Mateus 21:11 - Deus Itaumbyry

¹¹ Aituo kurâdo in-hoguly: — Jesus mâkâ, Deus ynynâ aguenri. Galiléia eynynonro, xidadâ Nazaré donro mâkâ — kelymo.

Mateus 21:11 Iomraidhean Croise

Mateus 2:23

Xidadâ Nazarédâ myakâwâm âxidâdylymo. Iweâpa Deus itaumbyry egatuwânibyry modo, “nazareno” kelygue âzezekeoze kehomobyrylâ. Nazaréram iamudo Jesus agâ âxidâze idâduomo, Deus aguehobyry ara aidyly.

Mateus 21:10

Warâ Jesus Jerusalém odaxi saindyly. Idânârâ kehoem mârâ xidadâ odano modo âjigue aguelymo: — Ânguyka mâkâ saini? — kelymo.

Mateus 21:26

“Uguondo kulâ ani João aitoem agueim, Deus mâkeba” kykeduo, kurâ domodo kagâ iewiâpadaynze. “Deuslâ João Batista igononi” tâkezemo inanry — kelymo.

Mateus 21:46

Awylygue Jesus tientadânehondyze idylymo, tyâen-hon-hoem. Âjigue aguelymo: — Iweâ lelâlâ kianwânehonly watay, kurâdo kagâ iewiâpaze Xurâmoem, koendonro lelâlâ awâkâ Jesus, Deus eynynâ aguenri awâkâ — kelymo. Awylygue Jesus âdara niepyra awylymo ilâenlâ.

Marcos 6:15

Tâlâ lâpylâ wakenri modo: — Mâkâ keba awâkâ. Elias awâkâ Jesus-em ini — keim. Tâlâ pylâ, — Mâkâ keba awâkâ. Saguho modo Deus itaumbyry egatuwânibyry ewy kurâem ityby awâkâ Jesus — keim. Warâ myani aguelymo, ânagadoem kulâ.

Lucas 13:33

Awylygue iwerâ, kopaelâgâ, kopaelâgâbygueduo warâ ise Jerusalémram idâzeseze wawyly. Jerusalémdâ lelâ mawânkâ Deus eynynâ aguewâni modo iguely — kely Jesus.

Lucas 24:19

Aituo myani Jesusram adapâigueolymo: — Âdyka amyguehomo? — kely. In-hogulymo: — Jesus Nazaré donro aietobyry wâgâ enra xina aguely. Deus eynynâ agueim keankâ mâkâ. Uguondo anhetânry aieni keankâ mâkâ, Deus anhekyly aieni warâ. Koendâ keankâ Deus wâgâ kurâdo nhenomedâdyly. Deus, kurâ domodo alelâ keankâ nhomazeânguyly, adienkylygue, adâkehogue warâ.

Lucas 7:16

Salokuzenomo igueypy, kurâem itondyly tientuo toenzepa kehoem idânârâ âseanedylymo. Deusram aguelymo myani: — Koendonro âmâ, Deus! Xina agâlâ merâ âynynâ agueim, mâkâ xina emakeze mâingonotyby! — kelymo.

Lucas 7:39

Pekodo aidyly tientuo myani Simão aguely tyangahu oday: — Deus eynynâ agueim mâkeba keanra awâkâ Jesus. Deus Ingonotybylâ-ro watay, tutuze tâise, awâkâ pekodo toenzepa inakai lelâlâ awyly. MÂʼ nâiehowâbyra tâise warâ — kely myani Simão tyangahu odaylâ.

João 1:21

Aituo nhapâigueondylymo: — Messias keba matay, Elias kurâem itondyby âmâ? — kelymo. Aituo João in-hoguly: — Elias mâkeba urâ — kely. — Moisés ara Deus itaumbyry egatuim tynwânwânseinlâ âmâ? — kelymo. — Mâkâ keba aze — kely.

João 4:19

Âdaunloem tawyly Jesus agueduo, pekodo âseguâdâdyly. Eyam aguely: — Iweâma tutuze urâ, Deus wâgâ agueim mawyly.

João 6:14

Awârâ adyesenry Jesus anhedyly enipyry modo aguelymo: — Âkealâ mynra, Deus itaumbyry egatuim kinwânwânkylylâ mynra merâ. Roma donro takaze kehoem merâ kywymâryem kyjiene! — kelymo.

João 7:40

Aguely idanipyry modo aguelymo: — Âkealâ, Deus eynynâ agueinlâ awâkâ uguondo. Messias kinwânwânkylylâ awâkâ — kelymo.

João 9:17

Aituo eyam agueondylymo: — “Epyemba yetai mâkâ” mygueanse. Âdara mâkâ wâgâ âunâry? — kelymo. — Ienanaji, Deus eynynâ agueinlâ mâkâ — kely.

Atos 7:37

Moiséslâ myakâwândy kydamudoram agueim: “Kyweompyryram igonose Deus tytaumbyry egatuim. Kypemugulâ ise mâkâ. Uduake wâne Egitodâpa imakerinmoem myara lâpylâ ise mâkâ kâmakerim ingonodyly” kerim.