Mateus 21:44 - Deus Itaumbyry

⁴⁴ [Ânguylâ mârâ tuhu onwa ihugueyby, âdyâze. Ânguy onwalâ mârâ tuhu ihugueduo, samiunze] — kely Jesus.

Mateus 21:44 Iomraidhean Croise

Mateus 21:43

— Yizepa matomobyry enanâguewâdaungâ. Awylygue judeu keba modoram ise âdara Deus kywymâryem idyly awyly egatuly. Yeinwânsemo-ro warâ. Akaemo iwymâryem ise Deus, âwymârymoemba.

Mateus 21:45

Aituo ani akaemo kurâdo eynynâ Deus agâ aguewâni modo iwymârydo, fariseu domodo warâ Jesus unâ nhegatuyby indadylymo. Tywâgâ aguely awyly nhutulymo myani, Jesus izetonro keba tawylygue, tâwanuneim modo âpa ezary sodo imery izepa atomobyry ara.

Mateus 26:24

Deus itaumbyry egatuwâni modo iweniwânmy ywâgâ: “Uguondo Kaynâpa Âetyby âdyoze” kely myakâwâm inwenilymo. Aguehomobyry ara ise awidyly. Toenzepa âsenagazeze olâ yizepanro modo emaxi iegamerimbyry. Niazepa wânkâ nidyse! — kely.

Mateus 27:25

Idânârâ kurâdo aguely: — Xinalâ ise tâwentâzeim awâkâ iguehobyry wâgâ, xina, xina imeombyry, xina iweompyry alelâ — kelymo.

Lucas 2:34

Simeão agueondyly myakâwâm eyanmo: — Deus agâmolâ ise, nhenimoem — kely. Aituo myakâwâm Jesus isenra aguely: — Deus induakeyby wâne merâ iamudo, kypemugudo judeu domodo ewy âmery neinwâmpyramo olâ ise. Awylygue ise Deus agâpa âieholymo. Igueduomo âji tâdâsenagazedoram ise idâlymo. Tâlâ pylâ olâ ise âmery einwânni modo. Deus eydâpa nâiehobamo ise-ro warâ. Igueduomo eydâ atoram ise idâlymo. Âmerylâ ise kurâ domodoram âdara âsemaguelymo wâgâ aguenri. Toenzepa olâ ise izepanro modo.

Lucas 20:18

— Ânguylâ mârâ tuhu onwa ihugueyby, âdyâze. Ânguy onwalâ mârâ tuhu ihugueduo, samiunze — kely myani Jesus. {Mâkâ uva sodo imery emyenro, tuhu âtâ itâni modo izepa atobyry emyenro warâ awâkâ Jesus.}

João 19:11

— Deus amânhedyse ato lelâ yagâ amânhekyly. Deus aguepa kulâ, âdy yagâ amânhetaymba âmâ. Yâen-honly-ro watay, inakanhe kulâ awârâ, tutuzelâma âmâ, âdara wipyra wawyly yiguehoem. Âsenagazeze âmâ ayenehon-hombyry wâgâ. Mâkâ âyam iegamerimbyry olâ ise akadâ kehoem kuru âsenagazeni — kely Jesus.

Romanos 9:33

Warâ iwenibyem awyly Deus itaumbyry awo wâgâ: “Koendâ idataungâ. Mâkâ kâingonokyly Siãoram igonose urâ. (Jerusalémgue tâzekeim lâpylâ mârâ.) Mâkâ einwântânry modo yam naintaymbamo ise. Tuhu ara ihuguehomoem ihodaigânimobe ise. Mâkâ einwânni modo olâ urâ xurâ modoram kâunduly emakezemo; alâ kulâ inkâba ise nheinwândylymo” warâ iwenibyem awyly Messias wâgâ.

1 Tessalonicenses 2:16

Judeu keba modoram Jesus wâgâ tâdâsemagueho xina nhegatudyzebamo. Awylygue toenzepa inakai modo anhesezedylymo, Deus tânagazedo nhondylymo warâ. Toenzepa ise xypyry etay âzenagazeolymo.

1 Pedro 2:8

Warâ Jesus Cristo wâgâ Isaías inwenily: “Ihodaigânimo ise xirâ tuhu, ihuguehomoem” kely iwenibybe lâpylâ Deus itaumbyry awo wâgâ. Toenzepa wâne Deus itaumbyry idani modo neinwâmpyramo olâ. Aituo ise Deus ize ato aralâ âsenagazedylymo xypyry etay.