Mateus 27:12 - Deus Itaumbyry

¹² Akaemo kurâdo eynynâ Deus agâ aguewâni modo iwymârydo, kywymâry modo warâ tâwentâduo, âdakepa olâ Jesus.

Mateus 27:12 Iomraidhean Croise

Mateus 26:63

Âdakepa olâ myani Jesus tâsemaguehoem. Aituo myani kurâdo eynynâ Deus agâ aguewâni modo iwymâry kuru nhapâigueondyly: — Messiaslâka âmâ, Deus Ingonotyby? Deus iguedânry imerylâka âmâ? Âkealâ xinaram mâengatuba âmâ-ro watay, âsenagazeze âmâ — kely.

Mateus 27:13

Pilatos aguely Jesusram: — Akaemo iwentâdo midatailâ. Amyguehonly mâin-hogubaka ise âmâ? — kely.

Mateus 27:14

Jesus olâ âdakepa. Toenzepa kehoem Pilatos âseguâdâdyly, Jesus tâsemaguehoem âdakepa awylygue.

Lucas 23:9

Aituo myani Herodes toenzepa Jesus nhapâiguely aitobyry wâgâ, aguehobyry wâgâ warâ. Jesus olâ nihoguba.

Atos 8:32

Warâ myani Deus itaumbyry ewy mâkâ Etiópia donro intainly aguely: “Kaneru wâne tyâday, tuhudu satâday warâ âdanipyra, myara myani mâkâ âdanipyra awyly tâsemaguehoem. Tâwâlâ wâne âzenagazeoly, âdakepa olâ myani tyizepaom modoram.

1 Pedro 2:23

Tâjiwykeoduo, koendâ lelâ aguely, ânguy niwykeba. Kruz wâgâ tâsenagazeduo, “Inagazezemo lâpylâ urâ ayetomobyry wâgâ” kepa akâwâm. Warâ akâwâm aguely: “Deus emaxilâ kâtuly” kely. Tutuze Jesus, Deus koendonro, iozeno lelâ warâ awyly, tânagazeni modo âdanhedyly tutuze warâ.