Hozáya 10:12 - Bokyi Bible

¹² Me n/sét kámbé n/fu, chwáp n̂g esí nyí efyîfî ba-kye byiko enen, kwón n̂ kanong echi, ba-fuu banjware ḿbé ofê mú bamu ba-kyâ mě, o/chi o-kye běn. Nkéré oo/fyi mú ben ba/chi ba-bírî ba-kâm mě me mú Óburúkpâbí enen, ne me n/chi m-bâ m-ba-pwó běn banjware ké byiko.

Hozáya 10:12 Iomraidhean Croise

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 105:4

Ca n̂g Óburúkpâbí o-chwáp běn, ba-kye ǎ ofê ba-ca kashú káshu.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 72:6

Kyi/bát otu okyú banet emen wǎ omu mú odana o-pwôo ng ké byifát. Kyi/bát okyú wǎ kyibû ńkyí nkyi kyi-na ng kyi-pwôo ng ké esí.

Póróvep 11:18

Bambên atyém ba*fí ne mpún ké chwǒm nang kyibónge* nké â wo amu a-chi i ńkyí nkyi kanong, wo a/chi a-já eyáré ké ntûntû.

Póróvep 18:21

Nang ebóng ńkyí amu a-raa ng kyi-man n echwáp dyikpen ne kyi-man n ebên dyikpen to. Ké bubwô ámbu, a-man a-koo nang ebóng ńkyí kyi/byí ké byiraa eyên.

Ekyilyizátes 11:6

Kwón byěm ké dyicófóróng ne ké dyikurúku to. Wo aa*tigi a-nyît â mbyí kángkáng byi/chi byi-kán kanong* a-nyît nang kakíri a/fu, kyicê kyi/chi kyi-chi kanong kyi-shwôm ńkyí áku*.

Azáya 30:23

Nang nkéré orá nké ba/kwón byíkwôn, Óburúkpâbí o/chi o-twóm omu o-chi kámbyí byi-kán ne o/chi o-chi kámbyí byi-bát, ne bampong enen ba/chi ba-já biǐbyâa chwóó ḿbyí badaryí.

Azáya 31:1

Banet ḿbé mbe ba-câ ba-kâm Éjip ba/fu, echwáp kámbé, mbe ké busông. Mbé mbe ba-jêem m esim ké busa-byití ḿbú Éjip, ké bubyî-orá ebe ne bamútu-byití ebe ne basúja ebe. Nké ba*da/jêem esim ne Osówo Óburúkpâbí mú onong mú Ézerel* ba-bí ǎ nang obî ba/fu, ochwáp kámbé*.

Azáya 32:20

Nang yeě nang yeě o/chi o-kyú ké bunyîn-dyityém, ké nǎ, omu o/chi o-firi chwóó mú byíkwôn byidakán ne byikit-biǐbyâa ḿbyí byinong byinong ké kángkáng byikit ḿbyí boonyam-atû ne bampong byidaryí.

Azáya 44:3

Esí nyí nyi e-ryuu ng omu n/chi n-kye kányí omu, n-chi buce bu-sen ké esí nyí ee/jwóm. N/chi n-kye bwǎn enen busa ejí, n-jware kyikû-banet enen.

Azáya 45:8

N/chi n-twóm dyikpóge dyi-fím kyíbóng wǎ omu. Ejíí e/chi e-bâa e-koo kándyí, ne e/chi e-firi ké byiko emen, e-kûchi byěm ḿbyí ee*ryí acît*. Me Óburúkpâbí n/chi n-chi ńkyín kyi-chi.

Azáya 48:18

 ben ba/mû ba/fwôo atông ba-jwo byije ejí, banjware ba/mû ba/chi ba-sen ba-kâm běn wǎ kace ńké kaa*núng*. Ben ba/mû ba/chi ba-kpógê wǎ eringe nyí bunâng-baya ḿbé baryên budatím ké bukô emen kángkáng nkéré.

Azáya 5:6

N/chi m-mîng biǐbyâa byi-kán ké nkyí. Nn*tóbê byire emen* nang ecing emen mm*bwât kányí m-kpang*. Nké n/chi m-mîng nnyamefám o-cít kánkyí. Nang omu mm*ba/chi m-bángê kámú o-na ké nkyí*.

Azáya 54:14

Acît nyí aa*ryí* ne kanong echi byi/chi byi-chi ǒ a-shwane. Ocît ne bushî bii*ba/chi byi-ta ǒ*.

Azáya 55:6

Kántîk mú Óburúkpâbí mu fáráng, bírî n̂g ba-kâm ǎ, ba-fé nshwam ba-kye ǎ.

Jeryimáya 50:4

Óburúkpâbí o/sét o/fu, â nkéré ámu o/fyi, banet ḿbé Ézerel ne ḿbé Júda ba/chi ba-kpet etii ba-kyé ng mě me Osówo ebe ba-bâ.

