Mateus 28:9 - Deus Itaumbyry

⁹ Jesus eagâmo toxioze myani. Aituo myani aguely: — Âdapa lâwâne âmaemo? — kely. — Âdapa — kelymo. Iopaji saindylymo. Enado âzeguhoam idylymo. Ixinary tywymogoynzemo myani, koendonroem awyly wâgâ adâkezemo warâ.

Mateus 28:9 Iomraidhean Croise

Mateus 14:33

Aituo xina Jesus nhehoguedyly: — Âkealâ Deus imery lelâlâ âmâ! — xina kely.

Mateus 23:7

Âdykâlâ kurâdo âtâdyguyho einkâ takaduomo, mâkâ modo tâdaenkudyzemo, tynrendysemo warâ inanry. “Konomedâni” kelygue lelâ tâzekedyze awylymo.

Mateus 28:10

Aituo myani Jesus eyanmo aguely: — Tâseanezeba itaungâ. Idâwâtaungâ. Ynynonro modoram aguewâtaunda. “Âwaynâmolâ ise Jesus idâly Galileiaram. Târâ ise âwânwândylymo. Ese âmaemo” warâ kewâtaunda — kely Jesus.

Mateus 28:17

Târâ Jesus tientuo, toenzepa kehoem xina iomazely. Enado xina âzeguhoam idyly. Koendâ awyly wâgâ xina aguely warâ. Tâlâ olâ ani xina ewy Jesuslâ awyly einwântânry.

Mateus 28:8

Inepa kehoem pekodo modo Jesus eguepybyry etadâdobyry nhodokelymo. Toenzepa myani eanumo, iomarumo lâpylâ warâ. Egatudylymo Jesus eynynonro modoram tiengatuhomoem.

Lucas 1:28

Aituo myakâwâm anju Mariaram idâly, aguely: — Tuomare ikâ, Maria. Kywymâry Deus agâlâ, koendonro âmâem adientoem — kely.

Lucas 24:52

Awârâ modo tindatuo, tientuo warâ myani aguelymo: — Koendonro mâkâ Jesus! Deuslâ mâkâ! Ânguy mâkâ emyenro lâpeba! — kelymo, tiynrentomoem. Ilâpygueduo myani tuomamune odopâdaynlymo Jerusalémram.

Lucas 7:38

Egawândyly. Jesus eydâ atoram iwaguepa kehoem idâly. LÂPU idyly. Eogumadyly. Aituo Jesus ihuru inkuily tânugurugue. Tyangahuduguelâ Jesus ihuru in-huguoguely. Ihuru nhonugudyly. Ihuru onwa uriza nhapâdyly.

João 12:3

Xina âwinduadyly ume Maria uriza etary meio litru tâmânreim tâmaxi nhedyly. Nady nardo iwindy ekurugue aietyby ani mârâ uriza. Âjigueto myani mârâ, âdy agâ itugândyby keba. Awylygue toenzepa ewâendyly. Jesus ihuru onwa uriza nhapâdyly. Aitybyem tyangahudugue in-hugoguely. Toenzepa âtâ oday nhârânzely.

João 20:19

Mârâ domingo, kopaelâ, âjigue âtâdyguybyem xina Jesus eynynonro modo. Pymâdo tawânehonly tytaze akâwâm xina. Awylygue pyanta modo koendâ kehoem enahunwâdybyem awyly. Pyanta enahuymby ozelâ Jesus egawândyly; âepanâguely xina ontay kehoem. Xinaram aguely: — Tâseguâdâzeba itaungâ, tyanepa warâ — kely.

João 20:28

Aituo Tomé eyam aguely: — Ywymâry, yDeusry warâ âmâlâ! — kely.

2 Coríntios 13:11

Cristo eynynâ ypemugudo, kâsedaenguly ise xirâ. Deus amidysemo ato ara amidylymo etaungâ. Âurutomobyry koendâ inwantaguedaungâ. Tokalelâ angahumo oday âunârymo nidâ. Tâjihoguzeba, tâtuebazeba warâ itaungâ. Arâ-ro watay, Deus toenzepa kywyneni, tâkuâgueba kyeni warâ aunlolâ ise agâmo awyly.

Apocalipse 3:9

“Idataungâ augueho! Tâlâ awâtârâ Filadelfiadâ judeu domodo ewy ‘Deus eynynonro xina’ kewâni modo. Kewâdylymo kulâ olâ, Satanás eynynonro kulâ akaemo. Tâwâlâ wâne iwerâ âduerymoem awylymo. Xypyry etay olâ inadomo âzeguhoam isemo, âyrentomoem. ‘Jesus âwynedâmo awyly, tutuze xina’ kezemo. Warâ ise âyrentomoem agânhedylymo.