Hozáya 1:5 - Bokyi Bible

⁵ Ké nkéré ámu, n/chi n-chi busa ḿbú byití enwa ḿbú Ézerel bu-man, ké owo mú Jézerel.

Hozáya 1:5 Iomraidhean Croise

2 Kyîng 15:29

Kyi/mû ké nkéré mú Otu Péka o/mû otu nké Otu Tyígalat-Pyílese mú otu mú Asyírya o/koo eshê nyí Éjon ne Ébel-Bét-Máka ne Jánwa ne Kédeshi ne Házo ne byikim-esí ḿbyí Gyílet ne Gályílyi ne Nafatályi, o-kám banet o-dim ne mbé Asyírya wǎ básóng.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 37:15

Nké mbé bushwám ebe bu/chi bu-ju kámbé mbé bayén, ne báre ebe ba/chi ba-byíryî cogecoge.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 46:9

Nyǐ mu o-kám m byití ké ejíí emúmú. Nyǐ mu o-bún n báre, o-bên n byíbye. Ne mu o-fâ édem ké okwâ e-shí kángkáng.

Jeryimáya 51:56

Baa/bê ebên Bábyílon. Baa/kám basúja emen, ba-bún báre ebe. Me n-chi i Osówo mú odakye kyibî busông, ne n/chi n-chi ńkyí kyi/kwárê ne Bábyílon.

Ezékyel 39:3

Me n/chi n-díp búre emen ḿbú o/níbî bubwô-eku bu-róng, ne abán nyí o/níbî ké bubwô-etyebéng a-fem ǎ a-róng.

Hozáya 2:18

Ké nkéré ámu, me n/chi n-ryí ocím ne kángkáng enyam ne bunurung eringe nyí bii*ba/chi byi-chîbên byifát ḿbyí banet ejí*. Me n/chi n-fîm to kángkáng byiyám-byití ké esí ebe, kángkáng bushwám ne báre, ne n/chi m-mîng banet ejí ba-kyú ké bunyîn-dyityém, chwǒm kii*ta kámbé*.

Jóshwa 17:16

Mbé ba-faa ǎ ba/fu, esí nyí eku éku ee*kwárê bě* nké banet-Kínan ḿbé mbe ba-kyú u ké ndege-esí mbe ne bamútu ḿbé bubyî-orá budatut, ḿbé ba/chi ké biǐré, cibicibi éné ne ḿbé mbe ba-kyú u ké Bét-Shân ne eshê nyí e/wáp kámbé e-fé ké kafâ ne ḿbé mbe ba-kyú u ké owo mú Jézerel.

Jójis 6:33

Banet-Médyan kâng ne ḿbé Amálek ne byikû-banet ḿbé mbe ba-kyú u ké kyikim-dyikán ba-cibi barî, ba-nyáng Jódan, ba-ba-bi bampyep-byití ebe ké owo mú Jézerel.