Ezékyel 34:26

Me n/chi n-jware kányí m-mîng kányí e-kyú e-wáp kaku-ociring ejí. Ányi nké n/chi n-jware kányí ne kyibû ké nkéré edaryuu kánkyí.

Hozáya 12:6

Ké bubwô ámbu kántîk, ǎ kyikû-banet ńkyí Jekôp, fé n̂g dyityém ké Osówo enen, ba-bwa esim ba-kâm ǎ. Tông n̂g dyityém ecángê, baa*ryí acît* ba-bám degere ba-mîng Osówo enen o-chi ńkyí o/fu, nyǐ o-chi i.

Hozáya 14:1

Hozáya o/fu, banet ḿbé Ézerel, bwa n̂g esim ba-kâm Osówo Óburúkpâbí enen. Kyibî enen kii/chi běn ba-kpán dyícíring ba-myii.

Hozáya 6:3

Kyi-nwa ng ńkyí be byidakan byi-nyît Óburúkpâbí. Be byimu byi-nyît ng byi/fu, nyǐ o/chi o-bâ o-kâm bě wǎ eringe nyí byimu byi-nyît ng byi/fu, dyicí ndyi dyi-câ, wǎ eringe byimu byi-nyît ng to byi/fu, omu-kyifang o-na ng esí e-jwâa.

Hozáya 8:7

 mbé ba/kwón byěm ké kyikit ńkyí nkyi kafâ dyikáá wǎ bufú, ba/chi ba-fuu kyibî-chwǒm wǎ afú nyí aryên. Kyifát-esang-byichí ńkyí kii*kán esang* kii*man echi berêt nang obónge*.  nang kyi/bwa kyi-kán esang, bacinbánet nké ba/chi ba-ryí kányí.

Émos 5:15

Kyibî kyikû běn esa kafâ, kyinong kyikû běn ejê ba-kûsét ntûntû ké esuk. Katô Osówo Óburúkpâbí mú o/rêe o-shwôm o/chi o-ri banet ḿbé oshê mún, ḿbé ba/tôong bakpó bafip.

Émos 5:4

Óburúkpâbí o/sét banet ḿbé Ézerel o/fu, bâ n̂g ba-kâm mě, ne ben ba/chi ba-kpen.

Émos 5:6

Bâ n̂g ba-kâm Óburúkpâbí, ne ben ba/chi ba-kpen. Â ba*da/bê* nyǐ o/chi o-shí banet ḿbé Ézerel wǎ okwâ, baa*kpá byiko*. Okwâ ámu o/chi o-shí banet ḿbé Bétel, ne onet o*fí mú o/chi o-man erîp kámú*.

Émos 5:8

Óburúkpâbí nké o/chi azu-ékpére nyí badakó Pyilyâdas ne Oráyan. Nyǐ mu o-chi i kyifip kyi-bírî dyicí, o-chi dyicí dyi-bírî buchú. Nyǐ mu o-kó ng omu mú mu ké baya ḿbé baryên o-yip kámú o-pwó ké esí. Nyǐ o-bángê e Óburúkpâbí.

LÛK BǍMPÉM ḾBÉ BANONG KYI-KIM NE JISOS KARÂS ERINGE NYÍ LÛK O/SÁNG 13:24

yip n̂g busa enen kángkáng ba-kan eringe nyí badashwôm ké dyifyi ńdyí dyi*da/rêe*. Ké ebóng, me mu n-sét ng běn ké ntûntû n/fu, banet chwóó ba/chi ba-kan ba/fu, mbé ba-nung ng, nké baa*ba/chi ba-man enung*.

ÂAK BǍMKPÓNGÉ ḾBÉ BANET-KYITWÓM-JISOS BA/CHI, ḾBÉ BADAKÓ ÂAK 2:18

Âa, nang básóng ejí me n/chi n-twóm Busun ejí bu-kâm kámbé ké ací ányi, ne mbé ba/chi ba-sét banet kyitwóm ejí.

2 Koríntyan 9:10

Ne Osówo mú mu o-kyâ nkwôn esang-byichí esang-byichí nyí mu o-kwón n ne byiryíng ḿbyí mu o-ryí i, o/chi o-kye běn to kángkáng esang-byichí nyí bamu ba-ryuu ng, o-chi kányí to e-kán, eringe nyí edazím kanong kanong ké bubwô-dyityém enen ecángê.

Jêmsyi 3:18

Nké kanong echi nke wǎ esang-byichí nyí e/fím ké byichí ḿbyí banet ḿbé mbe ba-chi i byěm-bunyîn-dyityém ne barî-banet ba/kwón ké bunyîn-dyityém.