Mateus 3:17 - Deus Itaumbyry

¹⁷ Aituo kau oday Deus itanru indadyly lâpylâ: — Ymery toenzepa kâinwyneguyly merâ, toenzepa womazeâni — kely myani Deus.

Mateus 3:17 Iomraidhean Croise

Mateus 12:18

“ ‘Etaungâ! Anra merâ iemary kâinduakeyby. Toenzepa kâinwyneguyly merâ, toenzepa womazeâni warâ. Yispiritury nhonwa iese urâ. Judeu domodoram, judeu keba modoram alelâ ise unâry koendonro nhegatuly.

Mateus 17:5

Pedro aguely umelâ eunu tohozeleim xytâguyly nhonwamo. Eunu duay Deus aguely indadylymo: — Ymery toenzepa kâinwyneguyly merâ, toenzepa womazeâni. Aguely idataungâ — kely.

Marcos 1:11

Aituo kau oday Deus itanru indadyly lâpylâ: — Ymery âmâ, toenzepa kâinwyneguyly; toenzepa womazeâni âmâ — kely Deus.

Marcos 9:7

Inepa kehoem myani eunu xytâguyly nhonwamo. Eunu duay Deus aguely indadylymo: — Ymery toenzepa kâinwyneguyly merâ. Aguely idataungâ — kely.

Lucas 3:22

Papaem myani Deus Ispiritury xytâguyly nhonwa. Aituo myani kau odaypa Deus itanru indadyly lâpylâ. — Ymery âmâ, toenzepa kâinwyneguyly; toenzepa womazeâni âmâ — kely Deus.

Lucas 9:35

Eunu duay Deus aguely indadylymo myani: — Ymery merâ, Messias-em kâingonotyby, “Igonose urâ” uguehobyry. Aguely idataungâ — kely.

João 5:20

Imery wawylygue, toenzepa Pabai ywynedyly. Awylygue idânârâ adienkyly modo nhenehonly. Agânhetyby modo tâense âmaemo. Pabai yam nhenehonly aiese olâ urâ, mârâ iwâkuru kuru. Mârâ agânhetuo, âsewânize lelâlâ âmaemo.

João 5:37

Pabai ywâgâ adâkeze lâpylâ, mâkâlâ ugononi awylygue. Agueho mâindadyseba olâ âmaemo, nhutuen-honly mâuntudyzebamo warâ. Âdykâ mâkâ itanru mâindapyra, emydy mâempyra warâ olâ âmaemo.

Efésios 1:6

Kagâ koendonro lelâlâ Deus. Aguely kieinwâmpyra kydawyly umelâ myakâwâm koendonro tawyly kyam nhenehonly. Tymery tinwyneguyly kurâem aitobyry wâgâ akâwâm Deus toenzepa koendâ tawyly nhenehonly. Awylygue koendonroem awyly wâgâ Deus kionmaendyly.

Colossenses 1:13

Saguhoem Satanás emaym kulâ akâwâm kurâ, iamu oday. Deus olâ Satanás amaymba kâmakerim, kagâikenri warâ, imery toenzepa inwyneguylygue kywymâgoem.

2 Pedro 1:17

Târâ iwy wâgâlâ ani xina, Kunwym Deus, Jesus ehogu, xynru warâ wâgâ agueday. Jesus ety iwogonro sapekadyly, ehozeladyly warâ xina emâ. Deus ton-honreim kuru: “Ymery toenzepa kâinwyneguyly merâ, toenzepa womazeâni” kely xina idamâ warâ.

1 João 5:9

Mâkâ aidyly enipyry kyam nhegatuly, tâinwânse lâpylâ kurâ. Deus aguehobyry olâ tâinwânseim kuru. Awylygue Jesus wâgâ aguehobyry kieinwândyly.

Apocalipse 14:2

Deus eydâ atodâ ânguylâ aguely xidadâ, ton-honre kehoem, iwâelu imâsedo ara, kopâ ipyru ara warâ. Koendâ kehoem lâpylâ olâ keankâ igâky, harpa igâky wâne myara.