Mateus 26:74 - Deus Itaumbyry

⁷⁴ Aituo myani Pedro agueondyly: — Mâkâ mâkeba urâ! Kâuntuwâbyra urâ awâkâ uguondo! Tutuze Deus âkealâ auguely awyly. Tâwâlâ ise Deus ienagazenehonly, uguewâdyly kulâ-ro watay — kely. Pedro. Aguely umelâ myani aukuma igâtudyly.

Mateus 26:74 Iomraidhean Croise

Mateus 10:28

— Ârinmo kâdytadaundâ; igadopyrymo âdaunloenlâ adaindânry tyân-hoem ton-honremba mawânkâ. Tâwâlâ lelâlâ wâne inagazedylymo. Ton-honremba olâ Satanás eydâ tatoram ogonosemo. Deus anhekyly xytadaungâ. Awâkâ kulelâ mawânkâ âigueduomo, Satanás eydâ atoram ogonosemo ton-honreim.

Mateus 26:34

Jesus olâ warâ eyam aguely: — Xirâ kopae, aukuma igâtudyly iraynâ, azagâ tokalâ warâ ise “Jesus kâuntuwâbyra urâ” myguely. Xirâ mâuntudyze wato kuru — kely.

Mateus 26:73

Ilâpyryem myani uguondo modo ewy Pedro iopaji saindylymo. — Jesus eynynonrolâ âmâ. Tutuze xina, Galiléia donro mawyly, earamolâma amyguely — kelymo.

Mateus 26:75

Tindatuo, Pedro Jesus tyam aguehobyry nhenanâguely, “Xirâ kopae, aukuma igâtudyly iraynâ, azagâ tokalâ warâ ise ‘Jesus kâuntuwâbyra urâ’ myguely” kehobyry. Aguehobyry tienanâgueduo myani toenzepa Pedro itynwandyly. Târâpa âxiguely. Tâjityenze kehoem eogumadyly.

Mateus 27:25

Idânârâ kurâdo aguely: — Xinalâ ise tâwentâzeim awâkâ iguehobyry wâgâ, xina, xina imeombyry, xina iweompyry alelâ — kelymo.

Marcos 14:30

Jesus olâ warâ eyam aguely: — Xirâ kopae, aukuma igâtudyly azagâ ieto iraynâ, azagâ tokalâ warâ ise “Jesus kâuntuwâbyra urâ” myguely. Xirâ mâuntudyze wato kuru — kely.

Marcos 14:68

— Mâkâ mâkeba urâ. Kâuntuwâbyra urâ awâkâ. Ânguyka awâkâ Jesus, iwâgâ amygueho? — kely myani Pedro. Agueypyem, pyanta taseraji tâdâwântoram Pedro idâly. Mârâ umelâ myani aukuma igâtudyly.

Lucas 22:60

Aituo Pedro agueondyly: — Âdy wâgâ amyguely awyly kâuntuwâbyra urâ! Kâuntuwâbyra urâ awâkâ! — kely. Pedro aguely umelâ myani aukuma igâtudyly.

João 18:27

— Mâkâ mâkeba urâ! Kâuntuwâbyra urâ awâkâ! — keondyly Pedro. Pedro aguely umelâ, aukuma igâtudyly.

Romanos 9:3

Auguely tâise Kunwyn-am: “Urâlâ nhewentâguegâ, judeu domodo âsemaguehoem. Tuduzelâ watay, urâlâ Cristo agâpa yenehongâ, ypemugudo mâkâ agâpa tyeseba itomoem” warâ tâise Deusram auguely.

1 Coríntios 16:22

Kywymâry Jesus iwynedânry modo tâwâlâ Deusram tânagazezeinhelâ nidâ. Marana tá! uguely. (“Inepa odopâgâ, Pymâ!” keze aguely.)

Apocalipse 3:19

Idânârâ kâinwyneguyly modo turuse, tagâikeze warâ urâ, inakanhe adâidyly imohomoem. Tâjityenzelâ itaungâ inakanhe amidylymogue. Imowâdaungâ lelâlâ inakanhe amidylymo; imoze myguelymo kulâ mâkeba nidâ.