Koolɛt yii Bɔɔba 3:3 - Ɛbhɛŋ ɛ na Bes

³ Tsɛɛtsɛ, ye ɛ́ popoopwon náá, bi ɛ́ mɛkana ɛ Klisto nazekwyal da bis ɛzyɛ nɛ ye ɛ́. Tin, mɛkana mɛ tak ààpakwyalaa nɛ kwos, ye nakwyalaa ɛ nɛ Sisim Zɛɛb di nɛ tsik ɛ. Ye nabɛ ɛ́ ààkwyalaa kɔ ɛkok dáa etsi ɛ Moiiz nakwyalaa ɛ. Tin, ye nakwyalaa ɛ́ tɔ ebhum elyem bot.

Koolɛt yii Bɔɔba 3:3 Iomraidhean Croise

Ebele 8:10

Ghɛŋ ke ɛ́ náá: Beeka ɛbhɛŋ ɛ mɛ aasa nɛ bot ɛ mbyak Yisalaɛl ɛ, bhis mɛlu menek, mɛ aakwyal mɛtiŋ mam tɔ esiiza bɔɔ, mɛ aasɔn mɛtiŋ mam tɔ ebhum elyem bɔɔ, mɛ aadi ɛ́ Zɛɛb'ɔɔ, tin, bɔɔ kadi ɛ́ bot ɛ mbyak'am!

Ebele 10:16

«Ghɛŋ ke ɛ́ náá: Beea Ɛbhɛŋ ɛ mɛ aasa nɛ nɔɔ ɛ, bhis mɛlu menek, Mɛ aakwyal mɛtiŋ mam ɛ́ tɔ ebhum elyem bɔɔ, Mɛ aasɔn yɛ tɔ esiiza bɔɔ.

Koolɛt yii Bɔɔba 6:16

Yak mbi ɛgwakel aadi pak ndjaa Zɛɛb nɛ mendjaa bɛnaghisɛ, bot ɛ di ààdum koŋ nɛ Zɛɛb ɔ? Tin, menaka ɛ́ ndjaa Zɛɛb di nɛ tsik ɛ! Gwaka sa Zɛɛb nyɛy nyɛ ɛmet nalɛɛ ɛ: «Mɛ aadidi ɛ́ bis nɛ bɛ nɔɔ, mɛ aagyee ɛ́ bis nɛ bɛ nɔɔ, mɛ aadi ɛ́ Zɛɛb ɔɔ, bɔɔ kadi ɛ́ bot bam.»

Ebele 9:14

Ye ɛ́ bɛ náá, ye ɛ́ tsɛɛtsɛ ɔɔ, ghiya ɛ Klisto eedhaa yenek boo dhaŋa. Nɛ ghwyil Sisim na Dɛɛ, Klisto eeka nyel ɛmet nɛ Zɛɛb dáa tɛtɛ buwa di ààbɛ nɛ djam ɛ. Ghiya yɛ waagwyii elyem ee zeepulel nɛ mbee mɛsa mɛ di dul mena tɔ ɛsyee ɛ. Étɛp mena neesaka mɛsa mɛ Zɛɛb mot di nɛ tsik ɔ.

Tɛsalonik yii Mɛkɛn 1:9

Bot djas ɛpelii dáa bi nabe bis é sok bis nadi pɛ yebɔ ɛ, nɛ dáa bi nakat ɛduwal ɛ bɛzɛɛb ɛ ekpaka-kpaka étɛp ɛdum ɛ koŋ nɛ Zɛɛb. Nyɛ ɛ́ tɛtɛ Zɛɛb, mot di nɛ tsik ɔ.

Matye 16:16

Tin, Simɔŋ Pyɛɛd zɛbɔɔza náá: «Wɔ ɛ́ Mɛsia, Mɔn Zɛɛb di nɛ tsik na kɔm-kɔm ɔ.»

Etɛp ɛ Sisim Zaŋ na bee 3:22

«Beta náá, mot di nɛ mɛlɔ ɔ, nyɛ gwak, sa Sisim di elɛɛ nɛ ezɛɛga mendjaala ɛ!»

