Hozáya 1:4 - Bokyi Bible

⁴ Óburúkpâbí o/sét Hozáya o/fu, fé ǎ dyizîn ńdyí badakó Jézerel, ké nǎ, kii*rí to ne n-kye otu mú Ézerel busông* ké bubwô-banet ḿbé bonchí emen mú kpákpá mú odabángê Otu Jéhu o/ju ké Jézerel. N/chi n-chi [kyikû-butu ńkyí Otu Jéhu] kyi-man.

Hozáya 1:4 Iomraidhean Croise

2 Kyîng 10:1

Bajam-banet ḿbé kyikû-banet ńkyí Otu Éhap ba/mû bachât esim diǐkpú ḿbé ba/mû ba-kyú u ké oshê mú Samérya. Otu Jéhu o/sáng léta o-kye banet ḿbé ba/mû ba-tún n [oshê ámu] ne biǐtí-banet-oshê ámu ne banet ḿbé ba/mû ba-tún n kyikû-banet ńkyí Otu Éhap. O/sáng léta ámu něen o/fu,

2 Kyîng 10:17

Ké nkéré ba/ribi áku, Otu Jéhu o/ju kángkáng bwǎn-bané ḿbé Otu Éhap, nang obónge o*da/mîng*. Něen nké Óburúkpâbí o/mû o/sét Elája o/fu, kyi/chi kyi-chi.

2 Kyîng 15:29

Kyi/mû ké nkéré mú Otu Péka o/mû otu nké Otu Tyígalat-Pyílese mú otu mú Asyírya o/koo eshê nyí Éjon ne Ébel-Bét-Máka ne Jánwa ne Kédeshi ne Házo ne byikim-esí ḿbyí Gyílet ne Gályílyi ne Nafatályi, o-kám banet o-dim ne mbé Asyírya wǎ básóng.

2 Kyîng 15:8

Ké aje bujam esim onyiryiká ne achât nyí Otu Ozáya o/ryí butu ké Júda, Zákaryâ mú wǎn-Jérobâm mú nnyinyěng o/ryí butu ké Ézerel, ne o/kyú otu ké Samérya ké etukáku nyâchât.

Azáya 7:14

Kántîk kâng Óburúkpâbí oyén o/chi o-tông ǒ ekap. Búsé ḿbú mbu ne dyifít bu/chi bu-fwon wǎn, ne ba/chi ba-fé wǎn ámu dyizîn ńdyí badakó Émánwel, ányi kyi/byí, Osówo mu ne be.

Azáya 8:3

Ké nkéré mú ńkyín kii/shwôm, onyi-Azáya o-koo dyifít. Ké nkéré mú ba/fwon wǎn-onyinchéng ámu, Óburúkpâbí o/raa ne Azáya o/fu, fé wǎn ámu dyizîn ńdyí badakó Oshê ekpógê Babap ba-bên n Kámú Ochéé Óchee.

Azáya 9:6

Ké nǎ, baa/fwon bě wǎn. Baa/kye bě wǎn-onyinchéng, ne nyǐ o/chi o-kyú bě otu. Ba/chi ba-kû ǎ ekó [Kiǐtí-]Nkye Bacê, ne Osówo mú o/rêe o-shwôm, ne Bonchí mú ne Banyá, ne Wǎn-Otu mú Bunyîn-Dyityém.

Jeryimáya 20:3

Ké orî-dyicófóróng, ké nkéré Páshu o/zú mě abwô ké bamgbokobá ḿbé ba/fé mě, me n-sét ǎ n/fu, Óburúkpâbí o*da ǒ efé dyizîn ńdyí mbe ba-kó ng ǒ Páshu*. Dyizîn ńdyí nyǐ oo/fé ǒ dyi-bángê e Bushî ké Kángkáng Byikit.

Jeryimáya 23:2

Něen nké Osówo Óburúkpâbí mú Ézerel o/raa kyi-kim ne batu ḿbé ba/mû ba/chi ba-kûtún banet emen, o/fu, ben ba*fí ba-tún n banet ejí*. Baa/chi kámbé ba-pwôo byiryibyiryi, ba-ró kámbé ba-twóp kyíjí. Kántîk n-kú m-bâ běn ekye busông ké kyibî ńkyí baa/chi.

