Mateus 28:10 - Deus Itaumbyry

¹⁰ Aituo myani Jesus eyanmo aguely: — Tâseanezeba itaungâ. Idâwâtaungâ. Ynynonro modoram aguewâtaunda. “Âwaynâmolâ ise Jesus idâly Galileiaram. Târâ ise âwânwândylymo. Ese âmaemo” warâ kewâtaunda — kely Jesus.

Mateus 28:10 Iomraidhean Croise

Mateus 14:27

Warâ olâ ani Jesus aguely xinaram: — Âzeon-hondâdaungâ! Tâseanezeba itaungâ! Jesuslâ urâ! — kely.

Mateus 25:40

Warâ ise auguely eyanmo: — “Ynynonro modoram pyni, paru, âtâ xykyhomo warâ muduwânmo. Ynynonro modo ewânumo ume, kadeia oday awylymo ume warâ, iomazeânze mydâwânmo. Ukono emyenro modo koendâ memâmo. Kaikânro modo, tâwâneim modo warâ koendâ mâendylymo-ro watay, urâlâ mâenkylymo” keze urâ yagonro modoram. Xirâ mâuntudyzemo kuru wato.

Mateus 25:45

— Aituo ise auguely eyanmo: “Âdykâ kaikânro modo mâenmawyadâdaymba ani âmaemo. Akaemo mâenmawyadâdaymba âmaemo watay, urâlâ mâenmawyadâdyzeba matomo” keze urâ eyanmo. Xirâ mâuntudyzemo kuru wato — kely.

Mateus 26:32

Yigueduo, kurâem itonze olâ urâ. Kurâem witombygueduo, âwaynâmolâ ise udâly Galileiaram — kely.

Mateus 28:16

Xina idâly Galileiaram. “Târâ ise kydoxiodyly” Jesus kehobyry iwy onwa xina âkuly.

Mateus 28:5

Anju kaynâpa âetyby pekodo modoram aguely myani: — Tâseanezeba itaungâ. Tutuze urâ, Jesus mâwinlymo awyly, kruz onwa sakâjiby.

Mateus 28:7

Inepa idâwâtaungâ, eynynonro modoram egatuze. “Kurâem nitondai! Waunroenlâ ise Galileiaram idâly. Târâ ise mâendylymo” kewâtaunda eyanmo. Auguehobyry ara ise aidyly — kely myani anju.

Mateus 28:9

Jesus eagâmo toxioze myani. Aituo myani aguely: — Âdapa lâwâne âmaemo? — kely. — Âdapa — kelymo. Iopaji saindylymo. Enado âzeguhoam idylymo. Ixinary tywymogoynzemo myani, koendonroem awyly wâgâ adâkezemo warâ.

Marcos 16:7

Idâwâtaungâ, Pedro domodoram egatuze: “Waunroenlâ ise Galileiaram idâly. Târâ ise âwânwândylymo, mâendylymo warâ aguehobyry aralâ” myguelymo ise eyanmo — kely.

João 20:17

Jesus aguely: — Yawâdâ. Pabairam kodopâdaymba lelâ urâ. Ynynonro modoram idâ, akaemo konodo ara kehoem kâinwyneguyly modoram. Warâ eyanmo aguekâ: “ ‘Pabairam ise kodopâdyly, mâkâ Pabai myguehomo, âDeusrymo warâam’ keanry Jesus” kera eyanmo — kely.

João 6:20

Warâ olâ Jesus aguely xinaram: — Tâseanezeba itaungâ! Jesuslâ urâ! — kely.

Romanos 8:29

Onro tiungudyly iraynâlâ myakâwândy Deus ânguy, ânguy warâ tynynonroem ini modo nhutuly. Akaemo tuduakeze myakâwândy. “Ymery Jesus Cristo ara koendonroem itomoem igâseze urâ. Iwaigorumo ise mâkâ, kâinduakewâdyby modo ise iukonodo, eaundudo warâ-ro” kewândymy Deus.