Mateus 4:14 - Deus Itaumbyry

^14-16 Enanâguewâdaungâ saguhoem Deus itaumbyry egatuimbyry Isaías inweniby: “Kydamudo Zebulom, Naftali warâ eonronru Galiléia eynynâ ejiku, paru Jordão kuynâ, tuomareim kuru ise âmaemo judeu, judeu keba alelâ, mârâ anaym tâjikuneim modo, âdaralâ Deus itaumbyry mâuntuba olâ âmaemo. Awylygue toenzepa âiguelymo mâyntadylymo, mâseguâdâdylymo warâ. Deus wâgâ âzenomedâoze olâ âmaemo, iajinu odano aramo lelâ ise, iamu odanopyryem” kewândymy.

Mateus 4:14 Iomraidhean Croise

Mateus 1:22

Iweâpalâ myakâwândy Isaías aguely: “Pekodo âdykâ uguondo nhynanâdânry adamyze. ‘Emanuel’ kely ise imery ezedy” kewândymy Isaías tinweniby wâgâ. (“Emanuel”, “Kagâlâ Deus” keze aguely.) Jesus iazeduo, aguehobyry aralâ myakâwâm aidyly.

Mateus 2:15

Herodes iguely ara myakâwâm târâ awylymo. “Egitodâba ymery xigâsedâ” kewândymy Deus, Oséias inweniby wâgâ. Jesus iamugâry Egitodâba odopâduo, Deus aguehobyry ara kehoem myakâwâm aidyly.

Mateus 2:23

Xidadâ Nazarédâ myakâwâm âxidâdylymo. Iweâpa Deus itaumbyry egatuwânibyry modo, “nazareno” kelygue âzezekeoze kehomobyrylâ. Nazaréram iamudo Jesus agâ âxidâze idâduomo, Deus aguehobyry ara aidyly.

Mateus 26:54

Deus itaumbyry awo wâgâ inwenibyem olâ ara âsenagazeniem wawyly. Anju domodo kâingâsedyly watay, iwenihobyry aguehobyry araba ise awidyly — kely Jesus mâkâ aienibyryam.

Mateus 26:56

Arâlâma Deus itaumbyry egatuwâni modo ywâgâ inwenibyem awyly Deus itaumbyry awo wâgâ — kely Jesus. Jesus sawâtuo, idânârâ xina eagonropyry modo nhodokely. Xina âwiendyly.

Mateus 4:13

Xidadâ Nazaréamba olâ myani odopâdondyly-ro warâ. Xidadâ Cafarnaumdâ myani âxidâdyly, Galiléia iwalu iwaguepa, saguhoem kydamudo Zebulom, Naftali warâ eonronruem xuduypy eynynâ.

Mateus 8:17

Warâ myakâwândy Deus itaumbyry egatuimbyry Isaías aguely iwâgâ: “Mâkâlâ kâwânu kua ieni, kydâpyneândo etynri warâ” kewândymy. Jesus kurâ domodo kua nhetuo, Isaías aguehobyry aralâ aidyly.

Lucas 22:37

Idânârâ Deus itaumbyry awo wâgâ ywâgâ iwenihobyry ara kehoem ise aidyly: “Kyâim ara ise kâzeholy” warâ. Inepa ise arâ ayedylymo — kely.

Lucas 24:44

Tâwinduapygueduo myani Jesus aguely: — Yiguely iraynâ agâmo watay, âyanmo augue. “Deus itaumbyry awo wâgâ Moisés ywâgâ inweniby ara ise awidyly. Deus unâry egatuwânibyry modo ywâgâ aguehobyry ara ise awidyly. Deus xurâem tygâtuneim modo ywâgâ inweniby ara ise awidyly” ugue wâne-ro — kely Jesus.

João 15:25

“Warâ ise aidyly” tâkezelâ Deus. Iwenibyem itaumbyry awo wâgâ: “Âdaituoba kulâ yizepa awylymo” kely iwenibybe.

João 19:28

Ilâpygueduo tutuze myakâwâm Jesus kâmakehoem aiese tâetobyry âwanikely awyly. Saguhoenlâ Deus itaumbyry awo wâgâ iweniby aguehobyry ara aidyly aitoem aguely: — Tatuanze urâ! — kely.