Hozáya 10:2 - Bokyi Bible

² Banet ḿbé atyém ebe a*fí kanong* ba-man ba-ri busông ké dyishí-byibî ebe. Osówo o/chi o-bú byikit-byifen echi ebe, o-bên aká-ociring ebe.

Hozáya 10:2 Iomraidhean Croise

1 Kyîng 18:21

Elája o-kâm kámbé, o-raa ne mbé o/fu, ka-rí i nǎ ne ben ba-nyît ńkyí badachi. Â Óburúkpâbí nké mu Osówo, ben kû n̂g ǎ ekye ofê nyǐ kǎnchí, nké â Bâl nké mu Osówo, ben kû n̂g ǎ efé. Nké banet ámbe ba*da ǎ efaa ojá*.

Ézódos 23:24

*Da n̂g echi ba-tíngê kyísí ké bushú-erím-bakye ebe* ba-fé nang kányí* ne *da n̂g ekúng édúú ebe nyí bakye esháng*. Bên n̂ erím-bakye ebe, ba-sé aká-ociring ebe.

Póróvep 11:18

Bambên atyém ba*fí ne mpún ké chwǒm nang kyibónge* nké â wo amu a-chi i ńkyí nkyi kanong, wo a/chi a-já eyáré ké ntûntû.

Azáya 44:18

Azong-banet ányi a/róng enyam ba-shwôm nyí baa*nyît ńkyí mbe ba-chi i*. Ba-ri ng ntûntû ba-cít achi ne atyém ebe.

Jeryimáya 43:13

O/chi o-bên aká-ociring nyí nyi ké Helópólis, ké Éjip, ne o/chi o-shí byise-byifen echi ḿbyí erím-bakye nyí Éjip.

Ezékyel 14:5

Kángkáng erím-bakye ányi ee/chi banet-Ézerel ba-bírî mě esim. Nké ojá ejí mú n/chi n-faa, n/kabe n/fu, o/chi o-chi kámbé ba-kûchi ńkyí ndasét.

Hozáya 12:11

Nang ké n/kuri kámbé ekó éné, ké Gyílet nké mbe ba-fâ erím-bakye, ne banet ḿbé mbe ba-kyâ kányí ofê ba/chi ba-kpú. Mbe ba-kúng ng batyép-bampong ba-sháng ng bakye ké Gyígal. Byikit-byifen echi ḿbyí mbyi ké oshê ámu byi/chi byi-bírî azu-aká ké byifát ḿbyí baa/kpang.

Hozáya 13:16

M-man n-kye Samérya busông ké bunwa ḿbú o/bírî ne me. Banet emen ba/chi ba-kpú ké byití. Ba/chi ba-kúng bwǎn-bajújwô ba-díp kyísí, ba-tím banyinyi ḿbé mbe ne afít boompyi ké afít bwǎn ba-byí.

Hozáya 3:4

Ké dyizong-bukwóp ḿbún, banet ḿbé Ézerel ba/chi ba-kyú ké kyikim-nkéré chwóó, baa*kyú ne batu nang banet-ashí* baa*ba/chi ba-chi byifen* ba-kyú nang ne aká-ociring* baa*ba/chi ba-kyú ne erím-bakye ne byěm ḿbyí badakúng ba-sô epé*.

Hozáya 7:8

Óburúkpâbí o/raa o/fu, banet ḿbé Ézerel mbe degedege wǎ kyirim-berêt ńkyí kyi*da/bí kanong*. Mbé mbe ba-jêem m esim ne eshê nyí e/fárâng kámbé,

Lyívyítyíkus 26:30

N/chi m-bên byikit enen ḿbyí bamu ba-fâ erím-bakye kyíbóng-eku, m-bên byikit-byifen echi enen ḿbyí bamu ba-shí i burwan n-yip byikwóm-enyam-byiko enen m-pwó ké erím-bakye enen nyí ee/myii. Ké kafâ ejí ńké ka/chi ka-bírî mě,

Máka 5:13

N/chi m-bên erím-bakye enen ne aká-ociring enen. Baa*ba/chi ba-chîkye byěm ḿbyí ben bayén ba/chi ofê*.

Zefanyâ 1:5

N/chi m-man to ne banet ḿbé mbe ba-tíngê e kyísí ba-kyâ mě ofê ké bambwôm-byise, ba-kyâ óbyísû ne otukáku ne ékpére ofê, ne ḿbé mbe ba-tíngê e kyísí to ba-sem m mě, ba-bwa esim ba-da-sem dyizîn ńdyí orím-bukye-Myíkom,

Zákaryâ 13:2

Ké nkéré ámu, me n/chi n-fîm azîn nyí erím-bakye a-byí ké esí ebe, ne onet o*fí mú o/chi o-chîzîim kányí*. Me n/chi m-man ne nang yeě mú mu o-bwom m o/fu, nyǐ o-chi i mkpábé mú odasét byiraa ejí, ne n/chi n-fîm okabe mú banet badatî ba/fu, mbé ba-sháng ng bakye.

Mátyuu 6:24

Onet o*fí mú odaman ekyú ḿgbán mú banchí bafee*. Obónge o-kû ng ǎ ejê o-shwôm mú obónge. O/chi o-kûbángê byitwóm ḿbyí onet obónge, ḿbyí mú obónge oo*bángê*. Ben baa*man ekyú ḿgbán mú Osówo ne mú akpuga ké nkéré obónge*.

LÛK BǍMPÉM ḾBÉ BANONG KYI-KIM NE JISOS KARÂS ERINGE NYÍ LÛK O/SÁNG 16:13

Ḿgbán o*fí mú odaman etî banchí bafee*. Bonchí obónge o-nyîn n ǎ, mú obónge oo*nyîn ǎ*. O-bángê e byitwóm ḿbyí obónge, ḿbyí mú obónge oo*bángê*. Ben baa*man efé Osówo cibicibi ne akpuga*.

Jêmsyi 4:4

Ben banet ḿbé ba*fí ba-kyâ Osówo ofê*. Ben ba*fí ba-nyît ng ba/fu, bucín eryí ne ejíí, ányi kyi/byí, a/firi onet-bushwôn-Osówo*? Nang yeě nké o/fu, nyǐ o-ryí i bucín ne ejíí, onet ámu o-chi i byiko emen o-firi onet-bushwôn-Osówo.

1 Jǒn 2:15

Ejíí e*da běn ekûjê* nang chwǒm kyirá to ńkyí kyi/já ejíí kyi*da běn ekûjê*. Â ejíí nyi e-jê ng běn, ányi ben ba*fí ne kyijé ńkyí Osówo Bonchí ké byiko*.

1 Sámwel 5:4

Ké dyicófóróng, ké orî-dyicí, ba-chîri ba/fu, orím-bukye ámu oo/chîmyii bushú kyísí ké bushú ḿbú mkpukpu-byěm-Osówo. Ńdyí o/chîmyii éné, dyishí ne abwô emen byi/búnê, ne mbyí byi/mû ányi kyísí ké ocím-dyifyi, kyi*da/shwôm omím emen nké o/waa*.