Juan 21:5 - Romblomanon

⁵ Nganì hambay ni Hesus sa inda, “Mga amigo, igwa ba kamo ning buoy?” Nagsabat sinda, “Wayà gid!”

Juan 21:5 Iomraidhean Croise

Mateo 14:15

Nang manayumsom na, nagpalapit ang mga disipulo kay Hesus. Hambay ninda, “Manayumsom na kag yari pa kita diri sa tiway nga lugar. Pakadtua na ang mga tawo sa mga baryo agud makabakay sinda ning pagkaon.”

Marcos 8:7

Igwa da sinda ning pila ka bilog nga maintik nga mga isdà. Gingpasalamatan da niya ini kag gingtao sa iya mga disipulo agud ipanao sa mga tawo.

Filipos 4:19

Kag itatao ng Dios nga akon ginaserbisyuhan ang kada kahinangyan nindo sunò sa iya abunda nga manggad, tungod may relasyon kamo kay Kristo.

Hebreo 13:5

Likawi nindo ang paghigugmà sa kwarta. Makuntinto kamo sa mga butang nga igwa kamo, kay naghambay ang Dios, “Indì ko gid kamo bayaan o pabay-an.”

1 Juan 2:13

Mga maguyang sa pagtuo, nagasulat ako sa indo kay may relasyon kamo kay Hesus nga yarà na bago pa nagtunà ang tanan. Mga kabataan, nagasulat ako sa indo kay gingperdi na nindo si Satanas.

1 Juan 2:18

Mga ungà ko sa pagtuo, malapit na ang katapusan ng kalibutan. Gingtudluan kamo nga maabot ang nagakontra kay Kristo kag sa matuod lang, aber arinyan hay madamò na ang aton nakikità nga mga nagakontra kay Kristo, nganì sayod naton nga malapit na ang katapusan.