Jeryimáya 3:8

Júda to o/ri o/fu, me m/man dyibé ne Ézerel, n-ró ǎ, ké nǎ, nyǐ o/né mě, o-bírî onet-akpara. Nké Júda mú wǎn-boné-onyinyi mú Ézerel, mú o*da/fé dyityém ne me* o*da/shî*. Júda to o/bírî onet-akpara,

Ezékyel 23:10

Mbé ba/két ǎ osíndyíbang. Ba-kám bwǎn emen ḿbé banyinchéng ne ḿbé banyinyi, ne ba-ju ǎ kâng ké kashwám. Banyinyi kángkáng byikit ba/raa oraa óraa kyi-kim ne bukyû emen.

Ezékyel 23:31

Wo a/cen ké byiká-bucen ḿbyí wǎn-boné eyên, ne ké bubwô ámbu, me n/chi n-kye ǒ dyizong-mmîk-busông ámu a-jwáp.

Hozáya 1:6

Góma o-chîfwon nnyinyěng-wǎn, ntáng mún kyi/mû wǎn-onyinyi. Óburúkpâbí o-sét Hozáya o/fu, fé ǎ dyizîn ńdyí badakó Baa*tông ǎ Kyijé*. Ké nǎ, mm*ba/chi n-chîtông kyijé ne banet ḿbé Ézerel* nang opwoo to mm*pwoo to kámbé*.

Hozáya 1:9

Óburúkpâbí o-sét Hozáya o/fu, fé ǎ dyizîn ńdyí badakó *Chí Banet ejí*. Ké nǎ, banet ḿbé Ézerel baa*chi banet ejí* ne me to nn*chi Osówo ebe*.

Hozáya 2:13

Me n/chi n-kye ǎ busông ké bankéré ḿbé o/ráp mě ké nkéré mu o-shí i burwan o-kyâ Bâl, o-fâ byibwáng emen o-kyé ng bákyî emen o-câ. Óburúkpâbí nké o/raa.

Hozáya 9:17

Hozáya o/fu, Osówo mú me mu n-fâ ǎ o/chi o-né banet emen, ké nǎ, mbé ba*da/fwôo atông ba-jwo ǎ*. Mbé ba/chi ba-firi banet ḿbé badacen ba-yêe ng ké eshê-banet.

Émos 9:8

Me Osówo Óburúkpâbí mu n-ri ng butu ḿbún ḿbú Ézerel, ḿbú mbu bu-chi i byibî, ne n/chi n-chi kámbú bu-man ké ejíí. Nké mm*ba/chi n-ju kángkáng kyikû-banet ńkyí Jekôp*.

Mátyuu 1:21

Nyǐ o/chi o-fwon wǎn-onyinchéng, ne wo a/chi a-fé ǎ dyizîn ńdyí badakó Jisos, ké ebóng, wǎn ámu o/chi o-nyii banet emen ké byibî ebe.

LÛK BǍMPÉM ḾBÉ BANONG KYI-KIM NE JISOS KARÂS ERINGE NYÍ LÛK O/SÁNG 1:13

Nké orím mú onong ámu o/raa ne nyǐ o/fu, *dachi a-shî* ǎ Zákaryâ*. Osówo oo/jwo nshwam eyên. Onyi eyên Elízábet o/chi o-fwon ǒ wǎn-onyinchéng. A/chi a-fé ǎ dyizîn ńdyí dyidabángê Jǒn.

LÛK BǍMPÉM ḾBÉ BANONG KYI-KIM NE JISOS KARÂS ERINGE NYÍ LÛK O/SÁNG 1:31

Wo a/chi a-koo dyifít a-fwon wǎn-onyinchéng, ne a/chi a-fé ǎ dyizîn ńdyí dyidabángê Jisos.

LÛK BǍMPÉM ḾBÉ BANONG KYI-KIM NE JISOS KARÂS ERINGE NYÍ LÛK O/SÁNG 1:63

Zákaryâ o/fu, bakye ǎ kiǐbáá-nwet. Ne o-sáng ányi o/fu, dyizîn emen dyi-bángê e Jǒn. Kángkáng banet kyi/chi kámbé wǎ chwǒm-akat.

JǑN BǍMPÉM ḾBÉ BANONG KYI-KIM NE JISOS KARÂS ERINGE NYÍ JǑN O/SÁNG 1:42

Ne Ánduru kâng o-kpî Sámon o-da-tông ǎ Jisos. Jisos o-tún Sámon dííng o-nyît dyityém emen, ne o-raa ne nyǐ o/fu, wo a-bángê e Sámon mú wǎn-Jǒn. Dyizîn eyên dyi/chi dyi-kûbángê Séfas. Ńdyín ndyi eringe ebónge wǎ Pyíta, ne kyikû emen kyi/byí, buká.

Jóshwa 19:18

Esí ányi e/cít Jézerel ne Késolot ne Shúnam