Hozáya 10:5 - Bokyi Bible

⁵ Banet ḿbé mbe ba-kyú u ké oshê mú Samérya ba/chi ba-kûshî, ne ba/chi ba-ta dyikán ńdyí orím-bukye-[otyép-mpong] mú ba/chi ké gûl, mú baa*ba/chi ba-chîri*. Mbé ne banchi kyifen ebe ḿbé mbe ba-fâ orím-bukye ámu ba/chi ba-tii kámú. Mbé ba/chi ba-tii ké nkéré mú bunong emen boo*ba/chi bu-chîkyú kámú ké byiko*.

Hozáya 10:5 Iomraidhean Croise

2 Kyîng 10:29

Nké nyǐ to o/kúng bukwóp-kyibî ńkyí Otu Jérobâm mú o/chi banet-Ézerel ba-róng ké kyibî ńkyí ba/fé bampong ḿbé ba/mee ké gûl, ḿbé o/tî ké Bétel ne ké Dǎn.

2 Kyîng 17:16

Mbé ba/bên kángkáng byije ḿbyí Óburúkpâbí mú mu Osówo ebe, ba-mee bampong bafee ké biǐré ḿbé badakye kámbé ofê. Ba-chi to orím-bukye mú Ashéra mú osówo-onyinyi, ba-kye ékpére ne orím-bukye-Bâl ofê.

2 Kyîng 23:5

O-fîm banchi kyifen ḿbé batu ḿbé Júda ba/mû ba/chi kámbé ba/fu, [bakûchi byifen] ké biinchéng-bakye ké eshê nyí Júda ne ké byikit ḿbyí byi/fárâng Jerúsélem, kángkáng banchi kyifen ḿbé ba/mû ba-chi i byifen ba-kyâ Bâl ne óbyísû ne otukáku ne byěm ḿbyí mbyi kyíbóng ne ékpére.

2 Korónyíkil 11:15

Otu Jérobâm o/cá banchi kyifen ḿbé emen nyǐ oyén o/fu, bakûchi bǎmkpóngé ké biinchéng-bakye, ba-kûkye byibî-bací ne erím-bakye nyí nyǐ o/chi wǎ batyép-mpong ofê.

2 Korónyíkil 13:8

Otu Abyíja o-raa o-ca kashú o/fu, kántîk, ben bamu ba-nam m enwa ne butu ḿbú Óburúkpâbí o/kye bwǎn-Otu Dívit. Ben bamu ne bannwa byití chwóó ne bamu ne batyép-bampong-gûl ḿbé Otu Jérobâm o/chi o/fu, bakyú esówo enen.

Azáya 46:2

Erím-bakye ee*man enyii byiko ebe*. Ba-kám m kányí ba-yip kányí ba-dim ne nyǐ. Nyín nkuli kyikû mú erím-bakye nyí Bábyílon.

Hozáya 13:2

Mbé ba/tôong ba-chi i byibî ba-câ kashú, ké ochi mú mbe ba-chi i erím-bakye-biǐré ba-kyâ kányí ofê, erím-bakye-syílyíba nyí ba/kúng bubong ne abwô nyí banet ne ba-chi. [Ne ba-raa kâng ba/fu, chi n̂g byifen ba-kye kányí. Banet ba-cen n nǎ ne ba-fé erím-bakye ányi ocím, nyí ba/chi wǎ bampong.]

Hozáya 4:15

Nang ké ben banet ḿbé Ézerel ba*da/tî dyityém ne me* kyi/bát banet ḿbé Júda ba*dachi ba-chi dyizong-kyibî ánkyi kyibónge*. *Da n̂g echi ba-kûdakye ofê ké Gyígal ne Bétel*. Nang ocím ké byikit ámbyi ké dyizîn ńkyí Óburúkpâbí mú mu okpó, *da n̂g eryí*.

Hozáya 5:8

Jwá n̂g bantán-byití ké Gyíbya. Wonge ê agurubí ké Ríma. Nyán n̂ byití ké Bétel. Banet ḿbé Běnjámin, nwa n̂g byití.

Hozáya 9:1

Banet ḿbé Ézerel, mîng n̂g ajî-byifen enen echi wǎ banshâng bakye. Ben baa/bírî Osówo enen esim ne ba*da/fé dyityém ne nyǐ*. Ké esí enen emúmú, ben baa/kúng byiko enen ba-shee orím-bukye-Bâl wǎ banet-akpara, ne byiryíng ḿbyí ben ba/kabe ba/fu, o/kpê běn mbyi byi-jê ng běn.

Hozáya 9:11

Kiǐtí-dyizîn ńdyí Ézerel dyi/chi dyi-byí dyi-jâ wǎ kanurung, ne baa*ba/chi ba-chîfwon bwǎn ba-kye kámbé*. Banyinyi baa*koo to afít* bwǎn baa*nung to banyinyi ké afít*.

Émos 3:14

Ké dyicí ńdyí n/chi n-kye banet ḿbé Ézerel busông ké byibî ebe, n/chi m-bên byikit-byifen echi ḿbyí ké Bétel. N/chi m-bú bakô-kyikit-kyifen echi nang kyirá, ne byikit ámbyi kángkáng byi/chi byi-bûu byi-tyem kyísí.

Zefanyâ 1:4

N/chi n-tan bubwô ejí m-bên Júda ne kángkáng banet ḿbé mbe ké Jerúsélem, ne n/chi n-ju onet nang orá mú mu o-fâ orím-bukye-Bâl ne dyizîn ńdyí banchi kyifen emen dyi/chi dyi-tánê.

ÂAK BǍMKPÓNGÉ ḾBÉ BANET-KYITWÓM-JISOS BA/CHI, ḾBÉ BADAKÓ ÂAK 19:27

Be byi/firi kántîk kâng ké kyibî-bukwóp ńkyí bubwô-bǎmkpóngé eten ḿbún bu/chi bu-koo kyibî-dyizîn. *Chí nang ńkyín nké nke* kyibî to nkyi kyi-bâ ńkyí kyise-kyifen echi ńkyí kiǐtí-orím-bukye-osówo-onyinyi Atémyis kii*ba/chi kyi-chîbyí chwǒm* ké achi nyí banet*. Banet baa*ba/chi ba-chî ǎ ekúng wǎ kiǐtí-osówo*. Osówo-onyinyi mú kángkáng banet ḿbé ké Ésha ne ejíí emúmú mbe ba-fâ ǎ.

Jóshwa 7:2

Jóshwa o-twóm banet ké Jéríku o/fu, baca oshê mú odabángê Áyi, ba-da-kyé kyikû kyi-kim ne mǔ. Oshê ámu mu ké kyicê-oshê mú badakó Bétel, ńkyí esû edabyí, fáráng ne oshê mú badakó Betáben. Ké nkéré mú baa/ce ba-bwa esim dyijê,

Jójis 18:24

Máka o-faa kámbé o/fu, kyi/byí nǎ, ńkyí ben bamu ba-bí ng mě ba/fu, ebóng. Ben ba/kúng nchi kyifen-Osówo ejí ne bakye ḿbé mbe ba-bám m mě, ḿbé n/chi, ba-dim ne mbé. Kántîk, me n/waa ne ebóng.