Lucas 1:79 - Romblomanon

⁷⁹ para mahayagan ang mga nagakabuhì sa kaduyom kag nahahadlok sa kamatayon. Magatudlò siya sa aton kung pauno magkaigwa maayo nga relasyon sa Dios kag sa aton isigkatawo.”

Lucas 1:79 Iomraidhean Croise

Mateo 4:16

Pero aber ang mga tawo sa ini nga mga lugar hay yarà sa maduyom, makakakità na sinda ng kahayag. Kag ang yarà sa maduyom nga nahahadlok sa kamatayon, mahahayagan na sinda.”

Lucas 2:32

Siya hay pareho sa iwag nga magadaya kahayag ng kamatuuran parti sa imo para sa mga bukon Judio*. Kag tungod sa iya padunggan* ang imo gingpilì nga mga Israelita.”

Juan 1:9

Si Hesus ang matuod nga kahayag nga nagaabot sa kalibutan para mahayagan ang mga tawo agud maintindihan ang kamatuuran.

Juan 12:46

Nagkari ako bilang iwag sa mga tawo diri sa kalibutan, agud ang aber sin-o nga magtuo sa akon, indì magpadayon sa pagkabuhì sa kaduyom.

Juan 8:12

Pagkatapos naghambay liwat si Hesus sa mga Pariseo, “Ako ang iwag nga nagahayag sa mga tawo sa kalibutan. Ang aber sin-o nga nagasunod sa akon agud maging disipulo ko hay igwa ning iwag nga nagatuytoy sa iya kabuhì kag indì na magkabuhì sa kaduyom.”

Juan 9:5

Mintras yari pa ako sa kalibutan, ako ang iwag nga nagatao ning kahayag sa mga tawo.”

Ginghuman 10:36

Sayod nindo ang Maayong Balità nga gingpaabot niya sa amon nga mga Israelita hay imaw ini: ang mga tawo hay magkaigwa ning tamà nga relasyon sa Dios paagi sa pagtuo kay Hesu-Kristo. Siya ang Ginoo ng tanan.

Ginghuman 26:18

para mabuksan ang inda mga mata agud magabalik sinda halin sa kaduyom pakadto sa kahayag kag magatalikod sa gahom ni Satanas kag magbalik sa Dios. Kag paagi sa inda pagtuo sa akon, patawaron sinda sa inda mga kasal-anan kag makaibahan na sinda sa mga ginalain ng Dios nga maging iya tungod sa inda pagtuo.’ ”

Roma 3:17

Kag wayà sinda nagahandom nga magkaigwa ning maayo nga relasyon sa inda isigkatawo.

Efeso 5:8

Dati, nagakabuhì kamo sa kaduyom, pero niyan nagakabuhì kamo sa kahayag kay nagpakig-isa na kamo sa Ginoo. Nganì dapat ipakità nindo sa indo pagkabuhì nga nahayagan na kamo.