Pyɛɛd yii Mɛkɛn 2:6 - Ɛbhɛŋ ɛ na Bes

⁶ Gwakeka sa ekwyala di elɛɛ ɛ: «Mɛ eetɔ́ ɛkok di eval, tin, mɛ eenɛɛg yɛ tɔ ghaada Siyɔ dáa ɛkok dyeebadi e tuma e sok bɛ di esum ndjaŋ ɛ, deenek, mot aadum koŋ nɛ yɛ ɔ, nyɛ aanàdi nɛ ndjɛ.»

Pyɛɛd yii Mɛkɛn 2:6 Iomraidhean Croise

Matye 12:18

«Zɛɛb lɛɛ ɛ́ náá: “Beea mot-mɛsa mam mɛ nasɛ́ɛ ɔ, mot mɛ di ekwyɛl ɔ. Lyem'am ɛ́ tɔ mɛmyaala kɔ ɛsu ɛ lɛ. Mɛ waawa Sisim'am tɔ lɛ. Tin, nyɛy ɛ́ aapagoola nɛ bot ɛ membyak djas, epiki bam mɛ aadhis ɛ.

Malak 12:10

Bi nabɛ ààlaa mɛkpa mak tɔ ekwyala? “Ɛkok ɛ bɛsumel mwas ɛ, moo ɛ́ ɛkok di epyet ndjaŋ ɛ.

Mbɛɛ Bhaadal ɛ Luk 20:17

Bhii tak Yezu eezɛliig mis, gwyák bɛ. Nyɛy nɛ nɔɔ náá: «Mɛkpa mɛ di kwyala tɔ mɛkana'aak kwyɛl ɛlɛɛ yé “Ɛkok ee bɛzumel mwas ɛ, moo ɛ́ ɛkok di epyet ndjaŋ ɛ”?

Mbɛɛ Bhaadal ɛ Luk 23:35

Mɛdhuu mɛ bot nadi ɛ́, tin é bee. Ekukuma e eYuda moo é gɔ nɛ duk ɛ́ nyɛ. Bɔɔ náá: «Nyɛ naatsik bot ɛsis. Nyɛ kaa tsik nyel'ɛ ɛmet, yɛ bɛ náá, nyɛ ɛ́ Mɛsia Zɛɛb natɔ ɔ!»

Mbɛɛ Bhaadal ɛ Zaŋ 7:38

Mot ɛ dum koŋ nɛ nam ɔ, “etok mɛdii mɛ di djɛ tsik ɛ waawo tɔ lɛ”, dáa ekwyala di lɛɛ ɛ.»

Mɛsa 1:16

«Bɔn ɛ nyɛɛg bam, ye bɛ ɛ́ yɛ eegoka náá, sa Sisim na Dɛɛ naloolɛɛ tɔ ekwyala e Zɛɛb ɛ sɛɛ. Pɛ tɔ nuub ɛ Dhavid, nyɛ naaloolii dum nɛ Yudas náá. Ye ɛ́ Yudas ɛ nadul bot ɛ nazɛmɛt Yezu ɔ.

Loma 10:11

Ekwyala lɛɛ ɛ́ náá: «Mot aadum koŋ nɛ Zɛɛb ɔ, nyɛ aanàkwadhuselaa.»

Efɛɛz 1:4

Tin, ɛsok nɛ bhwak nɛ kusel, Zɛɛb naazeloozesɛ́ɛ mena étɛp mena needika bot bɛ, étɛp mena needi dɛɛ ààbɛ nɛ ɛbɛk. Tɔ boo lyem kwyɛl'ɛ.

Efɛɛz 2:20

Bi moo ɛ́ bi moo bi eezebeega nyɔ'ak kɔ sɔ étɛp ɛsum ndjaa. Deenek, mɛkok mɛ ɛsuk ɛ zumal ndjaa tak ɛ bot ɛ lwoma nɛ bɛngoolel-mɛkpa Zɛɛb. Yezu Klisto, nyɛy nyɛ ɛmet kadi ɛ́ ɛkok di epyet ndjaŋ ɛ.

Timote yii Bɔɔba 3:16

Tɔ ekwyala bɛ na Dɛɛ djas, ye ɛ́ Zɛɛb ɛ nadjɛ bot etsoŋ e ɛkwyal ɛ yɛ, ye ɛ́ nɛ boo mɛtaŋ étɛp ɛlyo bot etsɛɛtsɛ. Étɛp ɛlyaal ɛ mot ɛdjak ɛ lɛ, nɛ ɛbulal ɛ bot sa ɛbiyo ɔ e ze, dɔɔ nɛ ɛlyaal ɛ mot tsik Zɛɛb di ekwyɛl ɛ.

Pyɛɛd yii Mɛkɛn 2:4

Tin, tiilaka pɛ daa Ghɛŋ, etɛɛ náá nyɛy ɛ di ɛkok ɛ di nɛ tsik. Nyɛy ɛ di ɛkok ɛ bɛsumel mendjaa namwas ɛ. Bela náá, Zɛɛb ɛ natɔ́ nyɛ, nyɛ naabee náá, nyɛ ɛ́ sa goŋ e mis mɛ.

Pyɛɛd yii Mɛkɛn 2:8

Deenek, ye bɛdhiiti edi bɛ lɛɛ ɛ náá: «Ye ɛ́ ɛkok ɛ di esa náá, bot bema ɛbɛk ɛ, ye ɛ́ ɛkok di ekwyeesal bot ɛ.» E di'enek, bot ɛpeduma e tak etɛɛ náá, bɛ ɛpebyen ɛmyaal nɛ mɛkpa mɛ Zɛɛb. Sa bɛ di egoka nɛ ɛboma nɛ ye ɛ́, ye ɛ́ yenek.

Pyɛɛd yii Bhɔɔba 1:20

Tin, bi goka ɛ́ nɛ gu náá, mot tok nɛ ghwyil ɛgoola mɛkpa ɛ Zɛɛb dáa lyem ɛ kwyɛl ɛ.

Pyɛɛd yii Bhɔɔba 3:16

Nyɛ zoolɛɛ sa wat tɔ bɛmɛkana mɛ djas ee nyɛ di elii tɛp'ak ɛ. Tin, ye ɛ́ nɛ mɛlaŋel dinaa bot ɛ àànyɔ ɛtiibal ɛ. Bot ɛ di ààgu sonok ɔ, ààtɔ́ mɛdjek ɔ, nɛ dyeebakwyel ɛlet mɛsuk mɛ tak. Deenek, bɛ nɛ mɛfulu mɛ ɛsa yɛ nɛ bɛdhiiti ekwyala na dɛɛ. Tin, bɛ saab ɛ mɛnyel mɔɔ.