Etɛp ɛ Sisim Zaŋ na bee 2:18

«Kwyala fofop ndjaa mendjaala ghaada Tyatiid mɛkana náá: «Mɔn ɛ Zɛɛb, mot mis mɛ di egel dáa boo ngel du ɔ, mot mɛko mɛ di tɔɔbelaa dáa gwooz tɔ boo du lɛɛ ɛ́ náá:

Etɛp ɛ Sisim Zaŋ na bee 2:8

«Kwyala fofop ndjaa mendjaala ghaada Similin mɛkana náá: «Mot di mɛkɛn nɛ mɛsik ɔ, mot nagwyɛ da gom ɔ, lɛɛ ɛ́ náá:

Etɛp ɛ Sisim Zaŋ na bee 3:14

«Kwyala fofop ndjaa mendjaala ghaada Filadhɛlfi mɛkana náá: «Mot di edjóoaa Amɛn ɔ, sosoob tsaa-sɛs ɔ, etsɛɛtsɛ ɔ, mot mɛkɛn kɔ esa ee Zɛɛb nakus kɔ bhwak ɔ lɛɛ ɛ:

Etɛp ɛ Sisim Zaŋ na bee 3:7

«Kwyala fofop ndjaa mendjaala ghaada Filadhɛlfi mɛkana náá: «Mot eDɛɛ, mot etsɛɛtsɛ lɛɛ ɛ, nyɛ ɛ́ mot di nɛ sap ɛ mɛkoozi Dhavid ɔ, é ghɛŋ nyɛ di edi ɛ, ye tok nɛ mot aadiyal, é ghɛŋ nyɛ di ediyal ɛ, ye tok nɛ mot aadii:

Etɛp ɛ Sisim Zaŋ na bee 2:12

«Kwyala fofop ndjaa mendjaala ghaada Pɛɛlgham mɛkana náá: «Mot di nɛ pɛl na wol-wol é mbɔ ɔ lɛɛ ɛ́:

Etɛp ɛ Sisim Zaŋ na bee 2:1

«Kwyala fofop ndjaa mendjaala ghaada Efɛɛz mɛkana náá: «Mot di nɛ ekwyikwyen etɛn nɛ ebá tɔ mbɔ e ghɛŋ bɛ ɔ, mot di ekɛ kuku dhiiti sa di kɛlaa elama etɛn nɛ ebá nalulaa nɛ lɔɔd ɔ, lɛɛ ɛ́ náá:

Etɛp ɛ Sisim Zaŋ na bee 3:1

«Kwyala fofop ndjaa mendjaala ghaada Saad mɛkana náá: «Mot di nɛ eSisim etɛn nɛ ebá e Zɛɛb, nɛ ekwyikwyen etɛn nɛ ebá ɔ lɛɛ ɛ: Mɛ nɛ gu mɛsa mɔ, mɛ nɛ gu náá, wɔ ɛ́ nɛ dék dáa mot di nɛ tsik ɔ, ghuna wɔ eezegwyɛ.

Koolɛt yii Mɛkɛn 3:5

É di'enek, Apolɔs ɛ́ zɛ? Pɔl ɛ́ zɛ? Bisɔ djas ɛ́ bot ɛ mɛsa ɛ Zɛɛb, bi daŋ ɛ é ze yis etɛɛ náá, bi needum koŋ nɛ Zɛɛb. Tin, mot nɛ mot sa ɛ mɛsa mɛ Ghɛŋ nadjɛ nyɛ ɛ́.

Koolɛt yii Bɔɔba 3:6

Ye ɛ́ nyɛy ɛ́ nasa náá, mena dika bot ɛ mɛsa tɔ ɛbhɛŋ ɛ lɛ na bes. Ɛbhɛŋ ɛ tak ààbela ɛsuk tɔ etsi, ye bela ɛsuk ɛ tɔ Sisim. Etɛɛ náá, tsi dul bot ɛ tɔ ɛsyee, yɛ kabɛ Sisim ɔ, ye djɛ bot ɛ tsik.

Koolɛt yii Bɔɔba 3:7

Etsi nakwyalaa ɛ́ kɔ mɛkok, deenek, duma ɛ Ghɛŋ naanyen é ɛwala ɛlenek. Bhwoob ɛ Moiiz nadi ekas kɔkɔ mbi mɛkas mɛ wat di náá, bot ɛ Yisalaɛl nabɛ ɛ́ ààbela ghwyil ɛdhonal mis kɔ lɛ, étɛp ɛbee nyɛ. Tin, mɛkas mɛ tak nabɛ ɛ́ ààbɔya. Mɛsa mɛ etsi tak dul bot ɛ tɔ ɛsyee. Eghɛŋ mɛsa mɛ di edul bot tɔ ɛsyee natuula ɛ, ye naalyaal bot náá, duma Zɛɛb ɛ nɛ boo mɛkas.