Mateus 24:42 - Deus Itaumbyry

⁴² Ywânwântâlâ itaungâ. Mâuntuwâbyra âmaemo, âdara urâ Uguondo Kaynâpa Âetyby kodopâdyly awyly.

Mateus 24:42 Iomraidhean Croise

Mateus 24:36

Jesus aguely: — Kunwym Deus kulelâ xuturim kuru âdara kodopâdyly awyly, kopae atay, peto oday atay warâ. Ânguy xirâ anano nutuwâbyra. Anju domodo nutuwâbyra. Urâ Deus imerylâ kâuntuwâbyra urâ.

Mateus 24:43

Âdara tâmagazeim saindyly awyly nutuwâbyra âtâ sodo. Tutuze-ro watay, tânanaynlâ tâise, tysejiguy tienmakehoem.

Mateus 24:44

Kodopâdyly tânuenzelâ itaungâ; inanaynmolâ lâpylâ itaungâ warâ. Ienuendylymo ume inkâba ise urâ Uguondo Kaynâpa Âetyby kodopâdyly. Xirâ mâuntudyzemo kuru wato — kely Jesus.

Mateus 25:10

— Agueduomo myani akaemo tonomeguenry modo idâlymo tylamparinary eoku sanâse. Nodopâbyramolâ myani ohogüinrim saindyly. Akaemo tonomegueim modo myani ohondybyenlâ tawylygue, eagâlâ egawândylymo âtyam. Warâ myani pyanta âzenahuoly, xavepe âieholy warâ.

Mateus 25:13

Warâ Jesus xinaram aguely: — Inanaynmolâ itaungâ! Mâuntuwâbyra ise âmaemo âdara kodopâdyly — kely.

Lucas 21:34

Aituo Jesus aguely: — Inanaynmolâ itaungâ. Âtydâ lelâ waypa itaungâ. Adakuize kulâ waypa itaungâ, okumo ikaji mipyra mitomoem. Pyni wâgâ tâtynanâzeba itaungâ, itymo owogonromo wâgâ, kopaelâgâembaba iwanumo wâgâ warâ. Awârâ modo wâgâ kulâ mâtynanâdylymo-ro watay, awârâ kulâ ise angahumo odano, yaindyly mâkeba.

Lucas 21:36

Awylygue, yaindyly tânuenzelâ itaungâ, uguely. Deus agâ amyguepa tâiseba itaungâ. On-honrumo ekadaungâ tâdâsenagazedyly mâenmaen-homoem. “Warâ ise agâmo aidylymo” keze kurâdoram, ienado ton-honre mitomoem ekadaungâ — kely Jesus.

Romanos 13:11

Awylygue Deus ize ato ara lelâ aietaungâ, Kywymâry Jesus âeto iwaguepa isezedyly mawânrâ. Xykywâni modo araba itaungâ. Tonomeguelâ itaungâ, Deus aguehobyry amânhetomoem nhuduly umelâ. Jesus âetuo, Deusram âzemakeoybyem ise kurâ. Iwaguepa idyly Jesus âeto. Iweâpa nidâlâ mawânrâ kieinwântobyry.

1 Coríntios 16:13

Tonomeguelâ itaungâ, Satanás inokubyramo itoem. Ton-honre lelâ Jesus einwânsezedaungâ. Tâdâsenagazedyly, âdylâ ton-honreim warâ mâenmaen-homoem, âsegamiwâdaungâ, âzeon-hondâdaungâ warâ. Ton-honre lelâ Deus mâinwândylymo nidâ.

1 Tessalonicenses 5:6

Xykywâni modo arapa kine, xykydânry modo ara, âdy aini awyly kiuntuhoem.

1 Pedro 4:7

Iwaguepa xirâ modo adain-ho. Inanaynmolâ itaungâ. Tâwâlâ âjimanâdaungâ, Deus ize ato ara amitomoem, Deus agâ amyguehomoem warâ.

1 Pedro 5:8

Inanaynmolâ itaungâ, ohondybyem lelâ warâ. Awârâenlâ mawânkâ kuduery Diabu tumunreim. Leão wâne tygâse kehoem todu nhuinly tyântoem myara mawânkâ kânâmidyly. Jesus kieinwâmpyra kyedyse mawânkâ.

Apocalipse 16:15

Aituo keankâ Jesus aguely kâindadyly. — Xirâ xutuwâdaungâ! Odopâze urâ, idânârâ ânguy ienuendyly umeba kehoem, tâmagazeim saindyly wâne tynwânwândyly umeba myara. Ienuenibyrylâ ise yagâ tuomareim kuru. Etaungâ wâne mâkâ âtâ eni, sodo âxigueduo, tykyhoem âzetygueim, âtâ sodo saintuo, tâtyemba tawyly nhetuo, âpybazedyly waunlo. Mâkâ araba itaungâ — kely keankâ Jesus.