Lucas 4:18 - Romblomanon

¹⁸ “Ang Espiritu ng Dios yari sa akon, kay gingpilì niya ako nga magwali ng Maayong Balità sa mga pobre. Gingpadaya niya ako diri para ibalità sa mga ginggapos ni Satanas nga buhian sinda ng Dios kag sa mga buta para makakità na sinda. Gingpadaya niya ako para buligan ang mga ginadaog-daog,

Lucas 4:18 Iomraidhean Croise

Mateo 11:5

Hambaya nindo siya nga ang mga buta nakakità, ang mga pakì nakapanaw, ang mga may sakit nga kitong nag-ayo, ang mga bungoy nakabatì, ang mga patay nabanhaw kag ang Maayong Balità ginawali sa mga pobre.

Mateo 12:18

“Imaw ini ang akon gingpilì nga miyugserbisyo. Pinalanggà ko gid siya kag nalilipay gid ako sa iya. Itatao ko sa iya ang akon Espiritu. Iwali niya sa tanan nga mga nasyon ang hustisya.

Mateo 12:20

Indì niya pagpasakitan ang mga maluya sa pagtuo, o pagduyaon ang paglaom ng mga nagaduha-duha. Indì siya magpara hasta nga matuman gid ang kabubut-on ng Dios.

Mateo 4:16

Pero aber ang mga tawo sa ini nga mga lugar hay yarà sa maduyom, makakakità na sinda ng kahayag. Kag ang yarà sa maduyom nga nahahadlok sa kamatayon, mahahayagan na sinda.”

Mateo 5:3

“Bulahan ang mga tawo nga nagakilaya nga maluya ang inda pagtuo; kay makapasakop sinda sa paghaharì ng Dios.

Lucas 4:17

Gingtao sa iya ang nakalukot nga gingsulat ni Propeta Isaias. Gingbukyad niya kag pagkakità sa parte nga iya ginapangità, gingbasa niya ini:

Lucas 6:20

Nagsirò si Hesus sa iya mga disipulo kag naghambay, “Bulahan kamo nga mga pobre; kay nagapasakop kamo sa paghaharì ng Dios.

Lucas 7:22

Nagsabat si Hesus sa mga disipulo ni Juan, “Magbalik kamo kay Juan kag ihambay sa iya ang indo nakità kag nabatian diri: ang mga buta nakakità, ang mga pakì nakapanaw ning maayo, ang mga kitungon* nag-ayo, ang mga bungoy nakabatì, ang mga patay nabuhì kag ang Maayong Balità ginapanudlò sa mga pobre.

Juan 1:41

Ang una nga ginghuman ni Andres hay gingpangità niya si Simon kag gingbalitaan, “Nakità namon ang Mesias!” (Ang gusto hambayon hay Kristo*.)

Juan 12:46

Nagkari ako bilang iwag sa mga tawo diri sa kalibutan, agud ang aber sin-o nga magtuo sa akon, indì magpadayon sa pagkabuhì sa kaduyom.

Juan 3:34

Kay ang gingsugò ng Dios hay nagahambay ng mensahe nga halin sa Dios, kay wayà gid limitasyon ang pagtao ng Dios sa iya ng Espiritu Santo.

Ginghuman 10:38

Gingtaw-an ng Dios si Hesus nga taga-Nazaret ng Espiritu Santo kag gahom. Pagkatapos nagkadto siya sa iba-iba nga lugar kag tungod kaibahan niya ang Dios nakahuman siya ning kaayuhan kag nagpaayo ng tanan nga gingpahugaan ng diyablo.

Ginghuman 26:18

para mabuksan ang inda mga mata agud magabalik sinda halin sa kaduyom pakadto sa kahayag kag magatalikod sa gahom ni Satanas kag magbalik sa Dios. Kag paagi sa inda pagtuo sa akon, patawaron sinda sa inda mga kasal-anan kag makaibahan na sinda sa mga ginalain ng Dios nga maging iya tungod sa inda pagtuo.’ ”

Ginghuman 4:26

Ang mga harì sa kalibutan kag ang mga pinunò hay nagatipon kag nagapreparar para magkontra sa Ginoo kag sa iya Kristo.’

Ginghuman 4:27

Sayod namon nga matuod gid ang imo gingpahambay nang una, kay diri gid sa Jerusalem si Herodes, si Poncio Pilato, ang mga bukon Judio kag ang mga Israelita nagkatipon para kontrahon ang imo balaan nga suluguon nga si Hesus nga imo gingpilì nga maging harì.

Colosas 1:13

Gingluwas niya kita halin sa gahom ng kaduyom kag gingsaylo sa gingharian ng iya palanggà nga Ungà.

Santiago 2:5

Pinalanggà ko nga mga kauturan, tandai nindo ini! Dì ba gingpilì ng Dios ang mga pobre sa ini nga kalibutan agud maging manggaranon sa pagtuo kag para makaibahan sa gingharian nga gingpangakò niya sa mga nagahigugmà sa iya?

1 Pedro 2:9

Pero kamo hay gingpilì ng Dios, mga parì nga nagaserbisyo sa Harì, isa ka nasyon ng mga balaan nga tawo ng Dios kag naging iya na kamo agud ipasayod ang iya makatitingaya nga mga hinimuan. Gingtawag niya kamo halin sa kaduyom pakadto sa iya makatitingaya nga kahayag.