Hozáya 10:6 - Bokyi Bible

⁶ Ba/chi ba-kúng orím-bukye ámu ba-jâ ne mǔ Asyírya wǎ eyáré-byití nyí badakye kiǐtí-otu mú oshê ámu. Ba/chi ba-dángê banet ḿbé Ézerel, ba-fé kámbé éshwân ké bubwô-bacê ḿbé ba/koo.

Hozáya 10:6 Iomraidhean Croise

2 Kyîng 17:3

Otu Shamanéze mú Asyírya o/nwa byití ne nyǐ. Otu Hoshâ o-zú abwô ké bunwa o-kye Otu Shamanéze, ne o-kpet ǎ ekye akpuga-dyishí kángkáng dyije.

JÔP MBWÔP KASHÚ-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 18:7

Byiká emen byi/mû kyísí shwanshwan, nké kántîk, byěm emen ḿbyí mu o-nam m byi-kú byi-chi i ǎ o-kpán o-myii nyǐ oyén.

Azáya 1:29

Byiko byi/chi byi-kpú běn ké ofê mú ba/kye biinchéng-bakye ne byifát-ociring ḿbyí ba/kpang.

Azáya 30:3

Nké otu ámu oo*ba/chi o-já busa ḿbú odachwáp kámbé* ne dyiku ńdyí Éjip nyi e-ku ng kámbé dyi/chi dyi-nyere ké afaníkong.

Azáya 45:16

Éshwân e/chi e-kám kángkáng banet ḿbé mbe ba-chi i erím-bakye. Ba/chi ba-wuri kámbé éshwân ashí amúmú.

Jeryimáya 48:13

Banet ḿbé Mówep ba/chi ba-nyît ba/fu, Kémos mú orím-bukye ebe oo/nîm kámbé wǎ eringe nyí ba/nîm banet ḿbé Ézerel ne Bétel mú mu Osówo mú mbé ba/fé dyityém.

Jeryimáya 7:24

Nké ba*da/chi ńkyí n/sét kámbé* ba-fwôo nang atông ba-jwo mě*. Nké ba/chi ńkyí biinshunshwan ne byibî-atyém ebe byi/sét kámbé byi/fu, bachi, ne ba-bwa esim ésim, ńkyí ba/mû ba/chi ba-ca kashú.

Ezékyel 16:28

Ké nǎ, banet ḿbé áku ba*da ǒ ekwárê* wo a/dim ne banet ḿbé Asyírya erí. Wo a/mû onet-akpara ebe, nké nang mbé ba*da/man echi ńkyí kyi/kwárê ǒ*.

Ezékyel 36:31

Ben ba/chi ba-zîim byibî-édúú enen ne byibî-byěm ḿbyí baa/chi, ne kyi/chi kyi-tyú běn ne byiko enen ké bubwô-byibî enen ne byibî-byěm enen.

Dányel 11:8

Nyǐ o/chi o-kúng erím-bakye ebe o-jâ ne nyǐ Éjip cibicibi ne byěm-ociring ḿbyí ba/chi ké gûl ne syílyíba. Ké nkéré aje nyí bunyîn-dyityém chwóó aa/shwôm,

Hozáya 4:19

Ba/chi ba-kúng kámbé wǎ bufú nké bu/kúng kámbé, ne éshwân e/chi e-wuri kámbé ké bakye ebe ḿbé mbe ba-sháng ng.]

Hozáya 4:7

Eringe nyí ben banchi kyifen ejí bamu ba-jê ng ba-câ, éné to nké byibî ḿbyí bamu ba-chi i mě mbyi byi-jê ng byi-câ, ne ké bubwô ámbu, n/chi m-bírî ofê enen o-firi éshwân.

Hozáya 5:13

Ké nkéré banet ḿbé Ézerel ba/ri eringe nyí mbé ba/mû ba-rwôm m, ne ké nkéré banet ḿbé Júda ba/ri byinêm ebe, nkéré ámu nké banet ḿbé Ézerel ba/dim ba-kâm Asyírya ba-da-bí kiǐtí-otu-oshê ámu ba/fu, ochwáp kámbé. Nké otu ámu o*da/man echi kámbé ba-nyange* o-ju byinêm ebe*.

Hozáya 8:6

Nsîm byěm mú Ézerel nké o/sím orím-bukye, nké orím-bukye ámu oo*chi Osówo*. Ba/chi ba-sé mpong rugirugi mú ba/mee ké gûl, mú banet ḿbé Samérya mbe ba-kyâ kámú ofê.

Máka 6:16

Ńkyín kyi/chi kyi-chi, ké nǎ, ben baa/kúng kyibî-édúú ńkyí Otu Ómiryi ne ńkyí wǎn emen Otu Éhap. Ben bamu ba-câ kashú ne kyiká-bucen ebe, ne ké bubwô ámbu, me n/chi m-bâ běn ne bukyû, ne nang yeě nang yeě o/chi o-jwó běn. [Banet nang bará ba/chi ba-kû běn echi byěm ḿbyí byida běn ewuri éshwân.]