Mateus 9:26 - Deus Itaumbyry

²⁶ Idânârâ âtâ anary iwaguepaom modo Jesus âwynsaundo kurâem nhetondobyry egary tydasemo myani.

Mateus 9:26 Iomraidhean Croise

Mateus 4:24

Tâinkâ lelâba myani anhekyly egary idâly Síria eynynâ. Aituo pylâ myani tâwâneim modo Jesusram nhadylymo-ro warâ. Âdaunlo tâzewânulâ kua nhekyly. Kadopâgue taseim modo kua nhetaynly. Ekomani modo kua nhetaynly. Adakobâdânry modo kua nhetaynly lâpylâ warâ myani. Idânârâ tâwâneim modo tyam idâypy kua tyese lelâ myani.

Mateus 9:31

Tâtâdaymo olâ mâkânra lelâba nhegatulymo Jesus kua tyetobyry.

Marcos 1:28

Inepa kehoem Galiléia eynynonro modo Jesus egary indadylymo.

Marcos 1:45

Mâkâ uguondo olâ myani târâpa itybyem kua tyetobyry tâgatuze lelâ. Idânârâ egary indadylymo. Awylygue, xidadâ imâsedo odakâ Jesus nâtâba awyly, toenzepa kurâdo tydâtyguyba itoem. Kurâ domodo aguipaom duay, xidadâ imeombyry oday alelâ ize awyly. Kurâ domodolâ aguely idase, nhenomedâdo xutuze warâ idâim.

Marcos 6:14

Jesus anhekyly modo egary idamâmy pymâ Herodes, tâinkâ lelâba Jesus wâgâ aguelymo awylygue. Tâlâ wakenri modo: — João Batista kurâem itondyby keanra awâkâ Jesus. João kurâem nitondâ. Awylygue eon-honru adyesenry modo aiese — keim.

Lucas 4:14

Jesus odopâdyly myani Galiléia yan-yam. Eagâlâ myani Deus Ispiritury. Idânârâ mârâ âji anakâ myani Jesus egary indadylymo.

Lucas 4:37

Inepa kehoem Galiléia eynynonro modo Jesus egary indadylymo.

Lucas 5:15

Tâinkâ lelâba Jesus egary âjidaholy. Aituo myani kurâ domodo aguely idase idâlymo. Tâwânuneim modo idâly kua tyetoem.

Lucas 7:17

Idânârâ Judéia eynynâ, tâinkâ iwaguepaom modo eynynâ warâ indataynlymo Jesus Naim donro salokuzenomo igueypy kurâem nhetondobyry.

Atos 26:26

Aituo myani Paulo agueondyly: — Pymâ Agripa, âkealâ auguely awyly, tutuze âmâ. Koendâ kehoem Jesus wâgâ tutuze âmâ. Âdy totoenze kulâ anientaymba myani mâkâ; tâzenanaym lelâ myani anhedyly.