Mateus 23:39 - Deus Itaumbyry

³⁹ Ietondaymba ise âmaemo, “Koendonro lelâlâ âmâ, Deus Ingonotyby” yam myguelymo ara. Xirâ mâuntudyzemo kuru wato — kely Jesus.

Mateus 23:39 Iomraidhean Croise

Mateus 21:9

Waunroem idâwâni modo, âgânâ idâwâni modo warâ adaenkewâdylymo adaguly: — Hosana Davi iwerypyry! — kelymo. (“Tohoguezeim Davi iwerypyry” keze aguely.) — Tohoguezeim kuru awâkâ Deus eon-honru enehonze âeni! Hosana Deus kaynonro! — kelymo.

Lucas 17:22

Jesus aguely myani tynynonro modoram: — Âsenagazeze âmaemo. Toenzepa ise agâmo wawyse mawylymo, on-hondâzemo. Tâwâlâ wâne âdiempa kulâ awyly. Urâ Uguondo Kaynâpa Âetyby tarâ agâmo witoem nudupa olâ ise.

João 14:19

Inepa ise Deus eynynâbaom modo iepyra idylymo. Âmaemo olâ iese. Igueypyem kurâem witondobyry wâgâ ise Deus agâpa mâseagongueba mawylymo; igueypyem, yagâlâ ise âmaemo.

João 14:9

Aituo Jesus aguely: — Filipe, iweâpa lelâlâ wâne agâmo wawyly. Ânguy wawyly mâuntuba lelâ waunlo ara olâ âmâ! Ieni modo, Pabai tâensemo lâpylâ. Awylygue ietâ kulâ, “Pabai mygueho enehongâ” tâkezeba ikâ.

João 8:21

Jesus aguely: — Idâze urâ; uize âmaemo-ro warâ. Inakanhe amitomobyry tygakezebalâ ise âiguelymo. Awylygue ise udâhoram mydâpa mawylymo — kely.

João 8:24

Yeinwâmpyra lelâ âmaemo-ro watay, inakanhe amitomobyry tygakeduneba ise. Inakanhe amitomobyry wâgâ tâzewentâgueozelâ ise âiguelymo, URÂLÂ URÂ kelygue tâzekeim mâinwâmpyra âmaemo-ro watay — kely.

João 8:56

Kydamu Abraão toenzepa iomazewâm, tarâ xirâ onro anaym wawyly tientuo — kely.

Romanos 11:25

Cristo eynynâ ypemugudo, koendâ idataungâ. Deus induakeyby modo wâgâ saguhoem tâgatuzenry modo mâuntudyzemo wato. Judeu domodo ewy Jesus kâmakeim awyly neinwântaymbamo ise. Arâlâ ise aisezedyly, judeu keba modo Jesus einwânni modo agui idyly ara, Deus turâem ize ato ara. Judeu domodo aunloenlâ eganumo nipyramo olâ ise. Iweâpa lelâlâ Deusmy judeu keba modo ewy iduakewâm turâ xurâem itomoem. Idânârâ akaemo judeu keba modo Deus induakeyby Jesus nheinwântuo, agui judeu domodo Jesus neinwâmpyra tawyly imozemo, einwânsemo-ro warâ. Xirâ mâuntulymo watay, judeu domodo takaze koendâ mawylymo angahumo odaji mânhetaymba ise âmaemo.