ké nkéré mú ba/chi kyibî ké Gyíbya*. Ké bubwô ámbu, ba/chi ba-kwárê ne byití ké Gyíbya. [

Hozáya 2:6

Ké bubwô ámbu, me n/chi n-ro nkám mú byiwong byíwong n-fé ǎ ké kafâ, m-bi ekpe n-wáp ǎ n-fé ké kafâ eringe nyí oo*byí to kyíjí*.

Hozáya 4:13

Mbé mbe ba-da ng echi byifen ké byikit-ociring ḿbyí mbyi kyíbóng-eku, ne ké eku ányi, mbe ba-yip ng burwan ba-shí i ké byikû-byichí ḿbyí byi/kwóp, byi-paam byire, ké nǎ, busi-byichí ámbyi mbu bu-jang ng enwa. Ké bubwô ámbu, bwǎn ḿbé bwǎn enen ba-ryí i akpara, ne banyi ḿbé bwǎn enen ba-chi i byinam.

Hozáya 4:15

Nang ké ben banet ḿbé Ézerel ba*da/tî dyityém ne me* kyi/bát banet ḿbé Júda ba*dachi ba-chi dyizong-kyibî ánkyi kyibónge*. *Da n̂g echi ba-kûdakye ofê ké Gyígal ne Bétel*. Nang ocím ké byikit ámbyi ké dyizîn ńkyí Óburúkpâbí mú mu okpó, *da n̂g eryí*.

Hozáya 5:8

Jwá n̂g bantán-byití ké Gyíbya. Wonge ê agurubí ké Ríma. Nyán n̂ byití ké Bétel. Banet ḿbé Běnjámin, nwa n̂g byití.

Hozáya 8:5

Otyép-mpong mú ba/mee ké gûl, mú banet ḿbé oshê mú Samérya mbe ba-kyâ kámú ofê, mu o-sa ng mě kafâ. Kafâ nke ka-sa ng mě ne mbé. Ka-rí i nǎ ne mbé ba-mîng bakye ebe esháng.

Hozáya 9:6

Ké nkéré mú afaníkong aa/bê, banet ba-pwôo byiryibyiryi, banet ḿbé Éjip ba/chi ba-kúng kámbé ba-tî kyikit kyibónge, ba-kúng kámbé eringe nyí ba/chi ba-ryii kámbé ké Mémfyis, mú dyityém-oshê ebe. Byěm ebe ḿbyí ba/chi ké syílyíba ne byikit ḿbyí ba/mû ba/bi byise ebe byi/chi byi-kán byichí-byiwong.

Émos 1:5

N/chi n-sé afyi nyí Damásákus, n-fîm banet ḿbé mbe ké owo mú Áben ne otu mú Bétédin. Ba/chi ba-kúng banet ḿbé Syírya ba-dim ne mbé wǎ básóng ké esí nyí Kî.

Émos 3:14

Ké dyicí ńdyí n/chi n-kye banet ḿbé Ézerel busông ké byibî ebe, n/chi m-bên byikit-byifen echi ḿbyí ké Bétel. N/chi m-bú bakô-kyikit-kyifen echi nang kyirá, ne byikit ámbyi kángkáng byi/chi byi-bûu byi-tyem kyísí.

Émos 7:9

N/chi m-bên biǐnyáám-byikit ḿbyí kyikû-banet ńkyí Ázik mbe ba-kyâ ofê. N/chi m-bên byise-ociring ḿbyí ké Ézerel. N/chi m-man ne kyikû-butu ńkyí Otu Jérobâm mú Ézerel.

Émos 8:14

Banet ḿbé mbe ba-ryí i ocím ba-sem m erím-bakye nyí ké Samérya ba-raa ng ba/fu, ké dyizîn ńdyí orím-bukye mú Dǎn, ne ké dyizîn ńdyí orím-bukye mú Byíshíba, banet ámbe ba/chi ba-myii baa*bûu to*.

Máka 1:13

Ben mú bamu ba-kyú u ké Lákyishi, ziri n̂g bubyî-orá ké bamútu enen ba-chêe. Ben ba/leme byibî ḿbyí Ézerel, ba-chi banet ḿbé Jerúsélem ba-chi kyibî.

Máka 1:5

Kángkáng ḿbyín byi/chi byi-chi, ké nǎ, banet ḿbé Ézerel baa/chi kyibî ba-bwom bunwa ne Osówo. Ba-bîn n yeě ké bunwa ḿbú Ézerel ba/bwom ne Osówo. Onet okíri o*fí mú bada ǎ ebîn* kyi-cibi ne Samérya mú mu dyityém-oshê ńdyí Ézerel*. Yeě mu o-sháng ng bakye ké Júda. Oshê mú Jerúsélem oyén.

Náhum 3:11

Nyínyíve, wo to a/chi a-róng wǎ enyam-mbwôm bato. Wo to a/chi a-kan a/fu, wo a-chêe ng banet-bushwôn eyên.

LÛK BǍMPÉM ḾBÉ BANONG KYI-KIM NE JISOS KARÂS ERINGE NYÍ LÛK O/SÁNG 23:30

Nkéré ámu nké banet ba/chi ba-kûraa ba/fu, eku nyí eryên ebûu e-nye bě, ecím-buku erôo bě.

Dyitórónómyi 9:21

Me n/kúng kyibî-mpong ánkyi, ńkyí ben ba/chi n-twóp kámú ké kafâ-okwâ. Ne n-sé kámú kâng rugirugi, n-kwa kámú o-bírî wǎ édúkǎndú, n-yip édúkǎndú ányi m-pwó ké kace ńké nke ka-fím m kyíbóng-kaku ka-sen n ka-bâ kyísí.

Revelíshon 6:16

Mbé ba-kó eku ne aká ba/fu, myii n̂g ba-cít bě, ba-rôo bě, eringe nyí nyǐ mú mu o-kyú u ké kakyúng-butu oo*ri bě*. Ba-rôo bě, eringe nyí kafâ esa ńké Wǎn-Etám-Ebû kaa*ta bě*.

Revelíshon 9:6

Ké etukáku ányi etánge, banet ámbe ba/chi ba-kûkyé bukyû, nké baa*ba/chi ba-ri kámbú*. Ba-kû ng eryuu ekpú, nké bukyû bu/chi bu-chêe bu-mîng kámbé.